ಆಮೋಸ 4:1-13
4 “ಸಮಾರ್ಯದ ಬೆಟ್ಟಗಳ ಮೇಲೆ ವಾಸಿಸೋ+ ಸ್ತ್ರೀಯರೇ ನೀವು ಬಾಷಾನಿನ ಹಸುಗಳ ತರ ಇದ್ದೀರ,ಕಷ್ಟದಲ್ಲಿ ಇರುವವ್ರಿಗೆ ನೀವು ಮೋಸ ಮಾಡ್ತೀರ,+ ಬಡವ್ರನ್ನ ತುಳಿತೀರ,ನಿಮ್ಮ ಗಂಡಂದಿರಿಗೆ* ‘ನಮಗೆ ಕುಡಿಯೋಕೆ ಮದ್ಯವನ್ನ ತಂದ್ಕೊಡಿ!’ ಅಂತ ಹೇಳ್ತೀರ.
ನೀವೀಗ ಈ ಮಾತುಗಳನ್ನ ಕೇಳಿ:
2 ವಿಶ್ವದ ರಾಜ ಯೆಹೋವ ತನ್ನ ಪವಿತ್ರತೆ ಮೇಲೆ ಆಣೆಯಿಟ್ಟು ಹೇಳೋದು ಏನಂದ್ರೆ,‘“ನೋಡಿ, ಮಾಂಸ ನೇತುಹಾಕೋ ಕೊಕ್ಕೆಗಳಿಂದ ಶತ್ರುಗಳು ನಿಮ್ಮನ್ನ ಎತ್ತೋ ದಿನಗಳು ಬರ್ತಿವೆ,ನಿಮ್ಮಲ್ಲಿ ಉಳಿದವ್ರನ್ನ ಮೀನುಗಾಳಗಳಿಂದ ಎತ್ತುತ್ತಾರೆ.
3 ನಿಮ್ಮಲ್ಲಿ ಪ್ರತಿಯೊಬ್ಬರು ನಿಮ್ಮ ಮುಂದೆ ಇರೋ ಗೋಡೆಯ ಬಿರುಕಿನೊಳಗಿಂದ ನೇರವಾಗಿ ಹೊರಗೆ ಹೋಗ್ತೀರ,ಅವರು ನಿಮ್ಮನ್ನ ಹರ್ಮೋನಿಗೆ ಎಸೆದುಬಿಡ್ತಾರೆ” ಅಂತ ಯೆಹೋವ ಹೇಳ್ತಾನೆ.’
4 ‘ಬೆತೆಲಿಗೆ ಬಂದು ಅಪರಾಧ* ಮಾಡಿ,+ಗಿಲ್ಗಾಲಿಗೆ ಬಂದು ಇನ್ನೂ ಹೆಚ್ಚು ಅಪರಾಧ ಮಾಡಿ!+
ಬೆಳಿಗ್ಗೆ ನಿಮ್ಮ ಬಲಿಗಳನ್ನ ತನ್ನಿ,+ಮೂರನೇ ದಿನ ಹತ್ತನೇ ಒಂದು ಭಾಗವನ್ನ* ತನ್ನಿ.+
5 ಕೃತಜ್ಞತಾ ಬಲಿಯಾಗಿ ಹುಳಿ ರೊಟ್ಟಿಗಳನ್ನ ಸುಡಿ,+ನಿಮ್ಮ ಸ್ವಇಷ್ಟದ ಕಾಣಿಕೆಗಳ ಬಗ್ಗೆ ಡಂಗುರ ಸಾರಿ!
ಯಾಕಂದ್ರೆ ಇಸ್ರಾಯೇಲ್ಯರೇ, ಹೀಗೆ ಮಾಡೋದೇ ನಿಮಗೆ ಇಷ್ಟ ಅಲ್ವಾ?’ ಅಂತ ವಿಶ್ವದ ರಾಜ ಯೆಹೋವ ಹೇಳ್ತಾನೆ.
