“Hûn ku taximên Xudan dikişînin, xwe paqij bikin!” (Îşaya 52:11).

Îbadeta me çawa dikare paqij bimîne?

• 1. Korîntî 10:21; Aqûb 1:27

  Gerek em dev ji urf, adet û hîndariyên ku bi dînê sexte ve girêdayî ne, berdin.

• 3. Mûsa 11:44; Maleyaxî 3:6

  Yehowa xizmetkarên xwe her tim bi destê qanûn û prensîpan diparêze.

“Xwe ji her cûreyê murdariya ruh û bedenê paqij bikin” (2. Korîntî 7:1).

Yehowa dixwaze ku em dev ji kîjan kirinên xerab berdin?

• Metta 22:39; Karên Şandiyan 17:25; Tîtos 3:1

  Dev ji tiştên ku zerarê didin siheta te yan emrê te kin dikin berde, mesela ji cixareyê, ji serxweşiyê yan ji narkotîkan. Gerek em xwe ji tiştên wisa dûr bigirin ji ber ku em qîmetê didin jiyana xwe û jiyana kesên din û qedrê qanûnên dewletê digirin.

• Romayî 7:21-25

  Li me çi qas zor be jî ku em dev ji tiştên xerab berdin, em cesareta xwe winda nakin. Bi alîkariya Yehowa, em dikarin di vê micadeleyê de bi ser bikevin.

“Ez cefayê didim bedena xwe û wê bindest dikim” (1. Korîntî 9:27).

Çi dikare alî me bike ku em dev ji kirinên xerab berdin?

• Metta 6:13

  Dua bike ku Xwedê bi destê ruhê pîroz alî te bike ku tu karibî bi xwestekên xerab micadele bikî.

• 1. Petrûs 4:3, 4

  Ji însan, fîlm yan stranên ku di vê micadeleyê de ji te re dibin asteng, dûr bisekine.

• Romayî 12:1, 2

  Hazir be ku tu ji kesên din re bibêjî ku tu çima naxwazî hin tiştan bikî, mesela ku tu çima cixareyê nakişînî.