Пʹадшатийа Хԝәде ԝе һʹәму пʹадшатийед дьнйайе кʹӧта кә у дәԝсе хԝәха сәр тʹәмамийа дьнйайерʹа сәрԝертийе бькә (Данийел 2:44; Әʹйанти 16:14). Чахе әв йәк бе сери, Пʹадшатийа Хԝәде ԝе . . .

•   Кәсед зӧлм кʹӧта кә, кʹижан кӧ жь бо хԝәһʹьзийе зийане дьдьнә мә. «Ле нәпʹаке жь сәр рʹуйе әʹрде ӧнда бьн һәрʹьн у кʹока беамьна ԝе бе һатьне» (Мәтʹәлок 2:22).

•   Һʹәму шәрʹа бьдә һьлдане. «[Хԝәде] шәрʹа дьдә сәкьнандьне, һәр чар ԛӧлбед дьнйайе, тир-кәвана дьшкенә, рʹьма һур-һури дькә у мәртʹала бь егьр дьшәԝьтинә» (Зәбур 46:9).

•   Әʹдьлайе у бехофийе бькә дьнйайе. «Ле бәле ԝе һәр кәс дь бьн меԝа хԝәда у дь бьн даре хԝәйи һежиреда рʹунен у йе кӧ ԝан бьтьрсинә тʹӧнә бә» (Миха 4:4).

•   Әʹрде бькә щьнәт. «Ԝе чол у дәшта зьһа ша бьбә, ԝе бәри дьлгәш бьбә, ԝәк гӧлан кӧлилк бьдә» (Ишайа 35:1, ИМ).

•   Хәбата кӧ ләзәте тинә, бьдә һәр кәси. «Кәсед мьн [Хԝәде] һьлбьжартьн, ԝе бь тʹәваһи кʹефа кʹаред дәсте хԝә бькьн. Ԝе бәрʹәдайи кʹәда хԝә нәдьн» (Ишайа 65:21-23, ИМ).

•   Нәхԝәшийа бьдә һьлдане. «Ԝе тʹӧ рʹуньштийе ль ԝьр нәбежә: ‹Әз нәхԝәш ьм›» (Ишайа 33:24, ИМ).

•   Жь пирбун-калбуне мә аза кә. «Гоште ԝи жь йе зарʹоква тʹәзәтьр дьбә; вәдьгәрʹә рʹожед хԝәйи щьһалтийе» (Ибо 33:25).

•   Йед мьри вәгәрʹинә жийине. «Һʹәмуйед тʹьрбада ԝе дәнге ԝи [Иса] бьбьһен. . . . ԝе бона жийине рʹабьн» (Йуһʹәнна 5:28, 29).