“Ezê ... riya ku diçîyê hînî te bikim” (Zebûr 32:8).

Eger tu dixwazî bizewicî, wê baş be ku tu bala xwe bidî çi?

• 1. Korîntî 7:39; 2. Korîntî 6:14

  Wê baş be ku tu tenê bi xizmetkarekî Yehowa re bizewicî.

• 1. Korîntî 7:36

  Eger xwestekên tê yên cinsî hê pir xurt in, bi ecele nezewice.

• 1. Korîntî 7:28

  Di heqê zewacê de maqûl bifikire, çimkî di hemû zewacan de tengasî hene.

“Tenê mayîna Adem ne qenc e: Ez ê alîkirekî li gor wî be biafirînim” (1. Mûsa 2:18).

Yehowa çi emir daye jin û mêran?

• Efesî 5:23; 1. Tîmotêyos 3:1-7; 5:8

  Lazim e ku mêr ji aliyê madî û manewî ve malbata xwe xwedî bike. Serê pêşîn bav mesûl e ku zarokan bielimîne û terbiye bike.

• Methelokên Silêman 31:10-31; Romayî 7:2

  Jin ji bo mêrê xwe hevaleke baş e. Ew piştgiriya qerarên wî dike û li hewcedariyên malbatê mêze dike. Ew alî mêrê xwe dike ku zarokan perwerde bike.

• Efesî 5:33; Filîpî 2:4

  Gerek jin û mêr herî zêde ne li dilşadiya xwe, lê li dilşadiya hevdû binêrin.

“Her du jî bibin yek bedenek” (1. Mûsa 2:24).

Zewaca te çawa dikare xurt bimîne?

• Methelokên Silêman 3:5, 6; Metta 19:6

  Yehowa dixwaze ku jin û mêr tim bi hev re bimînin. Ew di heqê zewacê de şîretên herî baş dide me.

• Zebûr 130:3; Kolosî 3:13

  Gerek jin û mêr li kêmasî û qisûrên hev nenêrin. Gerek ew hevdû efû bikin û bala xwe bidin sifatên baş ên hevdû.