Иса мәсәләки баш мәрʹа һишт кӧ чʹәʹв бьдьнә ԝи, илаки гава әм рʹасти пәйкʹәтьн у щерʹьбандьна тен (1 Пт. 2:21-23). Рʹаст ә мәрьв чʹерʹи Иса дькьрьн, ле әԝ тʹӧ щар щаба ԝан нәдьдә, һәла һе чахе гәләк дьчәрчьри жи (Мԛ. 15:29-32). Чь али Иса кьр тәйах кә? Әԝ бона хԝә сафи кьрьбу, кӧ чь жи һәбә ԛьрара Йаһоԝа бинә сери (Йн. 6:38). Һьм жи әԝ дина хԝә дьда ль сәр «шабуне», кʹижан кӧ пешийа ԝи бу (Ибр. 12:2).

Ле гәло чахе кәсәк жь бо баԝәрийа мә, хьрабийе мәрʹа дькьн, һьнге әм хԝә чаԝа кʹьфш дькьн? Мәсиһийед рʹаст «жь бәр хьрабийева хьрабийе ль тʹӧ кәси» накьн (Рʹм. 12:14, 17). Чахе әм чʹәʹв дьдьнә Иса ԝе йәкеда, кӧ чаԝа Әԝи һʹәму тьшти тәйах дькьр, һьнге әм дькарьн ша бьн, чьмки ԛәбулкьрьна Хԝәде ль сәр мә йә (Мт. 5:10-12; 1 Пт. 4:12-14).

БЬНЬҺЕРʹӘ ВИДЕО «НАВЕ ЙАҺОԜА ПʹЬРʹ ФӘРЗ Ә» У ПАШЕ ЩАБА ԜАН ПЬРСА БЬДӘ:

• Чаԝа хушка Поетзингер, ԝәʹде хԝә бь билани дабу хәбате, гава кәледа әԝ тʹәне рʹуньштьбу?

• Хушк у бьре Поетзингер рʹасти чь чәтьнайа һатьбун, гава әԝана ль щурʹә-щурʹә лагерада бун?

• Чь али ԝан кьр тәйах кьн?