ಕೀರ್ತನೆ 103:1-22
ದಾವೀದನ ಕೀರ್ತನೆ.
103 ನನ್ನ ಮನ ಯೆಹೋವನನ್ನ ಹೊಗಳಲಿ,ನನ್ನಲ್ಲಿರೋ ಎಲ್ಲವೂ ಆತನ ಪವಿತ್ರ ಹೆಸ್ರನ್ನ ಕೊಂಡಾಡಲಿ.
2 ನನ್ನ ಮನ ಯೆಹೋವನನ್ನ ಸ್ತುತಿಸಲಿ,ಆತನು ಮಾಡಿದ ಯಾವುದನ್ನೂ ಅದು ಯಾವತ್ತೂ ಮರಿಯದಿರಲಿ.+
3 ಆತನು ನನ್ನ ತಪ್ಪುಗಳನ್ನೆಲ್ಲ ಕ್ಷಮಿಸ್ತಾನೆ,+ನನ್ನ ಕಾಯಿಲೆಗಳನ್ನೆಲ್ಲ ವಾಸಿಮಾಡ್ತಾನೆ.+
4 ಆತನು ನನ್ನ ಜೀವವನ್ನ ಸಮಾಧಿಯಿಂದ* ಮೇಲೆ ಎಬ್ಬಿಸ್ತಾನೆ+ತನ್ನ ಶಾಶ್ವತ ಪ್ರೀತಿ ಮತ್ತು ಕರುಣೆಯ ಕಿರೀಟವನ್ನ ನನಗೆ ಹಾಕ್ತಾನೆ.+
5 ಆತನು ನನ್ನ ಜೀವನ ಪರ್ಯಂತ ನನಗೆ ಒಳ್ಳೇ ವಸ್ತುಗಳನ್ನ ಕೊಟ್ಟು ತೃಪ್ತಿ ಪಡಿಸಿದ್ದಾನೆ.+
ಹದ್ದಿನ ತರ ನಾನು ಯಾವಾಗ್ಲೂ ಯುವಕನಾಗಿ ಇರಬೇಕು ಅಂತ ಹೀಗೆ ಮಾಡ್ತಾನೆ.+
6 ದೌರ್ಜನ್ಯ ಆಗ್ತಿರೋರಿಗೆಯೆಹೋವ ನೀತಿಯಿಂದ ಹೆಜ್ಜೆ ತಗೊಂಡು,+ ಅವ್ರಿಗೆ ನ್ಯಾಯ ಸಿಗೋ ತರ ಮಾಡ್ತಾನೆ.+
7 ಆತನು ಮೋಶೆಗೆ ತನ್ನ ದಾರಿಗಳನ್ನ ತಿಳಿಸಿದನು,+ಇಸ್ರಾಯೇಲ್ಯರಿಗೆ ತನ್ನ ಕೆಲಸಗಳನ್ನ ತೋರಿಸಿದನು.+
8 ಯೆಹೋವ ಕರುಣೆ, ಕನಿಕರ* ಇರೋ ದೇವರು,+ಅಷ್ಟು ಬೇಗ ಕೋಪ ಮಾಡ್ಕೊಳಲ್ಲ, ಶಾಶ್ವತ ಪ್ರೀತಿಯನ್ನ* ಅಪಾರವಾಗಿ ತೋರಿಸ್ತಾನೆ.+
9 ಆತನು ಯಾವಾಗ್ಲೂ ತಪ್ಪು ಹುಡುಕ್ತಾ ಇರಲ್ಲ,+ಮುನಿಸ್ಕೊಂಡು ಶಾಶ್ವತವಾಗಿ ಮನಸ್ಸಲ್ಲಿ ಇಟ್ಕೊಳ್ಳಲ್ಲ.+
10 ಆತನು ನಮ್ಮ ಪಾಪಗಳಿಗೆ ತಕ್ಕ ಹಾಗೆ ನಮ್ಮ ಜೊತೆ ನಡ್ಕೊಳ್ಳಲಿಲ್ಲ,+ನಾವು ಮಾಡಿದ ತಪ್ಪುಗಳಿಗೆ ತಕ್ಕ ಶಿಕ್ಷೆ ಕೊಡಲಿಲ್ಲ.+
11 ಆಕಾಶ ಭೂಮಿಯಿಂದ ಎಷ್ಟು ಎತ್ರದಲ್ಲಿ ಇದೆಯೋ,ಆತನಿಗೆ ಭಯಪಡೋರ ಕಡೆ ಆತನಿಗಿರೋ ಶಾಶ್ವತ ಪ್ರೀತಿನೂ ಅಷ್ಟೇ ಜಾಸ್ತಿ ಇದೆ.+
12 ಪೂರ್ವಕ್ಕೂ ಪಶ್ಚಿಮಕ್ಕೂ ಎಷ್ಟು ದೂರ ಇದೆಯೋ,ಆತನು ನಮ್ಮ ಅಪರಾಧಗಳನ್ನ ನಮ್ಮಿಂದ ಅಷ್ಟೇ ದೂರ ಎಸಿತಾನೆ.+
