Әм тʹьме баԝәрийа хԝә сәр һʹиме Кʹьтеба Пироз ава дькьн. Ләма жи гава фәʹмкьрьна мә һьндава Кʹьтеба Пироз дьһа зәлал дьбә, әм ль гора ве фәʹмкьрьне һьнә һинкьрьнед хԝә дьгӧһезьн. a

 Гӧһастьнед ӧса ль гора рʹеза жь Мәтʹәлок 4:18 нә. Ве рʹезеда те готьне: «Ле бәле рʹийа рʹаста мина рʹонайийа бәрбанге йә, кӧ һеди-һеди дәрте, һʹәта кӧ тʹәмамийа рʹоже рʹонайи дьбә». Демәк, чаԝа кӧ шәԝԛа тәʹве һеди-һеди дәрте, дьдә сәр щики у әԝ щи рʹонайи дьбә, ӧса жи Хԝәде фәʹмкьрьна мә һьндава рʹастийе ԝәʹде хԝәда һеди-һеди зәлал дькә (1 Пәтрус 1:10-12). Чаԝа кӧ Кʹьтеба Пирозда һатьбу пʹехәмбәртикьрьне, рʹожед ахьрийеда Хԝәде әв йәк ләз дьхә (Данийел 12:4).

 Әԝ зәлалкьрьна рʹастийе гәрәке мә нә әʹщебмайи кә, нә жи әʹщьз кә. Бәре жи хьзмәткʹаред Хԝәде һьнә тьшт шаш фәʹм дькьрьн у ләма щара һевийа ԝана нә дьһатә сери, чьмки әԝ йәк пʹучʹ бу.

•   Мәсәлә, Муса дьфькьри кӧ һәла һе 40 сал пешийа кӧ Хԝәде әԝ кʹьфш кьра, әԝ ида дькарьбу бьбә хьлазкʹаре щьмәʹта Исраел (Кʹаред Шандийа 7:23-25, 30, 35).

•   Шагьрта пʹехәмбәртийа дәрһәԛа мьрьн у сахкьрьна Иса зәлал фәʹм нәдькьрьн (Ишайа 53:8-12; Мәтта 16:21-23).

•   Һьнә Мәсиһийед бәре, дәрһәԛа ԝәхта һатьна «Рʹожа Хӧдан», фькьре хԝәда шаш дьбун (2 Тʹесалоники 2:1, 2).

 Ԝәʹдә шунда Хԝәде фькьред ԝанә шаш рʹаст кьр у әм жи дӧа дькьн, ԝәки Хԝәде фькьред мә жи рʹаст бькә (Аԛуб 1:5).