ನೀವೇನು ನೆನಸುತ್ತೀರಿ?
ದೇವರ ಸ್ನೇಹಿತರಾಗಲು ಬೈಬಲ್‌ ನಿಮಗೆ ಸಹಾಯ ಮಾಡಬಲ್ಲದಾ?
ಅನೇಕರು ನಂಬುವುದೇನೆಂದರೆ . . .
ನಾವು ಪರಿಶುದ್ಧರಲ್ಲ, ತಪ್ಪು ಮಾಡುತ್ತೇವೆ; ಹಾಗಾಗಿ ದೇವರ ಸ್ನೇಹಿತರಾಗಲು ಸಾಧ್ಯ ಇಲ್ಲ. ಇನ್ನು ಕೆಲವರು ದೇವರು ನಮ್ಮ ಬಗ್ಗೆ ಯೋಚನೆಯನ್ನೇ ಮಾಡುವುದಿಲ್ಲ ಅಂತಾರೆ. ನೀವೇನು ನೆನಸುತ್ತೀರಿ?
ಬೈಬಲ್‌ ಏನನ್ನುತ್ತದೆ?
“ಯಥಾರ್ಥರಿಗೆ ಆತನ [ದೇವರ] ಸ್ನೇಹವು ದೊರೆಯುವದು.” (ಜ್ಞಾನೋಕ್ತಿ 3:32) ನಾವು ದೇವರ ಮಾತನ್ನು ಕೇಳಿದರೆ ಆತನ ಸ್ನೇಹಿತರಾಗಬಹುದು.
ಇದರ ಬಗ್ಗೆ ಬೈಬಲಿನಿಂದ ಇನ್ನೇನು ಕಲಿಯಬಹುದು?
ದೇವರು ನಮ್ಮ ಸ್ನೇಹಿತನಾಗಲು ಬಯಸುತ್ತಾನೆ.—ಯಾಕೋಬ 4:8.
ಒಬ್ಬ ಸ್ನೇಹಿತನಂತೆ ದೇವರು ನಮಗೆ ಸಹಾಯ ಮಾಡಲು ಮತ್ತು ಕ್ಷಮಿಸಲು ಸಿದ್ಧನಿದ್ದಾನೆ.—ಕೀರ್ತನೆ 86:5.
ದೇವರ ಸ್ನೇಹಿತರು ಆತನು ಇಷ್ಟಪಡುವ ವಿಷಯಗಳನ್ನು ಇಷ್ಟಪಡುತ್ತಾರೆ. ಆತನು ದ್ವೇಷಿಸುವ ವಿಷಯಗಳನ್ನು ದ್ವೇಷಿಸುತ್ತಾರೆ.—ರೋಮನ್ನರಿಗೆ 12:9.