13 ಅಪ್ಪ ಮಕ್ಕಳಿಗೆ ಕರುಣೆ ತೋರಿಸೋ ಹಾಗೆ,ಯೆಹೋವ ತನಗೆ ಭಯಪಡೋರಿಗೆ ಕರುಣೆ ತೋರಿಸ್ತಾನೆ.+
14 ಯಾಕಂದ್ರೆ ನಮ್ಮನ್ನ ರಚಿಸಿರೋದು ಹೇಗೆ ಅಂತ ಆತನಿಗೆ ಚೆನ್ನಾಗಿ ಗೊತ್ತು,+ನಾವು ಧೂಳಾಗಿದ್ದೀವಿ ಅಂತ ಆತನು ನೆನಪಿಸ್ಕೊಳ್ತಾನೆ.+
15 ನಾಶವಾಗಿ ಹೋಗೋ ಮನುಷ್ಯನನ್ನ ನೋಡೋದಾದ್ರೆಅವನ ಜೀವನ ಹುಲ್ಲಿನ ತರ ಕ್ಷಣಿಕ,+ಅವನು ಬೈಲಲ್ಲಿರೋ ಹೂವಿನ ತರ ಅರಳ್ತಾನೆ,+
16 ಆದ್ರೆ ಗಾಳಿ ಬೀಸಿದ್ರೆ ಅದು ಇಲ್ಲದ ಹಾಗೆ ಹೋಗಿಬಿಡುತ್ತೆ,ಅದು ಅಲ್ಲಿ ಇರಲೇ ಇಲ್ಲವೇನೋ ಅನ್ನೋ ತರ ಆಗಿಬಿಡುತ್ತೆ.
17 ಆದ್ರೆ ಯಾರು ಯೆಹೋವನಿಗೆ ಭಯಪಡ್ತಾರೋಅವ್ರ ಕಡೆ ಆತನ ಪ್ರೀತಿ ಶಾಶ್ವತವಾಗಿ* ಇರುತ್ತೆ,+ಅವ್ರ ಮಕ್ಕಳು ಮೊಮ್ಮಕ್ಕಳ ಕಡೆಗೆ ಆತನ ನೀತಿ ಯಾವಾಗ್ಲೂ ಇರುತ್ತೆ.+
18 ಆತನ ಒಪ್ಪಂದನ ಒಪ್ಕೊಳ್ಳೋ ಜನ್ರಿಗೂ+ಆತನ ಆಜ್ಞೆಗಳನ್ನ ಜಾಗ್ರತೆಯಿಂದ ಪಾಲಿಸೋ ಜನ್ರಿಗೂ ಹಾಗೇ ಆಗುತ್ತೆ.
19 ಯೆಹೋವ ತನ್ನ ಸಿಂಹಾಸನವನ್ನ ಸ್ವರ್ಗದಲ್ಲಿ ದೃಢವಾಗಿ ಸ್ಥಾಪಿಸಿದ್ದಾನೆ,+ಆತನಿಗೆ ಎಲ್ಲದರ ಮೇಲೂ ಅಧಿಕಾರ ಇದೆ.+
20 ಆತನ ಸ್ವರಕ್ಕೆ ಅಧೀನರಾಗಿ, ಆತನ ಮಾತನ್ನ ಪಾಲಿಸೋ+ಬಲಿಷ್ಠ ದೇವದೂತರೇ,+ ನೀವೆಲ್ಲ ಯೆಹೋವನನ್ನ ಹೊಗಳಿ.
21 ಆತನ ಇಡೀ ಸೈನ್ಯವೇ,ಆತನ ಇಷ್ಟದ ಹಾಗೆ ಮಾಡೋ ಆತನ ಸೇವಕರೇ,+ ಯೆಹೋವನನ್ನ ಕೊಂಡಾಡಿ.+
22 ಯೆಹೋವನ ಸೃಷ್ಟಿಗಳೇ ಆತನನ್ನ ಹೊಗಳಿ, ಆತನು ಆಳ್ವಿಕೆ ಮಾಡೋ ಎಲ್ಲ ಜಾಗಗಳಲ್ಲಿ ಆತನನ್ನ ಸ್ತುತಿಸಿ.
ನನ್ನ ತನುಮನವೆಲ್ಲ ಯೆಹೋವನನ್ನ ಹಾಡಿ ಹೊಗಳಲಿ.
ಪಾದಟಿಪ್ಪಣಿ
^ ಅಥವಾ “ಗುಂಡಿಯಿಂದ.”
^ ಅಥವಾ “ಕೃಪೆ.”
^ ಅಥವಾ “ಪ್ರೀತಿಪೂರ್ವಕ ದಯೆಯನ್ನ.”
^ ಅಥವಾ “ಯುಗಯುಗಾಂತರಕ್ಕೂ.”
