Һәр сал щьмәʹта Йаһоԝа һʹьзрәта ве йәке йә, кӧ тʹәвайи Евара Биранине дәрбаз кьн. Һʹәфтийед пешийа у паши Биранине әм һәр мәщала дьдьнә хәбате, ԝәки пәсьн у шькьри бьдьнә Йаһоԝа сәва пʹешкʹешәкә ӧса ԛимәт, демәк кʹьрʹине (Әф. 1:3, 7). Мәсәлә, әм бь хирәт у бь дьл у щан мәрьва тʹәглифи сәр Евара Биранине дькьн. Һьнәк шьхӧле хԝә ӧса сафи дькьн, ԝәки мәһа Адаре йан жи Нисане бькарьбьн бьбьнә пешәнгед ԝәʹдәлу у 30 йан 50 сьһʹәт хьзмәт кьн. Ле тӧ дьхԝази мәһа Биранине һе зедә хьзмәт ки? Чь дькарә али тә бькә бьгьһижи ве нете?

Әм дькарьн бьгьһижьнә ве нета хԝә, һәрге пешда дәрһәԛа ве йәке бьфькьрьн (Мтʹл. 21:5). Евара Биранине незик дьбә, ләма ида ньһада лазьм ә әм хԝә һазьр кьн у пешда шьхӧлед хԝә ӧса сафи кьн, ԝәки һе зедә хьзмәт кьн. Бьфькьрә кӧ чь тӧ дькари бьки, ԝәки ԝәʹде Биранине һе зедә хьзмәт ки, у бьфькьрә тӧ гәрәке чь бьки, ԝәки бьгьһижи ве нете. Паше Йаһоԝарʹа дӧа бькә, ԝәки Әԝ сафикьрьна тә кʹәрәм кә (1 Йн. 5:14, 15).

Һәла бьфькьрә, ча тӧ дькари һʹәфтийед пешийа у паше Евара Биранине, һе зедә хьзмәт ки?