Кʹьтеба Әʹйантида дәрһәԛа «жьнәк» те готьне, йа кӧ «ԛава бь нав у дәнг» ә у «сәр әʹнийа ԝе навәки сӧрʹи ньвисар бу: Бабилона Мәзьн» (Әʹйанти 17:1, 3, 5). Әв жьн те һʹәсабе һʹәму религийед ԛәлп, йед кӧ «дәԝса рʹастийа Хԝәде, дәрәԝи һʹәз» кьрьнә a (Рʹомайи 1:25). Рʹаст ә, әԝ религийа жь һәв щӧдә дьбьн, ле әԝана гьшк жи мәрьва жь Хԝәдейе рʹаст, Йаһоԝа, дур дьхьн (Ԛануна Дӧщари 4:35).

Ча тедәрхьн кӧ чь йә Бабилона Мәзьн

1.   Бабилона Мәзьн әв һәйә симбол. Әв бь рʹасти кʹӧлфәт нинә, чьмки хәйалед кӧ Әʹйантида һатьнә ньвисаре, бь симболик һатьбунә дайине (Әʹйанти 1:1). Хенщи ве йәке дәрһәԛа ԝе те готьне, кӧ әԝ «сәр гәләк ава рʹуньшти йә» кӧ тенә һʹәсабе щьмәʹт, әʹлаләт у мьләт, йед кӧ сәр щурʹә-щурʹә зьмана хәбәр дьдьн (Әʹйанти 17:1, 15). Кʹӧлфәта реали ԝе нькарьбуйа ве йәке бькә.

2.   Бабилона Мәзьн те һʹәсабе һʹәму религийед ԛәлп. Әв те навкьрьне «бажаре мәзьн» кӧ «пʹадшатийе ль сәр пʹадшед дьнйайе дькә» (Әʹйанти 17:18). Бь ви щурʹәйи һʹӧкӧме ԝе сәр тʹәмамийа дьнйайе бәла дьбә.

3.   Бабилона Мәзьн нә кӧ тʹәшкиләта политики йан арш-вершийе йә, ле йа религи йә. Бабилона бәре бажарәки гәләк религи бу, кʹидәре кӧ сербази у ньфьрʹкьрьн гәләк бәлабуйи бу (Ишайа 47:1, 12, 13; Йерәмйа 50:1, 2, 38). Ԝедәре религийа ԛәлп гәләк бәлабуйи бу у бьнәлийед ԝе мьԛабьли Йаһоԝа, Хԝәдейе рʹаст, дәрдькʹәтьн (Дәстпебун 10:8, 9; 11:2-4, 8). Сәрԝеред Бабилоне гәләк бабах бун, ԝана хԝә жь Йаһоԝа у һʹәбандьна ԝи бьльндтьр һʹәсаб дькьр (Ишайа 14:4, 13, 14; Данийел 5:2-4, 23). Мина ве йәке Бабилона Мәзьнда жи сербази гәләк бәлабуйи йә. Әв йәк избат дькә, ԝәки Бабилона Мәзьн, әв һәйә һʹәму тʹәшкиләтед религийә ԛәлп (Әʹйанти 18:23).

    Бабилона Мәзьн тʹәшкиләта политики нинә, чьмки Кʹьтеба Пирозда те готьне, ԝәки «пʹадшед дьнйайе» ԝе шина ԝе бькьн (Әʹйанти 17:1, 2; 18:9). Әв тʹәшкиләта арш-вершийе жи нинә, чьмки Кʹьтеба Пирозда башԛә дәрһәԛа «базьрганед дьнйайе» жи те готьне (Әʹйанти 18:11, 15).

