Ван рʹожед пашьн әм рʹасти гәләк чәтьнайа тен. Щара дьбәкә әм дьфькьрьн кӧ чәтьнайед мә жь ԛәԝата мә дәр ә. Ле һәрге әм бәрдәԝам кьн дьһа незики Йаһоԝа бьн, әԝе али мә бькә һәла һе бәр чәтьнайед лапә гьран жи тәйах кьн (Иш. 43:2, 4). Ԝәʹде чәтьнайа әм ча дькарьн дьһа незики Йаһоԝа бьн?

Дӧа. Чахе әм дӧада дьле хԝә Йаһоԝарʹа вәдькьн, әԝ әʹдьлайе дькә дьле мә у емосийалида мә ԛәԝи дькә, ԝәки әм сәбьр кьн (Флп. 4:6, 7; 1 Тʹс. 5:17).

Щьват. Илаһи ньһа әм дьһа һʹәԝще хԝарьна рʹӧһʹани у һәләԛәтийа тʹәви хушк-бьра нә, кʹижан кӧ Йаһоԝа бь сайа щьвата дьдә мә (Ибр. 10:24, 25). Чахе әм хԝә бона щьвата һазьр дькьн у щьватада кʹар дькьн, бь ви щурʹәйи әм жь аликʹарийа Йаһоԝа дьһа зедә кʹаре дьстиньн, кʹижан кӧ әԝ бь сайа рʹӧһʹе пироз дьдә мә (Әʹнт. 2:29).

Хьзмәти. Һәрге әм чь дәсте мә те дькьн, ԝәки хьзмәтийеда хирәт бьн, ԝи чахи мәрʹа дьһа һеса йә дина хԝә бьдьнә сәр тьштед позитив. Ӧса жи бь сайа ве йәке һәләԛәтийа мә тʹәви Йаһоԝа у хушк-бьра дьһа ԛәԝи дьбә (1 Кр. 3:5-10).

БЬНЬҺЕРʹЬН ВИДЕО ЙАҺОԜАԜЕ ТӘ ԚӘБУЛ КӘ, У ПАШЕ ЩАБА ԜАН ПЬРСА БЬДЬН:

• Чь али Малу кьр, ԝәки ԝәʹде чәтьнайа жь Йаһоԝа дур нәкʹәвә?

  textarea-1

• Мина дәрәща Малу, хәбәред жь Зәбур 34:18, чаԝа ԝәʹде чәтьнайа дькарьн бәрдьлийе бьдьнә мә?

  textarea-2

• Сәрһатийа Малу ча нишан дькә, ԝәки Йаһоԝа ԝәʹде чәтьнайа «зорайийа ԛәԝате» дьдә мә? (2 Кр. 4:7)

  textarea-3