Înformasiyona rast bigere û bide xebatê. Bira xeberdana te ser hîmê Kitêba Pîroz be. Hergê tu tiştek dibêjî derheqa zandariyê, deng û besa, qewimandinekî yan tiştekî din, pêşda lêkolîn ke, wekî înformasiyona te rast û teze be.

Înformasiyonê, rast bide xebatê. Hilde hesab kontêksta rêzê, elametiya Kitêba Pîroz û edebyetên “xulamê amin û servaxt”, seva ku li gora wê yekê, rêza bidî xebatê (Metta 24:45). Hergê tu înformasiyona ne ji Kitêba Pîroz didî xebatê, fesal be ku nêta vê neguhêzî.

Tevî guhdarên xwe şêwir ke. Çaxê te rêz xwend yan înformasiyonek got, paşê dikarî pirsekê yan meselekê pêşda bînî, wekî alî guhdarên xwe bikî, seva xwexa bêne ser nêta rast.