17. Nêzikî Xwedê Bimîne
1 BAWERIYA XWE XURTTIR BIKE
“Xwe li ser baweriya xwe ya herî pîroz ava bikin” (Cihûda 20).
Çi dikare alî me bike ku em baweriya xwe xurttir bikin?
-
Efesî 6:11; Aqûb 1:25; 1. Petrûs 5:8
Bifikire ku guhdarîkirina li Yehowa me çawa diparêze û alî me dike ku em bibin xwediyê jiyaneke xweştir.
-
Metta 28:19, 20; 1. Selanîkî 5:17; Îbranî 10:24, 25
Ji bo ku em baweriya xwe xurttir bikin, gerek em roj bi roj dua bikin, ji kesên din re behsa Yehowa bikin û wexta xwe bi xwişk û birayan re derbas bikin.
-
Zebûr 55:22; Îşaya 48:17, 18
Yehowa me tu caran terk nake. Eger em pey rêberiya wî herin, emê bextewar bibin.
2 JI ALIYÊ RUHÎ VE BI PÊŞ VE HERE
“Ber bi bêkêmahîtiyê ve pêşve herin” (Îbranî 6:1).
Em çawa dikarin ji aliyê ruhî ve bi pêş ve herin?
-
Romayî 8:5; Îbranî 5:14
Wext û xîret lazim e ku em ji aliyê ruhî ve bi pêş ve herin. Şagirtekî Îsa yê gihîştî wê hewl bide ku wek Yehowa li meseleyan binêre û qerarên bihîkmet bide.
-
Methelokên Silêman 27:11; Aqûb 1:2, 3
Gava em rastî tengasiyan tên, em dikarin baweriya xwe xurttir bikin û hezkirina xwe ji Yehowa re îsbat bikin.
-
Methelokên Silêman 3:5, 6; Aqûb 1:5
Gava tu qeraran didî, ewilî bifikire ku Yehowa ji te çi dixwaze, û ji bo alîkariya wî dua bike.
-
2. Korîntî 13:5
Bi dewamî di heqê Yehowa de melûmatê bistîne û dostaniya xwe bi wî re xurttir bike.
3 BALA XWE BIDE HÊVIYA XWE
“Kumzirxê hêviya xilasiyê bidin serê xwe” (1. Selanîkî 5:8).
Hêvî çawa dikare me biparêze?
-
Îbranî 12:2
Hêvî dikare qewetê bide. Bîne bîra xwe ku hêviya Îsa çawa alî wî kiribû ku ew li hemberî ceribandinan saxlem bisekine.
-
Filîpî 4:6, 7
Eger tu hîs dikî ku hêviya te sist dibe, ji Yehowa re dua bike. Fikrên negatîf û guman dikarin te sist bikin. Lê Yehowa wê cesaret û hizûrê bide te.
-
Maleyaxî 3:10; Romayî 8:21
Her tim li ser hêviya xwe kûr bifikire. Dinyaya nû wê ji hemû tiştên ku tu xeyal dikî çêtir û xweştir be.
-
Zebûr 37:4; Cihûda 21
Yehowa dixwaze ku em wî wek dostê xweyî herî baş bibînin. Bi dil û can guh bide wî, û roj bi roj nêziktirî wî bibe.
