ಒಂದು ಅಪರೂಪದ ಸಮಾಧಿ

ಎಕ್ವಡಾರ್‌ನಲ್ಲಿರುವ ಎಚ್ಚರ! ಸುದ್ದಿಗಾರರಿಂದ

ಎಕ್ವಡಾರ್‌ನ ಉತ್ತರದಿಕ್ಕಿನಲ್ಲಿ ರಾಜಧಾನಿ ನಗರವಾದ ಕ್ವಿಟೊ ಇದೆ. ಅಲ್ಲಿ ಇಬಾರ ಎಂಬ ಸ್ಥಳದಲ್ಲಿ ಒಂದು ಅಪರೂಪದ ಸಮಾಧಿಯಿದೆ. ಅದರ ಮೇಲೆ ಎಲ್‌ ಸಿಮೆನ್‌ಟೆರಿಯೋ ಡಿ ಲೊಸ್‌ ಪೊಬ್ರಸ್‌ (ಅಂದರೆ, ಬಡವನ ಸಮಾಧಿ) ಎಂದು ಬರೆದಿದೆ. ಇದು ಒಂದು ಅಪರೂಪದ ಸಮಾಧಿಯಾಗಿರಲು ಕಾರಣವೇನು? ಸಮಾಧಿಯ ಹೊರಗೋಡೆಯ ಮೇಲಿರುವ ದೊಡ್ಡ ಆವೃತ್ತಿಯ ಚಿತ್ರಗಳು ವಾಚ್‌ ಟವರ್‌ ಸೊಸೈಟಿಯ ಪ್ರಕಾಶನಗಳಿಂದ ನೇರವಾಗಿ ನಕಲುಮಾಡಿದ ದೃಶ್ಯಗಳಾಗಿವೆ! * ಮಧ್ಯದಲ್ಲಿರುವ ಚಿತ್ರವು ಅಪೊಸ್ತಲ ಯೋಹಾನನ ಚಿತ್ರವಾಗಿದೆ. ಇದನ್ನು ಪ್ರಕಟನೆ—ಅದರ ಮಹಾ ಪರಮಾವಧಿಯು ಹತ್ತಿರ! ಎಂಬ ಪುಸ್ತಕದ 7ನೇ ಪುಟದಿಂದ ತೆಗೆದುಕೊಳ್ಳಲಾಗಿದೆ. ಯೋಹಾನನ ಚಿತ್ರದ ಮೇಲೆ, ಸ್ಪ್ಯಾನಿಷ್‌ ಭಾಷೆಯಲ್ಲಿ “ದೇವರ ರಾಜ್ಯವೆಂದರೆ ನೀತಿಯೂ, ಸಮಾಧಾನವೂ ಮತ್ತು ಆನಂದವೂ ಆಗಿದೆ. ರೋಮಾಪುರ 14:17” ಎಂಬ ವಚನವನ್ನೂ ಮತ್ತು ಎಡಕ್ಕೆ, ಮತ್ತಾಯ 11:28ರಲ್ಲಿರುವ “ಕಷ್ಟಪಡುವವರೇ, ಹೊರೆಹೊತ್ತವರೇ, ನೀವೆಲ್ಲರೂ ನನ್ನ ಬಳಿಗೆ ಬನ್ನಿರಿ; ನಾನು ನಿಮ್ಮನ್ನು ಚೈತನ್ಯಗೊಳಿಸುವೆನು” ಎಂಬ ವಚನವು ಬರೆಯಲ್ಪಟ್ಟಿದೆ. ಇವು ನ್ಯೂ ವರ್ಲ್ಡ್‌ ಟ್ರಾನ್ಸ್‌ಲೇಷನ್‌ನಿಂದ ತೆಗೆಯಲ್ಪಟ್ಟವುಗಳು. ಈ ಸಮಾಧಿಯ ಗೋಡೆಯು ಜನರನ್ನು ದೇವರ ವಾಕ್ಯದ ಕಡೆಗೆ ಮಾರ್ಗದರ್ಶಿಸುವ ಮಾಧ್ಯಮವಾಗಿದೆಯೆಂಬುದೇನೋ ನಿಜ.

[ಪಾದಟಿಪ್ಪಣಿ]