ಮೆಕ್ಸಿಕೊ ದೇಶದಲ್ಲಿ ಯೆಹೋವನ ಸಾಕ್ಷಿಗಳ ಮುದ್ರಣಾಲಯಕ್ಕೆ ಸತತ ಏಳನೇ ಬಾರಿ ‘ಸ್ವಚ್ಛ ಸಂಸ್ಥೆ ಸರ್ಟಿಫಿಕೆಟ್‌’ ಲಭಿಸಿದೆ.

“ಪರಿಸರ ಸಂರಕ್ಷಣೆ ಮಾಡಲು ತಮ್ಮನ್ನೇ ಮುಡಿಪಾಗಿಟ್ಟ” ಯೆಹೋವನ ಸಾಕ್ಷಿಗಳಿಗೆ ಮೆಕ್ಸಿಕೊ ಸರ್ಕಾರ 2012ರ ಸೆಪ್ಟೆಂಬರ್‌ 26ರಂದು ವಿಶೇಷ ಸರ್ಟಿಫಿಕೆಟ್‌ ನೀಡಿದೆ.

ಸರ್ಕಾರ ಆಯೋಜಿಸಿರುವ ಈ ‘ಸ್ವಚ್ಛ ಸಂಸ್ಥೆ’ ಕಾರ್ಯಕ್ರಮದಿಂದಾಗಿ ಕಾರ್ಖಾನೆಗಳು ಪರಿಸರ ಸಂರಕ್ಷಣೆಯ ಬಗ್ಗೆ ಒಲವು ತೋರಿಸುವಂತಾಗಿದೆ. ಯೆಹೋವನ ಸಾಕ್ಷಿಗಳ ಸಂಸ್ಥೆ ಒಂದು ವ್ಯಾಪಾರ ಸಂಸ್ಥೆ ಅಲ್ಲದಿದ್ದರೂ ಈ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಾರೆ. ಮೆಕ್ಸಿಕೊ ಮುದ್ರಣಾಲಯದ ವಕ್ತಾರ ಹೀಗೆ ಹೇಳುತ್ತಾರೆ: “ಎಲ್ಲ ಕಾರ್ಖಾನೆಗಳು ಇದರಲ್ಲಿ ಭಾಗವಹಿಸಲೇಬೇಕು ಎನ್ನುವ ಕಡ್ಡಾಯವೇನಿಲ್ಲ. ಆದರೂ ನಾವು ಸ್ವಇಚ್ಛೆಯಿಂದ ಪಾಲ್ಗೊಳ್ಳುತ್ತಾ ಇದ್ದೇವೆ. ‘ಸ್ವಚ್ಛ ಸಂಸ್ಥೆ ಸರ್ಟಿಫಿಕೆಟ್‌’ ಪಡೆಯಬೇಕಾದರೆ 7 ಕ್ಷೇತ್ರಗಳಲ್ಲಿ ಅಂದರೆ ಗಾಳಿ, ನೀರು, ನಗರ ತ್ಯಾಜ್ಯ, ಅಪಾಯಕಾರಿ ತ್ಯಾಜ್ಯ, ಸುರಕ್ಷೆ, ವಿದ್ಯುತ್‌ ಶಕ್ತಿ, ಪರಿಸರ ಸಂರಕ್ಷಣಾ ತರಬೇತಿ ಈ ಕ್ಷೇತ್ರಗಳಲ್ಲಿ ಸರ್ಕಾರದ ನಿಯಮಗಳನ್ನು ತಪ್ಪದೆ ಪಾಲಿಸಿರಬೇಕು.”

ಯೆಹೋವನ ಸಾಕ್ಷಿಗಳು ಎಲ್ಲೇ ಇರಲಿ ಭೂಗ್ರಹದ ಅಮೂಲ್ಯ ಪರಿಸರವನ್ನು ಹಾಳುಮಾಡದೆ ನೋಡಿಕೊಳ್ಳಲು ತಮ್ಮಿಂದ ಆಗುವುದೆಲ್ಲವನ್ನೂ ಮಾಡುತ್ತಾರೆ.