“Ji bo vê yekê, ez li ber Bavê ku li erd û ezmanan her bavikî nav jê standiye, diçim ser çokan” (Efesî 3:14, 15).

Yehowa çima dixwaze ku em qedrê tertîba malbatê bigirin?

• Methelokên Silêman 10:1

  Yehowa dixwaze ku malbat hem ji bo zarokan hem jî ji bo ferdên din cihekî emîn û bihizûr be.

• Methelokên Silêman 1:8; 1. Korîntî 11:3; Efesî 6:1-3; 1. Petrûs 3:1

  Wê baş be ku di malbatê de, her kes rola xwe bizanibe.

“Mesîh serê Civînê ye” (Efesî 5:23).

Wê çima baş be ku em bi civatê re hevkariyê bikin?

• Metta 24:45-47

  Îsa bi destê “xulamê dilsoz û şehreza” li xizmetkarên Xwedê xwedî derdikeve.

• 1. Selanîkî 5:12; Îbranî 13:17

  Kalên civatê û alîkarên xizmetê alî xwişk û birayan dikin ku ew ji aliyê ruhî ve xurt bimînin. Gava em bi van birayan re rind hevkariyê dikin, em nîşan didin ku em otorîteya Yehowa qebûl dikin.

• Karên Şandiyan 20:28

  Gava em bi dil û can piştgiriya civatê dikin – a ku tertîba Yehowa ya ji bo îbadetê ye – ev yek ji bo her kesî bifeyde ye.

“Hukûmeta ku ne ji alîyê Xwedê ve ye tune û yên heyî ji aliyê Xwedê ve hatine danîn” (Romayî 13:1).

Em çawa dikarin nîşan bidin ku em otorîteya dewletê qebûl dikin?

• Metta 5:16; 1. Petrûs 3:15

  Em bi gotin û kirinên xwe qedrê dewletê digirin û bi vî awayî Yehowa birûmet dikin.

• Karên Şandiyan 26:2, 25; Romayî 12:17, 18

  Şagirtên Îsa li qanûnên dewletê guhdarî dikin. Gava Şahidên Yehowa ji aliyê dewletê ve muxalefetê dibînin, ew dîsa jî hurmetkar dimînin.

• Romayî 13:1-4

  Prensîpên Kitêba Pîroz dikarin alî te bikin ku tu guh bidî kesên ku otorîteya wan hene.

• Metta 22:37-39; 26:52; Yûhenna 18:36; Karên Şandiyan 5:27-29; Îbranî 10:24, 25

  Eger dewlet ji te bixwaze ku tu tiştekî li dijî qanûnên Yehowa bikî, gerek tu qerarê bidî ku tuyê li kê guhdarî bikî.