6 ‘ನಿಮ್ಮೆಲ್ಲ ಪಟ್ಟಣಗಳ ಜನ್ರಿಗೆ ಹೊಟ್ಟೆಗೆ ಏನೂ ಇಲ್ಲದ ಹಾಗೆ* ನಾನು ಮಾಡ್ದೆ,ನಿಮ್ಮೆಲ್ಲ ಮನೆಗಳಲ್ಲಿ ತಿನ್ನೋಕೆ ಆಹಾರ ಇಲ್ಲದ ಹಾಗೆ ಮಾಡ್ದೆ,+ಆದ್ರೂ ನೀವು ನನ್ನ ಹತ್ರ ವಾಪಸ್‌ ಬರಲಿಲ್ಲ’+ ಅಂತ ಯೆಹೋವ ಹೇಳ್ತಾನೆ.
7 ‘ಅಷ್ಟೇ ಅಲ್ಲ ಕೊಯ್ಲಿಗೆ ಮೂರು ತಿಂಗಳಿರುವಾಗ ನಾನು ಮಳೆಯನ್ನ ತಡೆಹಿಡಿದೆ,+ಒಂದು ಪಟ್ಟಣದಲ್ಲಿ ಮಳೆ ಬರೋ ತರ, ಇನ್ನೊಂದು ಪಟ್ಟಣದಲ್ಲಿ ಮಳೆ ಬರದೆ ಇರೋ ತರ ಮಾಡ್ದೆ,ಒಂದು ಹೊಲದಲ್ಲಿ ಮಳೆ ಆಗ್ತಿತ್ತು. ಆದ್ರೆ ಇನ್ನೊಂದು ಹೊಲ ಮಳೆಯಾಗದೆ ಒಣಗಿಹೋಗ್ತಿತ್ತು.
8 ಎರಡು ಮೂರು ಪಟ್ಟಣಗಳ ಜನ ನೀರು ಕುಡಿಯೋಕೆ ಒಂದು ಪಟ್ಟಣಕ್ಕೆ ಬಳಲಿ ತೂರಾಡ್ತಾ ಹೋಗ್ತಿದ್ರು,+ಆದ್ರೂ ಅವ್ರಿಗೆ ದಾಹ ತೀರಲಿಲ್ಲ,ಇಷ್ಟೆಲ್ಲ ನಡೆದ್ರೂ ನೀವು ನನ್ನ ಹತ್ರ ವಾಪಸ್‌ ಬರಲಿಲ್ಲ,’+
ಅಂತ ಯೆಹೋವ ಹೇಳ್ತಾನೆ.
9 ‘ನಿಮ್ಮ ಬೆಳೆಗಳಿಗೆ ಬಿಸಿಗಾಳಿ ಬೀಸೋ ತರ ಹಾಗೂ ರೋಗ ಬಂದು ಬೆಳೆಗಳೆಲ್ಲ ನಾಶವಾಗೋ ತರ ನಾನು ಮಾಡ್ದೆ.+
ನೀವು ನಿಮ್ಮ ತೋಟಗಳನ್ನೂ ದ್ರಾಕ್ಷಿತೋಟಗಳನ್ನೂ ಹೆಚ್ಚಿಸ್ಕೊಳ್ತಾ ಇದ್ದೀರ,ಆದ್ರೆ ಮಿಡತೆಗಳು ಬಂದು ನಿಮ್ಮ ಅಂಜೂರದ ಮರಗಳನ್ನೂ ಆಲಿವ್‌ ಮರಗಳನ್ನೂ ತಿಂದುಬಿಡ್ತಿದ್ವು,+ಇಷ್ಟೆಲ್ಲ ಆದ್ರೂ ನೀವು ನನ್ನ ಹತ್ರ ವಾಪಸ್‌ ಬರಲಿಲ್ಲ’+ ಅಂತ ಯೆಹೋವ ಹೇಳ್ತಾನೆ.
