ಚೆಫನ್ಯ 1:1-18
1 ಆಮೋನನ+ ಮಗ ಯೋಷೀಯ+ ಯೆಹೂದವನ್ನ ಆಳ್ತಿದ್ದಾಗ ಯೆಹೋವನ ಸಂದೇಶ ಚೆಫನ್ಯನಿಗೆ* ಸಿಕ್ತು. ಚೆಫನ್ಯ ಕೂಷಿಯ ಮಗ. ಕೂಷಿ ಗೆದಲ್ಯನ ಮಗ. ಗೆದಲ್ಯ ಅಮರ್ಯನ ಮಗ. ಅಮರ್ಯ ಹಿಜ್ಕೀಯನ ಮಗ. ಚೆಫನ್ಯನಿಗೆ ಸಿಕ್ಕ ಸಂದೇಶ ಹೀಗಿತ್ತು:
2 “ನಾನು ಭೂಮಿ ಮೇಲಿರೋ ಎಲ್ಲವನ್ನೂ ಪೂರ್ತಿ ಅಳಿಸಿಹಾಕ್ತೀನಿ” ಅಂತ ಯೆಹೋವ ಕೂಗಿ ಹೇಳ್ತಿದ್ದಾನೆ.+
3 “ನಾನು ಮನುಷ್ಯರನ್ನ, ಪ್ರಾಣಿಗಳನ್ನ ಅಳಿಸಿಹಾಕ್ತೀನಿ.
ಪಕ್ಷಿಗಳನ್ನ, ಮೀನುಗಳನ್ನ ನಾಶ ಮಾಡ್ತೀನಿ,+ಕೆಟ್ಟವ್ರ ಜೊತೆ ಪಾಪಕ್ಕೆ ನಡೆಸೋ ಬಲೆಗಳನ್ನೂ*+ ಅಳಿಸಿಹಾಕ್ತೀನಿ.
ಮನುಷ್ಯರನ್ನೆಲ್ಲ ಭೂಮಿ ಮೇಲಿಂದ ಅಳಿಸಿಹಾಕ್ತೀನಿ” ಅಂತ ಯೆಹೋವ ಹೇಳ್ತಿದ್ದಾನೆ.
4 “ನಾನು ನನ್ನ ಕೈಯನ್ನ ಯೆಹೂದದ ವಿರುದ್ಧವಾಗಿ,ಯೆರೂಸಲೇಮಿನ ಎಲ್ಲ ಜನ್ರ ವಿರುದ್ಧವಾಗಿ ಎತ್ತುತ್ತೀನಿ.
ಈ ಜಾಗದಲ್ಲಿ ಬಾಳನ ಸುಳಿವೇ ಸಿಗದ ಹಾಗೆ ಮಾಡ್ತೀನಿ.+
ಪುರೋಹಿತರ ಜೊತೆ ಸುಳ್ಳುದೇವರುಗಳ ಪೂಜಾರಿಗಳನ್ನೂ ನಾಶ ಮಾಡ್ತೀನಿ.+
5 ಮನೆಗಳ ಮಾಳಿಗೆ ಮೇಲೆ ಆಕಾಶದ ಸೈನ್ಯಕ್ಕೆ ನಮಸ್ಕಾರ ಮಾಡುವವ್ರನ್ನ,+ಒಂದುಕಡೆ ಯೆಹೋವನನ್ನ ಆರಾಧಿಸ್ತಾ ಆತನಿಗೆ ನಿಷ್ಠೆ ತೋರಿಸ್ತೀವಿ ಅಂತ ಮಾತುಕೊಟ್ಟು,+ಇನ್ನೊಂದು ಕಡೆ ಮಲ್ಕಾಮನಿಗೂ ನಿಷ್ಠೆ ತೋರಿಸ್ತೀವಿ ಅಂತ ಆಣೆ ಮಾಡುವವ್ರನ್ನ+ ಅಳಿಸಿಹಾಕ್ತೀನಿ.
6 ಯೆಹೋವನನ್ನ ಬಿಟ್ಟುಬಿಟ್ಟವ್ರನ್ನ,+ಯೆಹೋವನಿಗಾಗಿ ಹುಡುಕದವ್ರನ್ನ, ಆತನ ನಿರ್ದೇಶನಗಳನ್ನ ಕೇಳಿ ತಿಳ್ಕೊಳ್ಳದ ಜನ್ರನ್ನ ಅಳಿಸಿಹಾಕ್ತೀನಿ.”+
7 ವಿಶ್ವದ ರಾಜ ಯೆಹೋವನ ಮುಂದೆ ಮೌನವಾಗಿರಿ, ಯಾಕಂದ್ರೆ ಯೆಹೋವನ ದಿನ ಹತ್ರ ಇದೆ.+
ಯೆಹೋವ ಒಂದು ಬಲಿಯನ್ನ ಸಿದ್ಧಮಾಡಿದ್ದಾನೆ, ಯಾರನ್ನ ಕರೆದಿದ್ದಾನೋ ಅವ್ರನ್ನೆಲ್ಲ ಆತನು ಪವಿತ್ರ ಮಾಡಿದ್ದಾನೆ.
