На, тӧ борщдар нини. Бь милйона мәрьварʹа һʹәԝас ә һинбуна Кʹьтеба Пироз пе бәрнама мә дәрбаз бьн, ле әԝана набьнә әндәмед тʹәшкиләта Шәʹдед Йаһоԝа. a Нета ве бәрнаме әԝ ә, кӧ мәрьв һаш пе һәбьн Кʹьтеба Пироз чь һин дькә. Ле паше тӧ ида хԝәха сафи дьки бьби Шәʹде Йаһоԝа йан на, чьмки әԝ ише һәр кәси йә кӧ чь баԝәр бькьн (Йешу 24:15).

 Бәле. Рʹаст ә мәрʹа һʹәԝас ә Кʹьтеба Пирозә«Ԝәлгәрʹандьна Дьнйа Тʹәзә» бьдьнә хәбате, у әм дькарьн ԝәрʹа жи бепʹәрә бьдьн һәрге һун дьхԝазьн, ле һун дькарьн Кʹьтеба Пироз йа хԝә бьдьнә хәбате. Чьмки мьзгинийа һевийе у хьлазкьрьне, һʹәму ԝәлгәрʹандьнед Кʹьтеба Пирозда һәйә.

•   Йа әʹԝльн, әм ве йәке дькьн чьмки Йаһоԝа Хԝәде һʹәз дькьн, йе кӧ дьхԝазә ԝәки Мәсиһ чь кӧ хԝәха һин бунә, мәрьвед дьн жи һин кьн (Мәтта 22:37, 38; 28:19, 20). Бона мә ԛәдьрәки мәзьн ә һәвпʹаред Хԝәде бьн у али мәрьва бькьн ԝәки әԝана пебьһʹәсьн кӧ Хәбәра Хԝәде чь һин дькә (1 Корьнтʹи 3:6-9).

•   Хенщи ве йәке, һʹәзкьрьна һьндава мәрьва мә һелан дькә, тʹәви кәсед ӧса һинбуна Кʹьтеба Пироз дәрбаз кьн (Мәтта 22:39). Чахе әм мәрьварʹа дәрһәԛа тьштед ԛимәт гьли дькьн, чь кӧ әм хԝәха пеһʹәсийанә, әм шабунәкә мәзьн дьстиньн (Кʹаред Шандийа 20:35).