ಜ್ಞಾಪಿಸಿಕೊಳ್ಳಬೇಕಾಗಿರುವ ಒಂದು ದಿನ

ತಾನು ಮರಣಪಡುವ ಮುಂಚಿನ ಸಾಯಂಕಾಲವೇ ಯೇಸು ಕ್ರಿಸ್ತನು ಹುಳಿಯಿಲ್ಲದ ರೊಟ್ಟಿಯನ್ನು ಮತ್ತು ಕೆಂಪು ದ್ರಾಕ್ಷಾಮದ್ಯವನ್ನು ತನ್ನ ಶಿಷ್ಯರಿಗೆ ದಾಟಿಸಿ, ಅದನ್ನು ತಿನ್ನುವಂತೆ ಹಾಗೂ ಕುಡಿಯುವಂತೆ ತಿಳಿಸಿದನು. ಅಷ್ಟುಮಾತ್ರವಲ್ಲದೆ ಅವನು ಅವರಿಗೆ ಹೇಳಿದ್ದು: “ನನ್ನನ್ನು ನೆನಸಿಕೊಳ್ಳುವದಕ್ಕೋಸ್ಕರ ಹೀಗೆ ಮಾಡುತ್ತಾ ಇರಿ.”​—⁠ಲೂಕ 22:⁠19, NW.

ಈ ವರ್ಷದಲ್ಲಿ ಈ ಘಟನೆಯ ವಾರ್ಷಿಕೋತ್ಸವವು, ಏಪ್ರಿಲ್‌ 4ರ ಭಾನುವಾರ ಸಾಯಂಕಾಲ ಸೂರ್ಯಾಸ್ತಮಾನದ ಬಳಿಕ ಜರುಗಲಿರುವುದು. ಆ ರಾತ್ರಿಯಂದು, ಯೇಸು ಆಜ್ಞಾಪಿಸಿದಂಥ ರೀತಿಯಲ್ಲಿ ಈ ಜ್ಞಾಪಕವನ್ನು ಆಚರಿಸಲಿಕ್ಕಾಗಿ ಲೋಕದಾದ್ಯಂತ ಇರುವ ಯೆಹೋವನ ಸಾಕ್ಷಿಗಳು ಒಟ್ಟುಗೂಡುವರು. ಅವರೊಂದಿಗೆ ಜೊತೆಗೂಡುವಂತೆ ನಿಮ್ಮನ್ನು ಹಾರ್ದಿಕವಾಗಿ ಆಮಂತ್ರಿಸಲಾಗುತ್ತದೆ. ಈ ವಿಶೇಷ ಕೂಟವು ನಡೆಯುವ ನಿಖರವಾದ ಸಮಯ ಹಾಗೂ ಸ್ಥಳಕ್ಕಾಗಿ, ಸ್ಥಳಿಕ ಯೆಹೋವನ ಸಾಕ್ಷಿಗಳನ್ನು ಸಂಪರ್ಕಿಸಿರಿ.