Әм незики рʹожед ахьрийе нә, ләма жи шьхöле бәлакьрьна мьзгинийе гәләк бь ләз ә (Мтʹл. 24:11, 12, 20). Сәва кö мьзгинийе бьгьһиньн мәрийа, әм гәрәке картед jw.org бьдьнә хәбате, сәва кö дина wан бьдьнә Хәбәра Хwәде у малпәра мә. Дь ван картада һәнә шьфрә, чь кö дәрбази сәр видео дькә, «Чьрʹа Һин бьн Кʹьтеба Пироз?» у һелан дькә һе зедә әʹламәти пебьһʹәсьн йан Кʹьтеба Пироз һин бьн. Һьнә мәрьв нахwазьн әʹдәбйәтед мә һьлдьн, ле әwана qайил ьн бькʹәвьнә малпәра мә. Ләма жи бе әгләкьрьн әван карта мәрийарʹа бьдьн. Хенщи wе йәке нәлазьм ә әwан карта бьһельн wан мәрийарʹа һʹәwаса кʹижана кö тʹöнә.

Wәʹде шьхöлед хwәйә һәррʹожи, тö дькари әван карта бәла ки. Мәсәлә дькари незики мәрьвәки би у бежи: «Әз дьхwазьм тьштәки wәрʹа бьдьм. Вьра те готьне, wәки чаwа һун дькарьн бькʹәвьнә малпәре, кʹидәре кö щурʹә-щурʹә информасийа у видео һәнә» (Йн. 4:7). Жь бо wе йәке кö әв карт бьчʹук ьн, тö дькари тʹьме әв тʹәви хwә һьлди, сәва кö щурʹә-щурʹә дәрәщада wана бәла ки.