10 ‘ಈಜಿಪ್ಟಲ್ಲಿ ತಂದ ಕಾಯಿಲೆಯನ್ನ ನಿಮ್ಮ ಮೇಲೆ ನಾನು ತಂದೆ.+
ಕತ್ತಿಯಿಂದ ನಾನು ನಿಮ್ಮ ಯುವಕರನ್ನ ಸಾಯಿಸಿದೆ,+ ನಿಮ್ಮ ಕುದುರೆಗಳನ್ನ ವಶ ಮಾಡ್ಕೊಂಡೆ.+
ನಿಮ್ಮ ಪಾಳೆಯಗಳಲ್ಲಿರೋ ಶವಗಳ ದುರ್ವಾಸನೆ ಎಲ್ಲಾ ಕಡೆ ಹರಡೋ ತರ ಮಾಡಿದೆ,+ಆದ್ರೂ ನೀವು ನನ್ನ ಹತ್ರ ವಾಪಸ್‌ ಬರಲಿಲ್ಲ’ ಅಂತ ಯೆಹೋವ ಹೇಳ್ತಾನೆ.
11 ‘ನಾನು ಸೊದೋಮ್‌ ಮತ್ತು ಗೊಮೋರವನ್ನ ನಾಶಮಾಡಿದ+ ಹಾಗೆ ನಿಮ್ಮ ದೇಶವನ್ನ ನಾಶಮಾಡಿದೆ,ಉರಿಯೋ ಬೆಂಕಿಯಿಂದ ಹೊರಗೆ ಎಳೆದ ಕಟ್ಟಿಗೆ ತರ ನೀವಿದ್ದೀರ,ಆದ್ರೂ ನೀವು ನನ್ನ ಹತ್ರ ವಾಪಸ್‌ ಬರಲಿಲ್ಲ’+
ಅಂತ ಯೆಹೋವ ಹೇಳ್ತಾನೆ.
12 ಹಾಗಾಗಿ ಇಸ್ರಾಯೇಲೇ, ನಾನು ನಿನಗೆ ಮತ್ತೆ ಶಿಕ್ಷೆ ಕೊಡ್ತೀನಿ.
ನಾನು ನಿನಗೆ ಹೀಗೆ ಮಾಡ್ತೀನಿ,ಹಾಗಾಗಿ ನಿನ್ನ ದೇವರ ಮುಂದೆ ಬರೋಕೆ ಸಿದ್ಧನಾಗು!
13 ಯಾಕಂದ್ರೆ ಬೆಟ್ಟಗಳನ್ನ ರೂಪಿಸಿದವನೂ+ ಗಾಳಿಯನ್ನ ಸೃಷ್ಟಿಸಿದವನೂ ಆತನೇ,+ಆತನು ತನ್ನ ಆಲೋಚನೆಗಳನ್ನ ಮನುಷ್ಯನಿಗೆ ಹೇಳ್ತಾನೆ,ಆತನು ಮುಂಜಾನೆಯ ಬೆಳಕನ್ನ ಕತ್ತಲೆಯಾಗಿ ಮಾಡ್ತಾನೆ,+ಭೂಮಿಯ ಎತ್ತರವಾದ ಸ್ಥಳಗಳಲ್ಲಿ ನಡಿತಾನೆ,+ಸೈನ್ಯಗಳ ದೇವರಾದ ಯೆಹೋವ ಅನ್ನೋದು ಆತನ ಹೆಸ್ರು.”
ಪಾದಟಿಪ್ಪಣಿ
^ ಅಥವಾ “ಧಣಿಗಳಿಗೆ.”
^ ಅಥವಾ “ದಂಗೆ.”
^ ಅಥವಾ “ದಶಮಾಂಶವನ್ನ.”
^ ಅಕ್ಷ. “ನಿಮ್ಮ ಹಲ್ಲಿಗೆ ಏನೂ ಸಿಗದ ಹಾಗೆ.”
