ಓದಕ್ಕೆ ಅಂತ ಕೂತಾಗ ‘ಎಲ್ಲಾ ಗೊತ್ತಿರೋದೇ ಇರುತ್ತೆ’ ಅಂತ ಅಂದ್ಕೊಳ್ಳದೆ, ‘ಇವತ್ತು ನಾನೇನ್‌ ಕಲಿಬಹುದು?’ ಅಂತ ಕೇಳ್ಕೊಳಿ. ನಿಜ, ಎಷ್ಟೋ ಸಲ ನಮಗೆ ಗೊತ್ತಿರೋದೇ ಓದ್ತೀವಿ. ಆದ್ರೂ ‘ಯೆಹೋವ ಇವತ್ತೇನಾದ್ರೂ ಹೊಸ ವಿಷ್ಯ ಕಲಿಸ್ತಿದ್ದಾನಾ?’ ಅಂತ ಹುಡುಕಬೇಕು. ಈ ತರ ಕಲಿಯೋ ಮನಸ್ಸಿಂದ ಅಧ್ಯಯನ ಮಾಡೋಕೆ ನಾವು ಏನು ಮಾಡಬೇಕು?

ವಿವೇಕ ಕೊಡಿ ಅಂತ ಪ್ರಾರ್ಥನೆ ಮಾಡಿ. ‘ನನಗೆ ಬೈಬಲ್‌ ಬಗ್ಗೆ ಸುಮಾರು ಗೊತ್ತಿದೆ ಅಲ್ವಾ! ಸಾಕು ಬಿಡು!’ ಅಂತ ಅಂದ್ಕೊಬೇಡಿ. (ಜ್ಞಾನೋ. 3:5, 6) ‘ಯೆಹೋವ, ನಾನಿವತ್ತು ಏನು ಕಲಿಬೇಕು ಅಂತ ಚೆನ್ನಾಗಿ ಅರ್ಥಮಾಡಿಸು’ ಅಂತ ಕೇಳ್ಕೊಳ್ಳಿ.—ಯಾಕೋ. 1:5.

ಬೈಬಲಿಗೆ ಶಕ್ತಿ ಇದೆ ಅಂತ ಮರೀಬೇಡಿ. “ಪವಿತ್ರ ಗ್ರಂಥಕ್ಕೆ ಜೀವ ಇದೆ.” (ಇಬ್ರಿ. 4:12) ಪ್ರತಿಸಲ ಬೈಬಲ್‌ ಓದಿದಾಗ ಏನಾದ್ರೂ ಹೊಸ ವಿಷ್ಯ ಕಲಿತೀವಿ ಅಥವಾ ಹೊಸ ವಿಧಾನದಲ್ಲಿ ಅದನ್ನ ಅರ್ಥಮಾಡ್ಕೊಳ್ತೀವಿ. ಈ ತರ ಅರ್ಥ ಮಾಡ್ಕೋಬೇಕಂದ್ರೆ ನಮಗೆ ಕಲಿಯೋ ಮನಸ್ಸು ಇರಬೇಕು.

ಯೆಹೋವನ ಮೇಜಲ್ಲಿ ಇರೋದನ್ನೆಲ್ಲ ತಿಂದು ನೋಡಿ. ಆತನು ನಮಗೆ ಕಲಿಸ್ತಿರೋ ಬೇರೆಬೇರೆ ವಿಷ್ಯಗಳು “ರುಚಿಯಾದ ಆಹಾರ ಪದಾರ್ಥಗಳ ಔತಣ” ತರ ಇದೆ. (ಯೆಶಾ. 25:6) ಹಾಗಾಗಿ ನಮಗೆ ಇಷ್ಟ ಆಗೋದನ್ನಷ್ಟೇ ಅಲ್ಲ ಎಲ್ಲಾ ಅಡುಗೆನೂ ಮಿಸ್‌ ಮಾಡದೆ ತಿನ್ನಬೇಕು. ಆಗ ನಮಗೆ ಅಧ್ಯಯನ ಮಾಡೋಕೆ ತುಂಬ ಇಷ್ಟ ಆಗುತ್ತೆ. ಅಷ್ಟೇ ಅಲ್ಲ ಯೆಹೋವನಿಗೆ ಇಷ್ಟ ಆಗೋ ತರನೂ ನಡ್ಕೊಳ್ತೀವಿ.