“Bi ya Xwedê bikin. Li hember Îblîs bisekinin, ewê ji we bireve” (Aqûb 4:7).

Em ji ku dizanin ku em dikarin li hemberî Îblîs bisekinin?

• Peyxam 7:9, 14

  Yehowa me nade destê Îblîs. Xwedê soz daye ku elaleteke mezin wê sax bimîne û derbasî dinyaya nû bibe.

• 2. Dîrokan 15:2

  Heta ku em nêzikî Yehowa bimînin, Şeytan wê nikaribe dostaniya me bi Xwedê re xera bike.

• 1. Korîntî 10:13; Îbranî 11:4-40

  Wekî ku Yehowa di demên berê de alîkariya gelek xizmetkarên xwe kiribû, ew soz dide ku wê alî me jî bike ku em dilsoz bimînin.

“Em ji dek û dolavên wî ne bêhay in” (2. Korîntî 2:11, KP).

Îblîs çi cure dek û dolaban bi kar tîne?

• Yûhenna 15:19; Peyxam 12:12, 17

  Îblîs dinyayê kontrol dike, lê ew nikare xizmetkarên Yehowa kontrol bike. Loma ew hicûmî wan dike.

• 1. Mûsa 3:1; Galatî 5:19-21; Efesî 6:12

  Îblîs li kêmasî û qisûrên me digere, da ku wan li hemberî me bi kar bîne.

• 3. Mûsa 19:26; Îşaya 1:13, 15; Marqos 5:25, 26

  Eger tu nexweş bikevî, bidîqat be ku tu tedawiyeke ku bi cindariyê ve girêdayî ne, hilnebijêrî.

• 5. Mûsa 18:10-12; Karên Şandiyan 19:19; Galatî 6:7; Peyxam 21:8

  Eger cin bibînin ku em cindariyê meraq dikin, ew dikarin ji meraqa me îstifade bikin. Yehowa naxwaze ku em bi cindariyê eleqedar bin.

“Îblîs ... derewkar e û bavê derewan e” (Yûhenna 8:44).

Kesek çawa dikare derewên Îblîs belav bike?

• Romayî 1:11, 12; 2. Tîmotêyos 2:16

  Hin kes çîrokan dibêjin, ên ku Îblîs û cinan bi zêdeyî biqewet nîşan didin. Li şûna ku em hevdû bi çîrokên wisa bitirsînin, wê baş be ku em cesaretê bidin hevdû.

• Efesî 6:11

  Eger em hay ji dek û dolabên Îblîs hebin, emê karibin li hemberî wî bisekinin û nêzikî Yehowa bimînin.