Qanûneke ku pûtperestiyê qedexe dike her çi qas hê nehatibû dayîn jî, Aqûb dizanibû ku gerek mirov tenê ji Yehowa re îbadetê bike (2Mû 20:3-5). Loma, piştî ku Yehowa ji wî re got ku bila ew vegere Beytelê, Aqûb ji maliyên xwe re got ku gerek ew pûtên xwe bavêjin. Paşê, Aqûb hemû pût û guharên ku belkî wek tilism dihatin bi kar anîn, avêtin (1Mû 35:1-4). Bê guman, kirinên Aqûb dilê Yehowa şa kir.

Gelo em çawa dikarin nîşan bidin ku em tenê ji Yehowa re îbadetê dikin? A yekê, gerek em xwe ji her tiştê ku bi pûtperestî yan cindariyê ve girêdayî ye, dûr bigirin. Ji bo vê, gerek em eşyayên ku bi sêrbaziyê ve girêdayî ne, bavêjin û mijûliyên xwe rind analîz bikin. Mesela, ji xwe wisa bipirse: “Gelo ez ji kitêb yan fîlmên ku tiştên wek vampîr, zombî yan cindariyê nîşan didin, kêfê distînim? Gelo mijûliyên min sêrbazî û cindariyê wek tiştekî bêzerar nîşan didin?” Gerek em xwe ji tiştên ku Yehowa ji wan nefret dike, dûr bigirin (Zb 97:10).

LI VÎDEOYA “MIQABILÎ MÎRÊCIN BISEKININ” (RDU) TEMAŞE BIKE Û CEWABÊN VAN PIRSAN BIDE:

• Di jiyana Palesayê de çi problem derket?

• Eger problemeke bi cindariyê hebe, alîkariya kalên civatê çima bifeyde ye?

• Kesên ku dixwazin ku Yehowa wan biparêze gerek xwe bi temamî ji çi dûr bigirin?

• Palesayê problema xwe çawa safî kir?

• Eger li herêma te tiştek yan adetek bi sêrbaziyê ve girêdayî ye, tu çawa dikarî xwe ji tesîra cinan dûr bigirî?