Xwendekarên ku dixwazin dilê Xwedê şa kin, gerekê baweriya qewî ava kin (Îbr. 11:6). Em dikarin bi saya kitêba “Şa be Jîyînêra Heta-Hetayê!”, vê yekêda alî wan bikin. Vê kitêbêda hene rêzên sereke, şirovekirina zelal, pirsên kêrhatî, vîdêoyên hewas û şiklên bedew. Em gerekê alî xwendekarên xwe bikin, wekî ewana hunurên ku Xwedê xweş tên nav xweda pêşda bînin û bibine dostên Xwedê. Bi vî cûreyî ewana wê baweriya usa ava kin, ya ku wê ber cêribandinên mezin jî hilneşe (1 Kr. 3:12-15).

Hine merivara çetin e bawer kin, ku ewana dikarin bibine dostên Xwedê, çimkî nikarin wî bivînin. Em gerekê alî wan bikin, wekî baweriya xwe hindava Yehowa ava kin û îtbariya xwe wî bînin.

BINIHÊRIN VÎDÊO “BI SAYA KITÊBA ‘ŞA BE JÎYÎNÊRA HETA-HETAYÊ!’ BAWERIYÊ HINDAVA YEHOWA AVA KE”, Û PAŞÊ CABA WAN PIRSA BIDIN:

• Çida hate kifşê, wekî xûşkê bona hînbûnê xwe rind hazir kiribû?

• Xûşka me pirsên zêde ça da xebatê, wekî Kêys fikir û hestên xwe hindava Îşaya 41:10, 13, bêje?

• Ça vîdêo û rêzên ji Kitêba Pîroz ser Kêysê hukum kirin?

Gelek meriv fem nakin ku çira Îsa emirê xwe berva da, û ewana vê qurbanê ça pêşkêşa ji Xwedê xût bona xwe hesab nakin (Gl. 2:20). Lema jî em gerekê alî wan bikin, wekî ewana baweriyê hindava kirînê, dêmek qurbana Îsa, pêşda bînin.

BINIHÊRIN VÎDÊO “BI SAYA KITÊBA ‘ŞA BE JÎYÎNÊRA HETA-HETAYÊ!’ BAWERIYÊ HINDAVA ÎSA AVA KE”, Û PAŞÊ CABA WAN PIRSA BIDIN:

• Çida hate kifşê, wekî bira bona hînbûnê xwe rind hazir kiribû?

• Ewî ça para “Hê Zêde Pêbihese” da xebatê, wekî alî xwendekarê xwe bike?

• Çira ferz e, wekî xwendekar xwexa jî dua bike?