ಕೀರ್ತನೆ 83:1-18
ಆಸಾಫನ+ ಮಧುರ ಗೀತೆ.
83 ದೇವರೇ, ಸುಮ್ಮನಿರಬೇಡ,+ಬಲಿಷ್ಠ ದೇವರೇ, ಮೌನವಾಗಿರದೆ* ಹೆಜ್ಜೆ ತಗೊ.
2 ಯಾಕಂದ್ರೆ ನೋಡು! ನಿನ್ನ ಶತ್ರುಗಳು ಗರ್ಜಿಸ್ತಿದ್ದಾರೆ,+ನಿನ್ನನ್ನ ದ್ವೇಷಿಸೋರು ಜಂಬದಿಂದ ನಡ್ಕೊಳ್ತಿದ್ದಾರೆ.*
3 ಕಪಟದಿಂದ ನಿನ್ನ ಜನ್ರ ವಿರುದ್ಧ ರಹಸ್ಯವಾಗಿ ಸಂಚು ಮಾಡ್ತಾರೆ,ನಿನ್ನ ಅಮೂಲ್ಯ* ಜನ್ರ ವಿರುದ್ಧ ಪಿತೂರಿ ನಡಿಸ್ತಾರೆ.
4 “ಬನ್ನಿ, ಇಸ್ರಾಯೇಲ್‌ ಜನಾಂಗದ ಹೆಸ್ರನ್ನ ಯಾರೂ ನೆನಪಿಸ್ಕೊಳ್ಳದ ಹಾಗೆ,ಆ ಇಡೀ ಜನಾಂಗನ ಸರ್ವನಾಶ ಮಾಡೋಣ”+ ಅಂತ ಹೇಳ್ತಿದ್ದಾರೆ.
5 ಅವ್ರೆಲ್ಲ ಒಂದಾಗಿ ಬಂದು ಸೈನ್ಯ ಕಟ್ತಿದ್ದಾರೆ,ನಿನ್ನ ವಿರುದ್ಧ ಯುದ್ಧಮಾಡೋಕೆ ಅವರು ತಮ್ಮತಮ್ಮಲ್ಲೇ ಒಪ್ಪಂದ* ಮಾಡ್ಕೊಂಡಿದ್ದಾರೆ.+
6 ಡೇರೆಯಲ್ಲಿ ವಾಸಿಸೋ ಎದೋಮ್ಯರು, ಇಷ್ಮಾಯೇಲ್ಯರು, ಮೋವಾಬ್ಯರು,+ ಹಗ್ರೀಯರು,+
7 ಗೆಬಲ್ಯರು, ಅಮ್ಮೋನಿಯರು,+ ಅಮಾಲೇಕ್ಯರು,ಫಿಲಿಷ್ಟಿಯರು+ ಮತ್ತು ತೂರಿನ+ ನಿವಾಸಿಗಳು.
8 ಇವ್ರ ಜೊತೆ ಅಶ್ಶೂರ್ಯರೂ+ ಸೇರಿಕೊಂಡಿದ್ದಾರೆ,ಅವರು ಲೋಟನ ಮಕ್ಕಳಿಗೆ+ ಸಹಕಾರ ಕೊಡ್ತಿದ್ದಾರೆ.* (ಸೆಲಾ)
9 ನೀನು ಮಿದ್ಯಾನ್ಯರಿಗೆ ಮಾಡಿದ ಹಾಗೆ,+ಕೀಷೋನ್‌ ತೊರೆ ಹತ್ರ ಇರೋ ಸೀಸೆರನಿಗೆ ಮತ್ತು ಯಾಬೀನನಿಗೆ ಮಾಡಿದ ಹಾಗೆ ಇವ್ರಿಗೂ ಮಾಡು.+
10 ಅವರು ಎಂದೋರಲ್ಲಿ ನಾಶ ಆದ್ರು,+ಅವರು ಹೊಲಕ್ಕೆ ಗೊಬ್ಬರ ಆದ್ರು.
