Хәрщед шьхӧле мәйә һʹәмдьнйайе һʹәчʹи зәʹф тенә дадане пе ԛӧрбанкьрьнед бь рʹәзәдьли, кӧ Шәʹдед Йаһоԝа дькьн. a Щьватед мәда ԛӧтʹийед ԛӧрбанкьрьне һәнә, у ӧса жи малпәра мә jw.org-да, сәр рʹупʹела «Ԛӧрбанкьрьн», щурʹе пʹәрәԛӧрбанкьрьнед майин рʹезкьри нә. Һәр кәс хԝәха сафи дькә кӧ бона шьхӧле һʹәмдьнйайе, һʹәԝщед щьвате, йан бона һәрдӧ жи пʹәра ԛӧрбан кә.

 Жь Шәʹдед Йаһоԝа найе дәʹԝакьрьне дәһәк, йан жи пʹарәкә жь һәбуке ԛӧрбан бькьн (2 Корьнтʹи 9:7). Әм сәр щьватед хԝә пʹәра тʹоп накьн, у әм пʹәра һьлнадьн бона һатьне, ньхӧмандьне, чʹәʹлкьрьне, дәʹԝата йан жи бона ԛәйдед майинә рʹелиги. Әм тʹӧ щар пе тьштед фьротане, фестивала, щәжьна, хԝарьна йан жи ԛәԝьмандьнед майин, пʹәра тʹоп накьн у нә жи дәʹԝа дькьн. Навед ԝан кӧ пʹәра ԛӧрбан дькьн найенә әʹйанкьрьне (Мәтта 6:2-4). Сәр малпәр у әʹдәбйәтед мә реклам тʹӧнә нә.

 Һәр щьватәкә Шәʹдед Йаһоԝа мәһе щарәке дәрһәԛа хәрщ у һʹәсабед щьвате әʹлам дькә, у һәр кәс дькарә һаш жь ԝан һʹәсаба һәбә. Пʹәрә у хәрщед щьвата һәр гав тенә һʹәсабкьрьне, ԝәки баԝәр бьн кӧ пʹәре ԛӧрбанкьри рʹаст тенә хәрщкьрьне (2 Корьнтʹи 8:20, 21).

• Ԛӧтʹийед бона ԛӧрбанкьрьне: Һун дькарьн Одед Щьватада, щьватед мәзьнда, йан жи сәр щьвинед майин, хут пʹәра йан чекед пʹәра бавежьнә ԛӧтʹийед бона ԛӧрбанкьрьне.

• Онлайн пʹәрәԛӧрбанкьрьн: Гәләк ԝәлатада һун дькарьн рʹупʹела «Пʹәрәԛӧрбанкьрьн бона Шәʹдед Йаһоԝа» бьдьнә хәбате, ԝәки пе картед кредите йан дебите, пе банке йан жи пе методед әләктроникейә майин пʹәра ԛӧрбан кьн. b Гәләк Шәʹдед Йаһоԝа хԝәрʹа һәр мәһ башԛә пʹәрә тʹоп дькьн, ԝәки пе методәкә кӧ жоре һатьбун дайине, һәр гав пʹәра ԛӧрбан кьн (1 Корьнтʹи 16:2).

• Ԛӧрбанкьрьнед пешда сафикьри: Һьнә методед ԛӧрбанкьрьне лазьм ә пешда сафи бькьн, у/йан жи тʹәви ԛанунзана шеԝьр кьн. Бь сайа ве йәке, дьбә кӧ һуне бькарьбьн хәрщед ԝәлате хԝә бьдьнә хәбате. Һьнәкарʹа информасийа дәрһәԛа документед мал у мьлкʹ пʹешкʹешкьрьне у ԝәсийәтнамә, керһати бу. Жь кʹәрәма хԝә тʹәви филиала Шәʹдед Йаһоԝа текли бьн, һәрге һун дьхԝазьн пе ԝан методед жере пʹәра ԛӧрбан бькьн:

  • һʹәсабед банке

  • контрактед гаранти у пенсийайе

  • мал у мьлкʹ

  • аксийа у документед ԛимәт

  • ԝәсийәтнамә

Һәрге һун дьхԝазьн һе зедә дәрһәԛа методед пʹәрәԛӧрбанкьрьне йед мьһала хԝәда пебьһʹәсьн, бьньһерʹьн рʹупʹела «Пʹәрәԛӧрбанкьрьн бона Шәʹдед Йаһоԝа».