ಕೀರ್ತನೆ 11:1-7
ಗಾಯಕರ ನಿರ್ದೇಶಕನಿಗೆ ಸೂಚನೆ: ದಾವೀದನ ಕೀರ್ತನೆ.
11 ನಾನು ಯೆಹೋವನನ್ನೇ ಆಶ್ರಯಿಸಿದ್ದೀನಿ.+
ಹಾಗಿರುವಾಗ ನೀವು ನನಗೆ ಯಾಕೆ ಹೀಗೆ ಹೇಳ್ತೀರ:
“ಹಕ್ಕಿ ತರ ನಿನ್ನ ಬೆಟ್ಟಕ್ಕೆ ಓಡಿಹೋಗು!
2 ಕತ್ತಲೆಯಲ್ಲಿ ಬಚ್ಚಿಟ್ಕೊಂಡು ಪ್ರಾಮಾಣಿಕ ಹೃದಯದ ಜನ್ರ ಮೇಲೆ ಬಾಣ ಬಿಡೋಕೆ,ಕೆಟ್ಟವರು ಹೇಗೆ ಬಿಲ್ಲನ್ನ ಬಗ್ಗಿಸಿದ್ದಾರೆ ನೋಡು,ಹೇಗೆ ತಮ್ಮ ಬಾಣಗಳನ್ನ ಗುರಿಯಿಟ್ಟಿದ್ದಾರೆ ನೋಡು.
3 ಅಸ್ತಿವಾರನೇ* ಅಲ್ಲಾಡಿದಾಗ,ನೀತಿವಂತನಿಗೆ ಏನು ಮಾಡೋಕೆ ಆಗುತ್ತೆ?”
4 ಯೆಹೋವ ತನ್ನ ಪವಿತ್ರ ಆಲಯದಲ್ಲಿ ಇದ್ದಾನೆ.+
ಯೆಹೋವನ ಸಿಂಹಾಸನ ಸ್ವರ್ಗದಲ್ಲಿದೆ.+
ಆತನ ಕಣ್ಣು ಮನುಷ್ಯರನ್ನ ನೋಡುತ್ತೆ.
ಗಮನಿಸ್ತಾ* ಅವ್ರನ್ನ ಪರೀಕ್ಷಿಸುತ್ತೆ.+
5 ಯೆಹೋವ ಒಳ್ಳೆಯವನನ್ನೂ ಕೆಟ್ಟವನನ್ನೂ ಪರೀಕ್ಷಿಸ್ತಾನೆ,+ಹಿಂಸೆಯನ್ನ ಪ್ರೀತಿಸೋ ಜನ್ರನ್ನ ದ್ವೇಷಿಸ್ತಾನೆ.+
6 ಕೆಟ್ಟವನ ಮೇಲೆ ಪಾಶಗಳ* ಮಳೆಯನ್ನೇ ಸುರಿಸ್ತಾನೆ,ಅವ್ರಿಗೆ ಬೆಂಕಿ, ಗಂಧಕ+ ಮತ್ತು ಬಿಸಿಗಾಳಿಯಿಂದ ಶಿಕ್ಷೆ ಕೊಡ್ತಾನೆ.
7 ಯೆಹೋವ ನೀತಿವಂತನು.+ ಹಾಗಾಗಿ ಆತನು ಒಳ್ಳೇದನ್ನೇ ಪ್ರೀತಿಸ್ತಾನೆ.+
ಪ್ರಾಮಾಣಿಕ ಹೃದಯದ ಜನ್ರು ಆತನ ಮುಖವನ್ನ ನೋಡ್ತಾರೆ.*+
ಪಾದಟಿಪ್ಪಣಿ
^ ಅಥವಾ “ನ್ಯಾಯದ ಅಸ್ತಿವಾರನೇ.”
^ ಅಥವಾ “ಪ್ರಕಾಶಿಸ್ತಾ.”
^ ಬಹುಶಃ, “ಉರಿಯೋ ಕೆಂಡಗಳ.”
^ ಅಥವಾ “ಆತನ ಮೆಚ್ಚುಗೆಯನ್ನ ಅನುಭವಿಸ್ತಾರೆ.”