Пһотограпһ такән бй щоӧртәсй оф тһә Брьтьсһ Мӧсәӧм

4.   Бабилона Мәзьн бона әʹйанкьрьна религийа ԛәлп, симболәкә баш ә. Дәԝса ве йәке кӧ мәрьва һин кә, ԝәки незики Хԝәдейе рʹаст, Йаһоԝа бьн, религийа ԛәлп ԝана һелан дькә хӧданед дьн бьһʹәбиньн. У Кʹьтеба Пироз дәрһәԛа ве йәке дьбежә, ԝәки әв һәйә бенамусийа рʹӧһʹани (Ԛануна Кʹаһинтийе 20:6; Дәркʹәтьн 34:15, 16). Әндәмед гәләк религийед ԛәлп һинкьрьнед ӧса бәла дькьн ча сейәканә, рʹӧһʹе нәмьри, у ӧса жи һʹәбандьнеда шькьла у пʹута дьдьнә хәбате. Әв һʹәму тьшт жь Бабилона бәре пешда һатийә. Хенщи ве йәке, религийа ԛәлп бь ве йәке те әʹйанкьрьне, кӧ әв тьштед ве дьнйайеда һʹәз дькә. Кʹьтеба Пирозда әв йәк те навкьрьне ча бенамусийа рʹӧһʹани (Аԛуб 4:4).

    Әв йәк кӧ религийа ԛәлп һәбуна хԝә әʹйан дькә, ль гора ве йәке йә, чь кӧ Кʹьтеба Пирозда дәрһәԛа Бабилона Мәзьн те готьне. Әв те әʹйанкьрьне ча ԛав, йа кӧ ‹кʹьнща ширк у соре гәвәз› ле бу у «пе зерʹ, кәвьред ԛимәт, лал у дӧрʹва хәмьли бу» (Әʹйанти 17:4). Бабилона Мәзьн канийа һʹәму «кʹьретийед дьнйайе» йә, демәк ван һәр тьшта, чь кӧ Хԝәде беһӧрмәт дькьн (Әʹйанти 17:5). Әндәмед религийа ԛәлп әв һәнә мәрьвед жь һʹәму щьмәʹта, әʹлаләта, мьләта у зьмана, йед кӧ пьштгьрийа Бабилона Мәзьн дькьн (Әʹйанти 17:15).

 Бабилона Мәзьн щабдар ә бона «хуна ԝан һʹәмуйа кӧ ль сәр рʹуйе әʹрде һатьнә рʹетьне» (Әʹйанти 18:24). Нава тʹәмамийа тʹәрихийеда религийа ԛәлп мәʹна шәрʹ у тероризме йә. Хенщи ве йәке, әԝе мәрьв дәрһәԛа Йаһоԝа, Хԝәдейе рʹаст у бь һʹәзкьрьне тʹьжә, һин нәдькьр (1 Йуһʹәнна 4:8). Рʹуйе ве йәкеда сәр әʹрде гәләк хун һатийә рʹетьне.

 Кʹьтеба Пирозда те готьне, ԝәки гӧнед Бабилона Мәзьн «гьһиштьнә һʹәта әʹзмен» (Әʹйанти 18:4, 5). Хԝәде гәләк һерс ә сәр религийед ԛәлп, чьмки әԝана дәрһәԛа ԝи дәрәԝийе бәла дькьн у һьндава мәрьвада сәрт ьн.

 Кʹьтеба Пирозда те готьне, ԝәки Хԝәде ԝе диԝана Бабилона Мәзьн бькә (Әʹйанти 18:20). У ӧса жи Кʹьтеба Пирозда бь зьмане симболик те готьне, кӧ чаԝа Хԝәде ԝе ԛьрʹа религийед ԛәлп бинә (Әʹйанти 18:8). Хԝәде ԝе «щәʹнәԝьрәки соре гәвәз» һелан кә, йе кӧ те һʹәсабе тʹәшкиләта политикийә ԛәԝи, һʹьщуми сәр религийа ԛәлп бькә у ԛьрʹа ԝе бинә (Әʹйанти 17:16, 17). «Бь ви аԝайи жи бажаре мәзьн Бабилон ԝе ԛайим жорда бе авитьне у иди тʹӧ щар ԝе хӧйа нәбә» (Әʹйанти 18:21). Ләма жи мәрьвед кӧ дьхԝазьн дьле Хԝәде ша кьн, гәрәке жь Бабилона Мәзьн дәрен у жь религийа ԛәлп башԛә бьн (2 Корьнтʹи 6:14-17).