ನಿಮಗೆ ತುಂಬ ಪ್ರೋತ್ಸಾಹ ಕೊಟ್ಟ ಸಭಾ ಕೂಟ, ಪುಳಕಗೊಳಿಸಿದ ಅಧಿವೇಶನ, ಸೇವೆಯಲ್ಲಿ ತುಂಬ ಸಂತೋಷ ಸಿಕ್ಕಿದ ಒಂದು ಅನುಭವ, ಜೊತೆ ಸಾಕ್ಷಿಯೊಂದಿಗೆ ಮಾತಾಡಿದ ಸಂತಸದ ಸಮಯ ಹೀಗೆ ಯೆಹೋವನ ಜನರೊಂದಿಗೆ ಕಳೆದ ಸುಮಧುರ ಕ್ಷಣಗಳನ್ನು ನೀವೆಂದಾದರೂ ನೆನಪಿಸಿಕೊಂಡಿದ್ದೀರೋ? ನಿಮಗೆ ನೆನಪಾಗಿರುವುದು ನಿಜವೇ ಆಗಿದ್ದರೆ ಅದರರ್ಥ ನೀವಿನ್ನೂ ಯೆಹೋವನನ್ನು ಮರೆತಿಲ್ಲ. ಯೆಹೋವನು ಸಹ ನಿಮ್ಮನ್ನು ಮರೆತಿಲ್ಲ. ನೀವು ಮಾಡಿದ ಸೇವೆಯನ್ನು ಆತನು ತುಂಬ ನೆನಪಿಸಿಕೊಳ್ಳುತ್ತಾನೆ. ಆತನ ಬಳಿಗೆ ಮರಳಿ ಬರುವಂತೆ ನಿಮಗೆ ಸಹಾಯ ಮಾಡಲು ಆತನು ಹಂಬಲಿಸುತ್ತಿದ್ದಾನೆ.

“ನಾನೇ ನನ್ನ ಕುರಿಗಳನ್ನು ಹಿಂಬಾಲಿಸಿ ಹುಡುಕುವೆನು. ಮಂದೆಯ ಕುರುಬನು ಸುತ್ತುಮುತ್ತಲು ಚದರಿಹೋದ ತನ್ನ ಕುರಿಗಳನ್ನು ಹುಡುಕುವ ಹಾಗೆ ನಾನು ನನ್ನ ಕುರಿಗಳನ್ನು ಹುಡುಕುವೆನು; ಕಾರ್ಮುಗಿಲಿನ ದುರ್ದಿನದಲ್ಲಿ ಚೆಲ್ಲಾಪಿಲ್ಲಿಯಾದ ಎಲ್ಲಾ ಸ್ಥಳಗಳಿಂದ” ಕಾಪಾಡುವೆನು ಎಂದು ಯೆಹೋವನು ಹೇಳುತ್ತಾನೆ.—ಯೆಹೆಜ್ಕೇಲ 34:11, 12.