На, чьмки әва сафикьрьна шәхси йә (Рʹомайи 14:12). Шәʹдед Йаһоԝа принсипед Кʹьтеба Пироз зарʹед хԝә һин дькьн, ле чахе зарʹ мәзьн дьбьн әԝана ида хԝәха сафи дькьн бьбьнә Шәʹдед Йаһоԝа йан на (Рʹомайи 12:2; Галати 6:5).

Чаԝа һʹәму де-бав Шәʹдед Йаһоԝа жи сәва зарʹед хԝә тьштед һәри баш дьхԝазьн. Ләма жи әԝана тьштед ӧса зарʹед хԝә һин дькьн чь кӧ ԝе кери ԝан бе. Әв һәнә һинкьрьнед керһати, нормед нав-намусийе у занәбуна религи. Шәʹдед Йаһоԝа баԝәр дькьн, ԝәки Кʹьтеба Пироз рʹийа лапә баш нишани мә дькә. Ләма жи сәва кӧ зарʹед ԝан жи ве йәкеда баԝәр бьн, әԝана тʹәви зарʹед хԝә һинбуна Кʹьтеба Пироз дәрбаз дькьн у дьбьнә сәр щьвата (Ԛануна Дӧщари 6:6, 7). Чахе зарʹ мәзьн бә, әԝе ида хԝәха сафи кә религийа де-баве хԝә ԛәбул кә йан на.

•  Гәло Шәʹдед Йаһоԝа зарʹед вьрʹни дьньхӧминьн?

•  Гәло Шәʹдед Йаһоԝа һәләԛәтийа хԝә тʹәви зарʹед хԝә дьбьрьн чахе зарʹ нахԝазьн бенә ньхӧмандьне?

•  Чьрʹа Шәʹдед Йаһоԝа зарʹед хԝә тʹәви хԝә дьбьнә хьзмәте?

•  Гәло Шәʹдед Йаһоԝа щәжьна дәрбаз дькьн?

•  Әԝед кӧ малбәта Шәʹдед Йаһоԝада мәзьн бунә, чь дьбежьн?

На. Кʹьтеба Пироз һин накә кӧ гәрәк зарʹед вьрʹни бьньхӧминьн. Мәсәлә ԛьрʹна йәкеда мәрьв пешийе мьзгинийа Хԝәде «ԛәбул кьрьн», гӧне хԝә тʹобә кьрьн, паше һатьн ньхӧмандьне у бунә Мәсиһ (Кʹаред Шандийа 2:14, 22, 38, 41). Ләма жи сәва кӧ мәрьв бе ньхӧмандьне әԝ гәрәке гьһишти бә ԝәки һинкьрьнед Кʹьтеба Пироз фәʹм бькә, баԝәр бькә у сафи кә ль гора ван принсипа бьжи. Зарʹа вьрʹни нькарә ван һʹәму тьшта бькә.

Чахе зарʹ мәзьн бә, дьԛәԝьмә әԝ сафи кә кӧ бе ньхӧмандьне. Ле пешийа ве сафикьрьна фәрз, әԝ гәрәке фәʹм бькә кӧ әв йәк щабдарикә мәзьн ә.

Һәмьки на. Чаԝа де-бав, дьле Шәʹдед Йаһоԝа дешә гава зарʹа ԝан религийа ԝан ԛәбул накә. Ле диса жи әԝана зарʹед хԝә һʹьз дькьн у һәләԛәтийа хԝә тʹәви ԝан набьрʹьн рʹийе ве йәкеда, кӧ зарʹед ԝан нахԝазьн бьбьнә Шәʹдед Йаһоԝа.

Ль вьр чәнд мәʹни һатьнә дайине. a

• Кʹьтеба Пирозда те готьне ԝәки де-бав гәрәке алийе рʹӧһʹанива зарʹед хԝә һин бькьн, кӧ әԝана баԝәрийа хԝә Хԝәде биньн у ԝирʹа хьзмәт кьн (Әфәси 6:4). Бь сайа хьзмәте мәрьв баԝәрийа хԝә дьдә кʹьфше, ләма жи хьзмәти алийе рʹӧһʹанива дь һинкьрьна зарʹада, роләкә фәрз дьлизә (Рʹомайи 10:9, 10; Ибрани 13:15).

• Кʹьтеба Пироз зарʹа һелан дькә «пәсне наве Хӧдан бьдьн» (Зәбур 148:12, 13). Чахе зарʹ дәрһәԛа Хԝәде гьли дькьн, бь ве йәке әԝана пәсне Хԝәде дьдьн. b

• Чахе зарʹ тʹәв де-баве хԝә хьзмәт дькьн, әԝана кʹаре дьстиньн. Мәсәлә әԝана һин дьбьн тʹәви һʹәму щурʹә мәрьва бькʹәвьнә хәбәрдане, у һʹӧнӧред ӧса ԛазанщ дькьн ча рʹәʹмти, ԛәнщи, ԛәдьргьртьн у ӧса жи һин дьбьн кӧ бькʹәвьнә һʹәйра мәрьвед дьн. Хенщи ве йәке зарʹ дьһа зедә избат дьбьн кӧ баԝәрийа ԝан сәр һʹиме Кʹьтеба Пироз ә.

Шәʹдед Йаһоԝа тʹӧ щәжьнед кӧ Хԝәде ԛәбул накә, дәрбаз накьн (2 Корьнтʹи 6:14-17; Әфәси 5:10). c Мәсәлә, әм рʹожа буйине у рʹожа буйина Иса дәрбаз накьн, чьмки әв сәр һʹиме һинкьрьнед Кʹьтеба Пироз ниньн.

Ле әм диса жи һʹьз дькьн тʹәви зарʹед хԝә ԝәʹдә дәрбаз кьн у һʹьзкьрьна хԝә ԝанрʹа бьдьнә кʹьфше. Әм тʹәви малбәта хԝә тʹоп дьбьн у пʹешкʹеша дьдьнә һәв у фәрз нинә кӧ әв чь рʹож ә.