Чьрʹа гәрәке хԝә һазьр кьн? Чьмки чәтьнайед сьһʹәт-ԛәԝатева гьредайи дькарьн ньшкева бьԛәԝьмьн, кӧ әм нә жи һивийе нә. Ләма жи пешийа кӧ тьштәк бьԛәԝьмә, хԝә һазьр кьн, ԝәки һун аликʹарийа лапә баш ԝәʹдәда бьстиньн. Һәрге һун ӧса бькьн, һуне бьдьнә кʹьфше, ԝәки жийине ԛимәт дькьн у ԛануна Йаһоԝа һьндава хуне һьлдьдьн һʹәсаб (Кʹр.Шн. 15:28, 29).

Һун ча дькарьн хԝә һазьр кьн?

• Пешийа кӧ бланка хуне тʹьжә ки, дӧа кә у рʹьнд леколин кә. a Мьзгинванед ньхӧманди дькарьн әве бланке бал ԝи бьрайи һьлдьн, кʹижан кӧ бона ве йәке щабдар ә. Ӧса жи де-бав дькарьн бона зарʹед хԝә Карта Хуне бона Зарʹа һьлдьн у тʹьжә кьн

• Һәрге тӧ һʹәмлә йи, жь рʹуспийе щьвата хԝә бьхԝазә Информасийа бона Кʹӧлфәтед Һʹәмлә (S-401). Әв бланк дькарә али ԝә бькә сафикьрьнед рʹаст бькьн, һәрге ԝәʹде гьранбуне йан жи зарʹанине, чәтьнайед сьһʹәт-ԛәԝатева гьредайи пешда бен

• Һәрге тәрʹа ԛәнщкьрьнәкә ӧса лазьм бә, кʹидәре кӧ дьбәкә һʹәким дькарьн хуне бьдьнә хәбате, йан жи һәрге тӧ гәрәке бона ԛәнщкьрьне нәхԝәшханеда бьмини, дәрһәԛа ве йәке пешда рʹуспийарʹа бежә у ӧса жи бьра нәхԝәшханеда бьзаньбьн, кӧ Шәʹдәки Йаһоԝа, йе кӧ һаш жь дәрәща тә һәйә, ԝе бе тʹәсәлийа тә бькә

Рʹуспи ча дькарьн аликʹарийе бьдьн? Әԝана дькарьн али тә бькьн бланка бона хуне тʹьжә ки. Ле әԝана ԝе дәԝса тә сафикьрьна нәкьн у дәрһәԛа ԝан тьшта, чь кӧ тӧ гәрәке хԝәха сафи ки, ԝе ньһерʹандьна хԝәйә шәхси нәбежьн (Рʹм. 14:12; Гл. 6:5). Чахе тӧ рʹуспийарʹа бежи кӧ дәрәща тә ӧса нә, ԝәки дьԛәԝьмә дохдьр бежьн кӧ лазьм ә хуне бәри тә дьн, ԝи чахи рʹуспи ԝе дәрберʹа тʹәви Комитейа Һәвкʹарийа Нәхԝәшхане текли бьн, сәва кӧ аликʹарийе бьдьнә тә.

Ча Комитейа Һәвкʹарийа Нәхԝәшхане дькарә аликʹарийе бьдә? Бьред кӧ Комитейа Һәвкʹарийа Нәхԝәшханеда хьзмәт дькьн, һатьнә һинкьрьне ԝәки һьм һʹәкимарʹа һьм жи ԛанунзанарʹа шьровәкьн ньһерʹандьна мә дәрһәԛа хуне. Әԝана ԝе тʹәви дохдьра хәбәр дьн, кӧ кʹижан методед ԛәнщкьрьнейә бе хун бьдьнә хәбате. Һәрге лазьм бә, әԝана дькарьн али тә бькьн ԝәки дохдьрәки ӧса бьвини, кʹижан кӧ тʹәви Комитейа Һәвкʹарийа Нәхԝәшхане һәвкʹарийе дькә.

БЬНЬҺЕРʹЬН ВИДЕО ЧА САФИКЬРЬНЕД РʹАСТ БЬКЬН БОНА ԚӘНЩКЬРЬНА БЕХУН, У ПАШЕ ЩАБА ВЕ ПЬРСЕ БЬДЬН:

• Тӧ жь ве видеойе дәрһәԛа щурʹе ԛәнщкьрьне чь пеһʹәсийайи, кӧ ԝе али тә бькә, гава ньшкева аликʹарийа һʹәкима тәрʹа лазьм бә?

  textarea-1