YOMARA û birên wê Marsêlo û Hîvêr, Guatemalayêda gundekî biçûkda dijîn. Yomarayê tevî Şedên Yehowa destpêkir Kitêba Pîroz hîn be. Wext şûnda, herdu birên wê jî destpêkirin Kitêba Pîroz hîn bin. Lê problêmek hebû. Hersêk jî kor bûn û wana nizanibû bi nivîsara Braîlê bixûnin. Lema jî, kê tevî wana hînbûna Kitêba Pîroz derbaz dikir, wanra abzasa û rêzên ji Kitêba Pîroz dixwendin.

Çûyîna ser civata jî bona wan gelek çetin bû. Wana nikaribû tenê herin Oda civatê, ya ku riya 40 deqa bû. Lê xûşk-birên civatê alî wan dikirin ku ewana herin ser hemû civîna. Gava wana destpêkir ser civîna Bijîn û Xizmet kin pê dersa derên, xûşk-bira alî wan dikirin, wekî ewana xeberên dersa xwe ezberî kin.

Sala 2019-da ji meha Gulanê, civîn îda gundê wanda dihatine derbazkirinê. Wî çaxî, jin û mêrekî ku pêşengên hertim bûn, derbazî wî gundî bûn. Rast e wana nivîsara Braîlê nizanibû, wana xwera nêt danî, wekî wan hersêka xwendin û nivîsandina Braîlê hîn kin. Ew jin û mêr çûne kitêbxanekê û wana xwera kitêb destxistin, wekî nivîsara Braîlê hîn bin, seva ku merivên din hîn bikin.

Çend meh şûnda, Yomara, Marsêlo û Hîvêr, dikaribûn nivîsara Braîlê hêsa bixûnin. a Bi vî cûreyî, ewana ruhanîda pêşda çûn. Niha ew hersêk ça pêşengên hertim xizmet dikin. Usa jî, Marsêlo bûye berdestiyê civatê. Temamiya heftiyêda, hersêk bi xîret Yehowara xizmet dikin. Xîreta wan, kesên din jî hêlan dike.

Ewana bona hizkirin û alîkariya civatê gelek razî ne. Yomara usa dibêje: “Ji vê rojêva ku me Şedên Yehowa nas kir, ewana nîşanî me dikin, wekî bi rastî me hiz dikin”. Marsêlo usa dibêje: “Civata meda dostên meye gelek baş hene, û em bûne neferên malbeteke ji cûre-cûre mileta, ya ku bi hizkirina xwe yektiyêda ye”. Yomara û herdu birên wê hizreta wê rojê ne, gava bi çevên xwe bivînin ku dinya wê çawa bibe cinet! (Zebûr 37:10, 11; Îşaya 35:5)