ಕೀರ್ತನೆ 129:1-8
-
ಆಕ್ರಮಣ ಮಾಡಿದ್ರೂ ಸೋಲಿಸೋಕೆ ಆಗಲಿಲ್ಲ
-
ಚೀಯೋನನ್ನ ದ್ವೇಷಿಸೋರು ಅವಮಾನಪಡ್ತಾರೆ (5)
-
ಯಾತ್ರೆ ಗೀತೆ.
129 “ಚಿಕ್ಕಂದಿನಿಂದ ನನ್ನ ಶತ್ರುಗಳು ಬೆನ್ನು ಬಿಡದೆ ನನ್ನ ಮೇಲೆ ಆಕ್ರಮಣ ಮಾಡ್ತಾನೇ ಇದ್ದಾರೆ,”+ಇಸ್ರಾಯೇಲ್‌ ಹೀಗೆ ಹೇಳಲಿ
2 “ಚಿಕ್ಕಂದಿನಿಂದ ನನ್ನ ಶತ್ರುಗಳು ಬೆನ್ನು ಬಿಡದೆ ನನ್ನ ಮೇಲೆ ಆಕ್ರಮಣ ಮಾಡ್ತಾನೇ ಇದ್ದಾರೆ,+ಆದ್ರೆ ಅವ್ರಿಗೆ ನನ್ನನ್ನ ಸೋಲಿಸೋಕೆ ಆಗಿಲ್ಲ.+
3 ಹೊಲ ಉಳೋರು ನನ್ನ ಬೆನ್ನಿನ ಮೇಲೆ ಉತ್ತಿದ್ರು,+ಅವರು ಉತ್ತಿ ಉದ್ದುದ್ದ ಸಾಲುಗಳನ್ನ ಮಾಡಿದ್ರು.”
4 ಆದ್ರೆ ಯೆಹೋವ ನೀತಿವಂತ,+ಕೆಟ್ಟವರ ಹಗ್ಗಗಳನ್ನ ಆತನು ಕತ್ತರಿಸಿ ಹಾಕಿದ.+
5 ಯಾರೆಲ್ಲ ಚೀಯೋನನ್ನ ದ್ವೇಷಿಸ್ತಾರೋಅವ್ರೆಲ್ಲ ಅವಮಾನಕ್ಕೆ ಗುರಿ ಆಗ್ತಾರೆ,ಅವರು ಅಪಮಾನದಿಂದ ವಾಪಸ್‌ ಹೋಗ್ತಾರೆ,+
6 ಅವರು ಮನೆ ಚಾವಣಿ ಮೇಲಿರೋ ಹುಲ್ಲಿನ ತರ ಆಗ್ತಾರೆ,ಅದನ್ನ ಕೀಳೋದಕ್ಕಿಂತ ಮೊದ್ಲೇ ಅದು ಒಣಗಿ ಹೋಗುತ್ತೆ.
7 ಅದು ಕಟಾವು ಮಾಡುವವನ ಕೈಯನ್ನಾಗಲಿ,ಧಾನ್ಯದ ತೆನೆಗಳ ಕಂತೆಯನ್ನ ಹೊರುವವನ ತೋಳನ್ನಾಗಲಿ ತುಂಬಲ್ಲ.
8 “ಯೆಹೋವನ ಆಶೀರ್ವಾದ ನಿಮ್ಮ ಮೇಲಿರಲಿ,ಯೆಹೋವನ ಹೆಸ್ರಲ್ಲಿ ನಾವು ನಿಮ್ಮನ್ನ ಆಶೀರ್ವದಿಸ್ತೀವಿ” ಅಂತದಾರಿಹೋಕರು ಅವ್ರಿಗೆ ಹೇಳಲ್ಲ.
