Де-бавед хӧдехоф һьзрәт ьн, кӧ зарʹед ԝан бьбьнә хьзмәткʹаред Йаһоԝайи амьн. Де-бав дькарьн ԝе йәкеда али ԝан бькьн, һәрге жь дәстпеке һинкьрьнед Кʹьтеба Пироз дьгьһиньн дьле зарʹед хԝә (Ԛн.Дщ. 6:7; Мтʹл. 22:6). Гәло хԝәԛӧрбанкьрьн дькʹәвә ԝе йәке? Һәмьки! Ле кʹара кӧ жь ԝе йәке һуне бьстиньн, һежайи ԛәԝата ԝә йә (3 Йн. 4).

Де-бав дькарьн гәләк тьшт һин бьн жь Усьф у Мәрйәме. Әԝана һәр сал сәр «Щәжьна Дәрбазбунеда дьчунә Оршәлиме». Бона ԝе йәке әԝана гәләк ԝәʹде у пәред хԝә ԛӧрбан дькьрьн (Лԛ. 2:41). Әʹшкәрә йә, бона Усьф у Мәрйәме гәләк фәрз бу кӧ малбәта ԝан незики Йаһоԝа бә. Анәгори ԝе йәке иро жи де-бав дькарьн рʹебәрйа рʹаст бьдьнә зарʹед хԝә демәк һәр мәщаләки бьдьнә хәбате кӧ бь хәбәр у мәсәле хԝә зарʹед хԝә һин кьн (Зб. 127:3-5).

БЬНЬҺЕРʹӘ ВИДЕО «ԜАНА ҺӘР МӘЩАЛӘК ДА ХӘБАТЕ» У ПАШЕ ЩАБА ԜАН ПЬРСА БЬДӘ:

• Чаԝа Щон у Шерон жийина хԝәда тьштед рʹӧһʹани сәр щийе пешьн датанин, гава зарʹед хԝә мәзьн дькьрьн?

• Чьма де-бав гәрәке щурʹә-щурʹә метод сәва һәр зарʹәки хԝә бьдьнә хәбате, кӧ ԝана һин кьн у ширәт кьн?

• Чаԝа де-бав дькарьн зарʹед хԝә һазьр кьн, ԝәки әԝана щерʹьбандьнед баԝәрийеда, хԝә ԛәԝи бьгьрьн?

• Кʹижан һащәтед тʹәшкиләте кӧ Йаһоԝа дьдә, ԝә да хәбате кӧ зарʹед ԝә рʹӧһʹанида пешда һәрʹьн?