11 ಓರೇಬನಿಗೆ ಮತ್ತು ಜೇಬನಿಗೆ ಬಂದ ಗತಿನೇ ಅವ್ರ ಪ್ರಧಾನರಿಗೂ ಬರಲಿ.+
ಜೆಬಹನಿಗೆ ಮತ್ತು ಚಲ್ಮುನ್ನನಿಗೆ ಆದ ಗತಿನೇ ಅವ್ರ ಅಧಿಕಾರಿಗಳಿಗೂ* ಆಗಲಿ.+
12 ಯಾಕಂದ್ರೆ ಅವರು “ಬನ್ನಿ, ದೇವರು ವಾಸಿಸೋ ದೇಶನ ಆಸ್ತಿಯಾಗಿ ಪಡ್ಕೊಳ್ಳೋಣ” ಅಂತ ಹೇಳ್ತಿದ್ರು.
13 ನನ್ನ ದೇವರೇ, ಅವ್ರನ್ನ ಗಿರಗಿರನೇ ತಿರುಗೋ ಮುಳ್ಳಿನ ಪೊದೆ ತರ ಮಾಡು,+ಗಾಳಿಗೆ ತೂರಿಹೋಗೋ ಹೊಟ್ಟಿನ ತರ ಮಾಡು.
14 ಹೇಗೆ ಬೆಂಕಿ ಕಾಡನ್ನ ಸುಟ್ಟು ಹಾಕುತ್ತೋ,ಹೇಗೆ ಜ್ವಾಲೆ ಪರ್ವತಗಳನ್ನ ದಹಿಸಿಬಿಡುತ್ತೋ,+
15 ಹಾಗೇ ನೀನು, ನಿನ್ನ ಚಂಡಮಾರುತದಿಂದ ಅವ್ರನ್ನ ಅಟ್ಟಿಸ್ಕೊಂಡು ಹೋಗು+
ನಿನ್ನ ಸುಂಟರಗಾಳಿಯಿಂದ ಅವ್ರನ್ನ ಹೆದರಿಸು.+
16 ಯೆಹೋವನೇ, ಅವರು ನಿನ್ನ ಹೆಸ್ರನ್ನ ಹುಡುಕೋ ತರ,ಅವ್ರ ಮುಖಗಳನ್ನ ಅವಮಾನದಿಂದ ಮುಚ್ಚು.*
17 ಅವರು ಶಾಶ್ವತವಾಗಿ ನಾಚಿಕೆಪಡಲಿ, ಯಾವಾಗ್ಲೂ ಭಯಪಡಲಿ,ಅವ್ರಿಗೆ ಅವಮಾನ ಆಗಲಿ, ನಾಶವಾಗಿ ಹೋಗಲಿ.
18 ಯೆಹೋವ ಅನ್ನೋ ಹೆಸ್ರಿರೋ ನೀನೊಬ್ಬನೇ+ಇಡೀ ಭೂಮಿಯಲ್ಲಿ ಸರ್ವೋನ್ನತ ದೇವರು ಅಂತ ಎಲ್ರಿಗೂ ಗೊತ್ತಾಗಲಿ.+
ಪಾದಟಿಪ್ಪಣಿ
^ ಅಥವಾ “ಮೂಕನಾಗಿರದೆ.”
^ ಅಥವಾ “ತಮ್ಮ ತಲೆಯನ್ನ ಎತ್ತಿದ್ದಾರೆ.”
^ ಅಕ್ಷ. “ನೀನು ಬಚ್ಚಿಟ್ಟಿರೋ.”
^ ಅಥವಾ “ಮೈತ್ರಿ.”
^ ಅಕ್ಷ. “ಭುಜವಾಗಿದ್ದಾರೆ.”
^ ಅಥವಾ “ನಾಯಕರಿಗೂ.”
^ ಅಕ್ಷ. “ತುಂಬಿಸು.”
