ಕೀರ್ತನೆ 96:1-13
96 ಯೆಹೋವನಿಗೆ ಹೊಸ ಹಾಡನ್ನ ಹಾಡಿ!+
ಭೂಮಿಯಲ್ಲಿ ಇರೋ ಜನ್ರೇ ಯೆಹೋವನಿಗೆ ಗೀತೆಯನ್ನ ಹಾಡಿ!+
2 ಯೆಹೋವನಿಗೆ ಹಾಡಿ, ಆತನ ಹೆಸ್ರನ್ನ ಸ್ತುತಿಸಿ.
ಆತನ ರಕ್ಷಣೆಯ ಕೆಲಸಗಳ ಬಗ್ಗೆ ಪ್ರತಿದಿನ ಸಿಹಿಸುದ್ದಿ ಸಾರಿ!+
3 ಜನಾಂಗಗಳ ಮಧ್ಯ ಆತನ ಗೌರವದ ಬಗ್ಗೆ,ಆತನ ಅದ್ಭುತಗಳ ಬಗ್ಗೆ ಘೋಷಿಸಿ.+
4 ಯೆಹೋವ ದೊಡ್ಡವನು, ಆತನು ಬೇರೆ ಎಲ್ರಿಗಿಂತ ಹೊಗಳಿಕೆಗೆ ಯೋಗ್ಯ.
ಬೇರೆಲ್ಲ ದೇವರುಗಳಿಗಿಂತ ಆತನು ವಿಸ್ಮಯ.
5 ಜನಾಂಗಗಳ ದೇವರುಗಳಿಂದ ಯಾವ ಪ್ರಯೋಜನನೂ ಇಲ್ಲ,+ಆದ್ರೆ ಯೆಹೋವನೇ ಆಕಾಶ ಮಾಡಿದ.+
6 ಆತನ ಸಾನಿಧ್ಯದಲ್ಲಿ ಘನತೆ* ಮತ್ತು ವೈಭವ ಇದೆ,+ಆತನ ಆರಾಧನಾ ಸ್ಥಳದಲ್ಲಿ ಶಕ್ತಿ ಮತ್ತು ಸೌಂದರ್ಯ ಇದೆ.+
7 ಜನಾಂಗಗಳ ಜನ್ರೇ ಯೆಹೋವನಿಗೆ ಕೊಡಬೇಕಾಗಿ ಇರೋದನ್ನ ಕೊಡಿ,ಯೆಹೋವನ ಮಹಿಮೆ ಮತ್ತು ಬಲಕ್ಕಾಗಿ ಆತನಿಗೆ ಸಲ್ಲಿಸಬೇಕಾಗಿ ಇರೋದನ್ನ ಸಲ್ಲಿಸಿ.+
8 ಯೆಹೋವನ ಹೆಸ್ರಿಗೆ ಕೊಡಬೇಕಾದ ಗೌರವವನ್ನ ಕೊಡಿ,+ಉಡುಗೊರೆಗಳನ್ನ ತಗೊಂಡು ಆತನ ಅಂಗಳಕ್ಕೆ ಬನ್ನಿ.
9 ಪವಿತ್ರವಾದ ಬಟ್ಟೆಗಳನ್ನ ಹಾಕೊಂಡು ಯೆಹೋವನಿಗೆ ಬಗ್ಗಿ ನಮಸ್ಕಾರ ಮಾಡಿ.
ಭೂನಿವಾಸಿಗಳೇ, ಆತನ ಮುಂದೆ ಗಡಗಡ ಅಂತ ನಡುಗಿ!
10 “ಯೆಹೋವ ರಾಜನಾಗಿದ್ದಾನೆ” ಅಂತ ಎಲ್ಲ ಜನ್ರಿಗೆ ಸಾರಿಹೇಳಿ.+
ಆತನು ಭೂಮಿಯನ್ನ* ಅಲುಗಾಡದ ಹಾಗೆ ಸ್ಥಾಪಿಸಿದ್ದಾನೆ. ಅದನ್ನ ಕದಲಿಸೋಕೆ* ಆಗಲ್ಲ.
ಆತನು ಜನ್ರಿಗೆ ನ್ಯಾಯವಾಗಿ ತೀರ್ಪು ಮಾಡ್ತಾನೆ.+
11 ಗಗನ ಹರ್ಷಿಸಲಿ, ಭೂಮಿ ಆನಂದಿಸಲಿ,ಸಮುದ್ರ ಮತ್ತು ಅದ್ರಲ್ಲಿರೋ ಎಲ್ಲವೂ ಜೈಕಾರ ಹಾಕಲಿ,+
12 ಬಯಲುಗಳು ಮತ್ತು ಅದ್ರಲ್ಲಿರೋ ಎಲ್ಲವೂ ಖುಷಿಪಡಲಿ.+
ಅದ್ರ ಜೊತೆ ಕಾಡಲ್ಲಿರೋ ಎಲ್ಲ ಮರಗಳು ಸಂತೋಷದಿಂದ ಕೂಗಾಡಲಿ,+
13 ಅವು ಯೆಹೋವನ ಮುಂದೆ ಸಂತೋಷದಿಂದ ಜೈಕಾರ ಹಾಕಲಿ, ಯಾಕಂದ್ರೆ ಆತನು ಬರ್ತಿದ್ದಾನೆ,*ಆತನು ಭೂಮಿಗೆ ನ್ಯಾಯತೀರಿಸೋಕೆ ಬರ್ತಿದ್ದಾನೆ.
ಆತನು ನೀತಿಯಿಂದ ಇಡೀ ಭೂಮಿಗೆ ನ್ಯಾಯತೀರಿಸ್ತಾನೆ+ನಂಬಿಗಸ್ತಿಕೆಯಿಂದ ಎಲ್ಲ ಜನಾಂಗಗಳಿಗೆ ನ್ಯಾಯತೀರಿಸ್ತಾನೆ.+
ಪಾದಟಿಪ್ಪಣಿ
^ ಅಥವಾ “ಗೌರವ.”
^ ಅಥವಾ “ಫಲವತ್ತಾದ ನೆಲವನ್ನ.”
^ ಅಥವಾ “ಅಲ್ಲಾಡಿಸೋಕೆ, ಅದುರಿಸೋಕೆ.”
^ ಅಥವಾ “ಬಂದಿದ್ದಾನೆ.”
