Vê parêda wê qewimandinên ji Nivîsarên Yûnanî bêne gilîkirinê. Îsa malbeteke ne dewletîda hatibû bûyînê, yên ku şeherekî biçûkda diman. Bavê Îsa necar bû û Îsa alî wî dikir. Îsa gerekê bibûya xilazkarê însanetê. Yehowa wî jibart, wekî ew bibe Padşê Padşatiya ezmana. Hergê zarên we hene, dîna wan bidin ser wê yekê, ku Yehowa xem kir, wekî Îsa malbeteke xwedêxofda bê bûyînê. Wanara gilî kin, çawa Yehowa, Îsa ji destê Hêrodes xilaz kir û şirovekin, wekî tu tişt nikare riya Yehowa bigire, wekî nêta xwe bîne sêrî. Usa jî tevayî bifikirin derheqa wê yekê, ça Yûhenna pêşda cimet hazir dikir bona hatina Îsa. Û dîna zara bide ser wê yekê, ku Îsa ji zarotiya xwe her tiştîda gura Yehowa dikir.