ಮನುಷ್ಯರು ಅಂದಮೇಲೆ ನಾವೆಲ್ಲರೂ ಒಂದೇ ಕುಟುಂಬದವರು. ಹಾಗಾಗಿ ಒಬ್ಬರಿಗೊಬ್ಬರು ಪ್ರೀತಿ ತೋರಿಸಬೇಕು, ಗೌರವ ಕೊಡಬೇಕು. ಆದ್ರೆ ಇವತ್ತು ಜನರಲ್ಲಿ ಪ್ರೀತಿ ಅನ್ನೋದು ಕಣ್ಮರೆಯಾಗಿದೆ. ಇದನ್ನ ದೇವರು ಇಷ್ಟಪಡ್ತಾನಾ?

“ನಿಮ್ಮ ನೆರೆಯವರನ್ನು ನಿಮ್ಮಂತೆಯೇ ಪ್ರೀತಿಸಬೇಕು.”—ಯಾಜಕಕಾಂಡ 19:18.

“ನಿಮ್ಮ ವೈರಿಗಳನ್ನು ಪ್ರೀತಿಸುತ್ತಾ ಇರಿ.”—ಮತ್ತಾಯ 5:44.

ಪವಿತ್ರ ಗ್ರಂಥದ 1 ಕೊರಿಂಥ 13:4-7 ರಲ್ಲಿ ಪ್ರೀತಿ ಬಗ್ಗೆ ದೇವರು ಏನು ತಿಳಿಸಿದ್ದಾನೆ ನೋಡಿ:

‘ಪ್ರೀತಿ ತಾಳ್ಮೆಯುಳ್ಳದ್ದು, ದಯೆಯುಳ್ಳದ್ದೂ ಆಗಿದೆ.’

ಯೋಚಿಸಿ: ನೀವು ತಪ್ಪು ಮಾಡಿದಾಗಲೂ ಬೇರೆಯವರು ನಿಮ್ಮ ಹತ್ರ ದಯೆ ತಾಳ್ಮೆಯಿಂದ ನಡಕೊಂಡ್ರೆ ನಿಮಗೆ ಹೇಗನ್ಸುತ್ತೆ?

‘ಪ್ರೀತಿ ಹೊಟ್ಟೆಕಿಚ್ಚು ಪಡೋದಿಲ್ಲ.’

ಯೋಚಿಸಿ: ಬೇರೆಯವರು ನಿಮ್ಮ ಬಗ್ಗೆ ಅನುಮಾನ ಅಥವಾ ಹೊಟ್ಟೆಕಿಚ್ಚು ಪಡುತ್ತಾ ಇದ್ದರೆ ನಿಮಗೆ ಹೇಗನ್ಸುತ್ತೆ?

ಪ್ರೀತಿ “ಸ್ವಹಿತವನ್ನು ಹುಡುಕುವುದಿಲ್ಲ.”

ಯೋಚಿಸಿ: ಬೇರೆಯವರು ತಾವು ಹೇಳಿದ್ದೇ ಸರಿ ಅಂತ ಅಂದುಕೊಳ್ಳದೆ ನಿಮ್ಮ ಮಾತನ್ನೂ ಕೇಳಿದಾಗ ನಿಮಗೆ ಹೇಗನ್ಸುತ್ತೆ?

ಪ್ರೀತಿ “ಅನ್ಯಾಯದ ಲೆಕ್ಕವನ್ನು ಇಟ್ಟುಕೊಳ್ಳುವುದಿಲ್ಲ.”

ಯೋಚಿಸಿ: ಜನರು ತಪ್ಪು ಮಾಡಿ ಅದನ್ನ ತಿದ್ದುಕೊಂಡಾಗ ದೇವರು ಅವರನ್ನ ಕ್ಷಮಿಸುತ್ತಾನೆ. ‘ಆತನು ಯಾವಾಗಲೂ ತಪ್ಪುಹುಡುಕುವವನಲ್ಲ; ಕೋಪಿಸುವವನಲ್ಲ.’ (ಕೀರ್ತನೆ 103:9) ನಾವು ಕೆಲವೊಮ್ಮೆ ಬೇರೆಯವರಿಗೆ ನೋವು ಆಗೋ ಹಾಗೆ ನಡ್ಕೊಂಡಿರುತ್ತೀವಿ. ಆದ್ರೂ ಅವರು ನಮ್ಮನ್ನ ಕ್ಷಮಿಸಿದಾಗ ಎಷ್ಟು ಖುಷಿ ಆಗುತ್ತೆ ಅಲ್ವಾ? ಹಾಗಾಗಿ ನಮಗೂ ಯಾರಾದ್ರೂ ನೋವು ಮಾಡಿದ್ರೆ ಅವರನ್ನ ಕ್ಷಮಿಸಲು ಯಾವಾಗಲೂ ಸಿದ್ಧರಾಗಿರಬೇಕು.—ಕೀರ್ತನೆ 86:5.

ಪ್ರೀತಿ “ಅನೀತಿಯನ್ನು ಕಂಡು ಹರ್ಷಿಸುವುದಿಲ್ಲ.”

ಯೋಚಿಸಿ: ನೀವು ಕಷ್ಟದಲ್ಲಿ ಇದ್ದಾಗ ಬೇರೆಯವರು ಅದನ್ನ ನೋಡಿ ಖುಷಿಪಟ್ಟರೆ ಹೇಗನ್ಸುತ್ತೆ? ಬೇಜಾರಾಗುತ್ತೆ ಅಲ್ವಾ? ಹಾಗಾಗಿ ಬೇರೆಯವರು ಕಷ್ಟದಲ್ಲಿ ಇದ್ದಾಗ, ಒಂದು ವೇಳೆ ಅವರು ನಮಗೆ ನೋವು ಮಾಡಿದ್ರೂನೂ ಅವರನ್ನ ನೋಡಿ ಖುಷಿಪಡಬಾರದು.

ದೇವರಿಂದ ಆಶೀರ್ವಾದ ಪಡೆಯಲು ಭೇದ-ಭಾವ ಮಾಡದೆ ಎಲ್ಲರಿಗೂ ಪ್ರೀತಿ ತೋರಿಸಬೇಕು. ಆ ತರ ಪ್ರೀತಿ ತೋರಿಸೋ ಒಂದು ವಿಧ ಬೇರೆಯವರಿಗೆ ಸಹಾಯ ಮಾಡೋದು.