Видео дькарьн гәләк ль сәр мәрийа һʹӧкӧм кьн, илаһи бь сайа тьштед кӧ әԝана дьвиньн у дьбьһен. Әв йәк аликʹарийе дьдә, сәва кӧ дина мәрийа дәрбази сәр тьштәки дьн нәбә, у һʹәԝаса ԝан жи пешда тинә. Йаһоԝа дь ве йәкеда мәсәләки пʹьрʹ баш мәрʹа һиштийә (Кʹр.Шн. 10:9-16; Әʹнт. 1:1).

Видеойед «Гәло Наве Хԝәде Һәйә?», «Кʹи йә Авторе Кʹьтеба Пироз?» у «Ча Әм Дькарьн Баԝәр Бькьн, кӧ Кʹьтеба Пироз жь Хԝәде йә?», ль сәр һʹиме дәрсед 2 у 3 жь брошура «Мьзгинийа Хԝәде сәва Мәрийа». Видеойед «Чьрʹа Һин бьн Кʹьтеба Пироз?», «Ча Дәрбаз Дьбә Һинбуна Кʹьтеба Пироз?», «Чь Дьԛәԝьмә Ода Щьватеда?», мәрийа һелан дькьн, сәва Кʹьтеба Пироз һин бьн у бенә щьвата. Һьнә видеойед мәйә бьчʹук әм дькарьн ль сәр һинкьрьна Кʹьтеба Пироз бьдьнә хәбате (km 5/13 3).

• Пешда хԝәрʹа бьдә кʹьшандьне видеойед кӧ те хԝәйе малерʹа нишан ки

• Йәк йан дӧ пьрса һазьр кә, щаба кʹижани кӧ те бькарьби бь видео бьди

• Тʹәвай видео бьньһерʹьн

• Фькьред фәрз шеԝьр кә

• Пьшта бәлавоке мәрийарʹа нишан кә, у дина ԝан бьдә ль сәр шифре, бь сайа кʹижани кӧ әԝана ԝе бькарьбьн вәкьн видео «Чьрʹа Һин бьн Кʹьтеба Пироз?»

• Нишан кә видео «Ча Әм Дькарьн Баԝәр Бькьн, кӧ Кʹьтеба Пироз жь Хԝәде йә?», паше бьһелә брошура «Мьзгинийа Хԝәде сәва Мәрийа» у дина ԝан бьдә дәрса 3