ಇಲ್ಲ. ಹಿಂದಿನ ಕಾಲದಲ್ಲಿ ಜೀವಿಸಿದ್ದ ಯೆಹೋವನ ಸಾಕ್ಷಿಗಳಲ್ಲದ ಕೋಟ್ಯಂತರ ಜನರಿಗೂ ರಕ್ಷಣೆ ಪಡೆಯುವ ಅವಕಾಶವಿದೆ. ದೇವರು ವಾಗ್ದಾನಿಸಿರುವ ಹೊಸ ಲೋಕದಲ್ಲಿ “ನೀತಿವಂತರಿಗೂ ಅನೀತಿವಂತರಿಗೂ ಪುನರುತ್ಥಾನವಾಗುವುದೆಂದು” ಬೈಬಲ್‌ ತಿಳಿಸುತ್ತದೆ. (ಅಪೊಸ್ತಲರ ಕಾರ್ಯಗಳು 24:15) ಅದಕ್ಕೆ ಕೂಡಿಸಿ, ಈಗ ಬದುಕುತ್ತಿರುವ ಅನೇಕರು ಮುಂದೆ ದೇವರನ್ನು ಆರಾಧಿಸಲು ಶುರುಮಾಡಬಹುದು. ಆಗ ಅವರೂ ರಕ್ಷಣೆ ಹೊಂದುವರು. ಯಾರು ರಕ್ಷಣೆ ಹೊಂದುವರು, ಯಾರು ಹೊಂದುವುದಿಲ್ಲ ಎಂದು ನಿರ್ಣಯಿಸುವುದು ನಮ್ಮ ಕೆಲಸವಲ್ಲ. ಆ ಜವಾಬ್ದಾರಿ ಸಂಪೂರ್ಣವಾಗಿ ಯೇಸುವಿಗೆ ಕೊಡಲಾಗಿದೆ.—ಯೋಹಾನ 5:22, 27.