1. 1. MÎRÊ-CINA. Mîrê-cina, dêmek melekê miqabil cabdar e bona hemû nefretiya, ku îro dinyayêda belabûyî ye. Xwedê wê kuta ke Mîrê-cina û wan hemû meriya, yên ku mîna wî melekê miqabil bi nefretiyê tije ne (Zebûr 37:38; Romayî 16:20).

2. 2. DINYA ZULM. Xwedê wê hemû tiştên ku nefretiyê pêşda tînin, bide hildanê. Mesele, polîtîkvan û serwêrên rêlîgiyayê, kîjan ku meriva berbi nefretiyê hêlan dikin. Xwedê wê usa jî bide hildanê sîstêma komêrsî, rêberên kîjanî ku perehiz in, ruşeta hildidin, û meriva bona kara xwe didine xebatê (2 Petrûs 3:13).

3. 3. GUNEKARÎ. Kitêba Pîroz şirovedike, wekî gune derbazî ser însanetê bûye, ji bo çi jî em carna tiştên xirab difikirin, hest û kirên me jî xirab dibin (Romayî 5:12). Yek ji wan dereca ev e, çaxê meriv derheqa kesên din xirab difikire û nefretiyê hindava wanda dide kifşê. Xwedê wê alî meriya bike, wekî ev sistbûna xwe bidine hildanê, û wî çaxî nefretî wê ser dinyayê kuta be (Îşaya 54:13).

1. 1. TU KES WÊ RASTÎ NEFRETIYÊ NEYÊ. Padşatiya Xwedê wê ji ezmên ser erdêra serwêrtiyê bike û heqiya herheyî bîne (Daniyêl 2:44). Hingê meriv wê firqiyê nekin nava hevda û hindava hevda hizkirinê bidine kifşê. Xwedê wê zirara ku meriva ji bo neheqiyê standine, dade (Lûqa 18:7).

2. 2. HER KES WÊ EDILAYÊDA BE. Tu kes wê ji bo zulmiyê û şer-dewa neçerçire (Zebûr 46:9). Hemû meriv wê edilayîhiz bin û erd wê bibe ciyê bêxof (Zebûr 72:7).

3. 3. MERIV WÊ HALÊ BAŞDA HETA-HETAYÊ BIJÎN. Hemû meriv wê hindava hevda hizkirina rast bidine kifşê (Metta 22:39). Tu kes wê dilteng nebe û ne jî ji bo fikir û bîranîna xirab biçerçire (Îşaya 65:17). Çaxê nefretî pêda bê hildanê, hingê hemû meriv “xêr-xweşîyêva wê xinê bin û şa bin” (Zebûr 37:11).

Hûn dixwazin dinyake usada bijîn? Hela hê wedê meda jî gelek meriv bi alîkariya prînsîpên Kitêba Pîroz, karibûne nefretiyê ji dilê xwe derxin (Zebûr 37:8). Ev yek eşkere tê kifşê nava bi mîlyona Şedên Yehowada, ku nav temamiya dinyayê dijîn. Rast e ewana ji cûre-cûre mileta, bereka û kûltûra ne, lê ça malbetek in ku yektiyêda nin û hev hiz dikin (Îşaya 2:2-4).

Şedên Yehowa hazir in tera gilî kin derheqa wê yekê, ku ça dikarin ber neheqiyê û nefretiyê teyax kin. Ev yek wê alî te bike nefretiyê ji dilê xwe derxî û dewsê bi hizkirinê tije kî. Tu hela hê dikarî hindava wan merivada jî hizkirinê bidî kifşê, yên ku bêşêkir in û nefretiyê didine kifşê. Ev yek wê alî te bike îda niha bextewar bî û heleqetiya xwe tevî meriya baş kî. Xêncî wê yekê, tuyê pêbihesî, wekî çi gerekê bikî, seva ku bin serwêrtiya Padşatiya Xwedêda bijîyî, kîderê ku nefretî wê tune be (Zebûr 37:29).