ಹದಿಹರೆಯದ ಖಿನ್ನತೆಯಿಂದ ಹೊರಬರುವುದು
ಹದಿಹರೆಯದ ಖಿನ್ನತೆಯಿಂದ ಹೊರಬರುವುದು
ಮೆಕ್ಸಿಕೊದಲ್ಲಿ ಇಂಗ್ಲಿಷ್ ವ್ಯಾಸಂಗ ಮಾಡುತ್ತಿದ್ದ ವಿದ್ಯಾರ್ಥಿಗಳಿಗೆ ಯಾವುದಾದರೊಂದು ವಿಷಯದ ಮೇಲೆ ಒಂದು ಭಾಷಣ ತಯಾರಿಸುವಂತೆ ತಿಳಿಸಲಾಯಿತು. ಮಾರೀಟ್ಸಾ ಎಂಬಾಕೆ ವಿವರಿಸುವುದು: “ನಾನು ಖಿನ್ನತೆಯಿಂದ ಬಳಲುತ್ತಿದ್ದಾಗ 2001, ಸೆಪ್ಟೆಂಬರ್ 8ರ ಎಚ್ಚರ! (ಇಂಗ್ಲಿಷ್) ಪತ್ರಿಕೆಯಲ್ಲಿ ಬಂದಿದ್ದ ‘ಖಿನ್ನರಾಗಿರುವ ಹದಿವಯಸ್ಕರಿಗೆ ಸಹಾಯ’ ಎಂಬ ಲೇಖನಮಾಲೆಯು ನನಗೆ ಸಹಾಯಮಾಡಿತ್ತು. ಆದುದರಿಂದ ನಾನು ಆ ಪತ್ರಿಕೆಯಲ್ಲಿದ್ದ ಮಾಹಿತಿಯನ್ನು ಉಪಯೋಗಿಸಿ ಭಾಷಣ ತಯಾರಿಸಿದಾಗ ನನಗೆ ಉತ್ತಮ ಅಂಕಗಳು ಸಿಕ್ಕಿದವು. ಆಮೇಲೆ ನಾನು ಆ ಲೇಖನಮಾಲೆಯ ಪ್ರತಿಗಳನ್ನು ಮಾಡಿ ಎಲ್ಲಾ ವಿದ್ಯಾರ್ಥಿಗಳಿಗೂ ಶಿಕ್ಷಕಿಯರಿಗೂ ಹಂಚಿದೆ.”
ಎರಡು ವರುಷಗಳ ಬಳಿಕ ಮಾರೀಟ್ಸಾ ಕ್ರೈಸ್ತ ಶುಶ್ರೂಷೆಯಲ್ಲಿ ತೊಡಗಿದ್ದಾಗ ತಾನು ಕಲಿತ ಕೇಂದ್ರದಲ್ಲೇ ಇಂಗ್ಲಿಷ್ ವ್ಯಾಸಂಗ ಮಾಡುತ್ತಿದ್ದ ಒಬ್ಬ ವಿದ್ಯಾರ್ಥಿನಿಯನ್ನು ಭೇಟಿಯಾದಳು. ಆ ವಿದ್ಯಾರ್ಥಿನಿ, ‘ಹದಿಹರೆಯದ ಖಿನ್ನತೆಗೆ’ ಸಂಬಂಧಿಸಿದ ಎಚ್ಚರ! ಪತ್ರಿಕೆಯ ಲೇಖನಮಾಲೆಯ ಪ್ರತಿಯನ್ನು ತೋರಿಸಿದಾಗ ಮಾರೀಟ್ಸಾಳಿಗೆ ಆಶ್ಚರ್ಯವಾಯಿತು. ಅನಂತರ ಅವಳಿಗೆ ತಿಳಿದುಬಂತೇನೆಂದರೆ, ಶಿಕ್ಷಕಿಯು ಆ ಲೇಖನಗಳನ್ನು ಎಷ್ಟೊಂದು ಗಣ್ಯಮಾಡು ತ್ತಾಳೆಂದರೆ ತನ್ನ ವಿದ್ಯಾರ್ಥಿಗಳಲ್ಲಿ ಪ್ರತಿಯೊಬ್ಬರಿಗೂ ಅದರ ಪ್ರತಿಗಳನ್ನು ಮಾಡಿ ಕೊಡುತ್ತಾಳೆ!
ಹದಿಹರೆಯದ ಖಿನ್ನತೆಯ ಕುರಿತು ಹೆಚ್ಚಿನ ಮಾಹಿತಿ ಯುವ ಜನರ ಪ್ರಶ್ನೆಗಳು—ಕಾರ್ಯಸಾಧಕ ಉತ್ತರಗಳು ಎಂಬ ಪುಸ್ತಕದಲ್ಲಿದೆ. ಅದರಲ್ಲಿ, “ನಾನು ನನ್ನನ್ನೇ ಇಷ್ಟಪಡುವುದಿಲ್ಲವೇಕೆ?” “ನಾನೇಕೆ ಇಷ್ಟು ಖಿನ್ನನಾಗುತ್ತೇನೆ?” ಮತ್ತು “ನನ್ನ ಒಂಟಿತನವನ್ನು ನಾನು ಹೇಗೆ ದೂರಮಾಡಬಲ್ಲೆ?” ಎಂಬ ಅಧ್ಯಾಯಗಳಿವೆ. ಹೆಚ್ಚಿನ ಮಾಹಿತಿಗಾಗಿ, ಜೊತೆಯಲ್ಲಿರುವ ಕೂಪನ್ ಭರ್ತಿಮಾಡಿ ಈ ಪತ್ರಿಕೆಯ 5ನೇ ಪುಟದಲ್ಲಿರುವ ಸೂಕ್ತವಾದ ವಿಳಾಸಕ್ಕೆ ಅಂಚೆಯ ಮೂಲಕ ಕಳುಹಿಸಿರಿ. (g 4/08)
❑ ಯಾವುದೇ ನಿರ್ಬಂಧಕ್ಕೆ ಒಳಪಡದೆ, ಇಲ್ಲಿ ತೋರಿಸಲಾಗಿರುವ ಪುಸ್ತಕದ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ನಾನು ವಿನಂತಿಸುತ್ತಿದ್ದೇನೆ.
❑ ಮನೆಯಲ್ಲಿಯೇ ಬೈಬಲನ್ನು ಉಚಿತವಾಗಿ ಅಧ್ಯಯನ ಮಾಡುವುದಕ್ಕಾಗಿ ದಯವಿಟ್ಟು ನನ್ನನ್ನು ಸಂಪರ್ಕಿಸಿ.