Em merivne gunekar in, lema jî gerekê em fesal bin û xwestinên xwe kontrol kin. Heger em îzinê bidine xwestinên xweye nerast wekî dilê meda şîn bin û me kontrol kin, emê qebûlkirina Yehowa unda kin. Mesele, hine meriv pey xwarinê, kinca û cî-sitarê dikevin û hizkirina wan hindava Xwedê sar dibe. Hinek jî, pey xwestinên xweye sêksûalî dikevin, û bi vê yekê prînsîpên Xwedê pişt guhê xweva davêjin (Rm. 1:26, 27). Lê yên din jî dikevin ber bayê meriva û çev didine kirên wane xirab, seva ku wana xweş bên (Drk. 23:2).

Em ça dikarin xwestinên xwe zeft kin? Em gerekê hemû tiştî bikin, wekî dîna me ser tiştên ruhanî be (Mt. 4:4). Em usa jî gerekê ji Yehowa lava kin, wekî alî me bike xwestinên xwe kontrol kin. Gelo çira? Çimkî ew diha rind zane, ku çi bona me lapî baş e û zane ça alî me bike (Zb. 145:16).

BINIHÊRIN VÎDÊO “ÎZIN NEDE KU CIXARE EMIRÊ TE PÛÇ KE”, Û PAŞÊ CABA WAN PIRSA BIDIN:

• Çira hine meriv cixarê dikişînin?

• Cixare çida dikare zirarê bide te?

• Çira nerast e cixare û usa jî cixarên elektronîk bidine xebatê? (2 Kr. 7:1)

• Tu ça dikarî nekevî telika cixarê, yan jî heger îda dikişînî, terka vê bidî?