8 “ಯೆಹೋವನಾಗಿರೋ ನಾನು ಬಲಿ ಕೊಡೋ ದಿನದಲ್ಲಿ ಅಧಿಕಾರಿಗಳಿಂದ ಲೆಕ್ಕ ಕೇಳ್ತೀನಿ,ರಾಜನ ಮಕ್ಕಳಿಂದ,+ ವಿದೇಶಿ ಬಟ್ಟೆಗಳನ್ನ ಹಾಕೊಂಡಿರೋ ಎಲ್ರಿಂದ ಲೆಕ್ಕ ಕೇಳ್ತೀನಿ.
9 ಆ ದಿನ ಯಾರು ವೇದಿಕೆ* ಮೇಲೆ ಹತ್ತುತ್ತಾರೋ ಅವ್ರೆಲ್ಲರಿಂದ ಲೆಕ್ಕ ಕೇಳ್ತೀನಿ.
ತಮ್ಮ ಯಜಮಾನನ ಮನೆಯನ್ನ ಹಿಂಸೆ, ಮೋಸದಿಂದ ತುಂಬಿಸಿ ಬಿಟ್ಟವನಿಂದ ಲೆಕ್ಕ ಕೇಳ್ತೀನಿ.”
10 ಯೆಹೋವ ಹೀಗೆ ಹೇಳಿದ್ದಾನೆ: “ಆ ದಿನ,ಮೀನುಬಾಗಿಲಿನ ಹತ್ರ ಕೂಗು ಕೇಳಿಸುತ್ತೆ,+ಪಟ್ಟಣದ ಎರಡ್ನೇ ಭಾಗದಿಂದ ಗೋಳಾಟ,+ಬೆಟ್ಟಗಳಿಂದ ಧಡಂ ಧಡಂ ಅನ್ನೋ ಶಬ್ದ ಕೇಳಿಸುತ್ತೆ.
11 ಮಕ್ತೇಶಿನ* ಜನ್ರೇ, ಗೋಳಾಡಿ.
ಯಾಕಂದ್ರೆ, ವ್ಯಾಪಾರಿಗಳು ಬಿದ್ದುಹೋಗಿದ್ದಾರೆ.*
ಬೆಳ್ಳಿಯನ್ನ ತೂಕಮಾಡಿ ಕೊಡುವವ್ರೆಲ್ಲ ನಾಶ ಆಗಿದ್ದಾರೆ.
12 ಆಗ ನಾನು ದೀಪಗಳನ್ನ ಹಿಡ್ಕೊಂಡು ಯೆರೂಸಲೇಮನ್ನ ಚೆನ್ನಾಗಿ ಹುಡುಕ್ತೀನಿ.
‘ಯೆಹೋವ ಒಳ್ಳೇದೂ ಮಾಡಲ್ಲ, ಕೆಟ್ಟದೂ ಮಾಡಲ್ಲ’ ಅಂತ ಮನಸ್ಸಲ್ಲೇ ಅಂದ್ಕೊಂಡು,ಯಾವುದ್ರ ಬಗ್ಗೆನೂ ಚಿಂತೆ ಮಾಡದ ಜನ್ರಿಂದ* ಲೆಕ್ಕ ಕೇಳ್ತೀನಿ.+
13 ಅವ್ರ ಆಸ್ತಿ ಲೂಟಿ ಆಗುತ್ತೆ, ಅವ್ರ ಮನೆಗಳು ನಾಶವಾಗುತ್ತೆ.+
ಅವರು ಮನೆಗಳನ್ನ ಕಟ್ಕೊಳ್ತಾರೆ, ಆದ್ರೆ ಅದ್ರಲ್ಲಿ ವಾಸ ಮಾಡಲ್ಲ,ಅವರು ದ್ರಾಕ್ಷಿತೋಟಗಳನ್ನ ಮಾಡ್ಕೊಳ್ತಾರೆ, ಆದ್ರೆ ಅದ್ರ ದ್ರಾಕ್ಷಾಮದ್ಯ ಕುಡಿಯಲ್ಲ.+
14 ಯೆಹೋವನ ಮಹಾ ದಿನ ಹತ್ರ ಇದೆ!+
ಅದು ತುಂಬ ಹತ್ರ ಇದೆ, ಬೇಗ ಬರ್ತಿದೆ!+
ಯೆಹೋವನ ದಿನದ ಶಬ್ದ ಭಯಂಕರವಾಗಿರುತ್ತೆ.+
ಆ ದಿನ ಒಬ್ಬ ವೀರ ಸೈನಿಕ ಗೋಳಾಡ್ತಾನೆ.+
15 ಅದು ಉಗ್ರಕೋಪದ ದಿನ,+ಅದು ನೋವಿನ ದಿನ, ದುಃಖದ ದಿನ,+ಅದು ಬಿರುಗಾಳಿಯ ದಿನ, ನಾಶದ ದಿನ,ಅದು ಕತ್ತಲೆಯ ದಿನ, ಮೊಬ್ಬಿನ ದಿನ,+ಅದು ಕಾರ್ಮೋಡಗಳ ದಿನ, ಕಗ್ಗತ್ತಲ ದಿನ.+
16 ಭದ್ರಕೋಟೆಗಳಿರೋ ಪಟ್ಟಣಗಳ ವಿರುದ್ಧ, ಮೂಲೆಯಲ್ಲಿರೋ ಎತ್ತರವಾದ ಗೋಪುರಗಳ ವಿರುದ್ಧ,+ಕೊಂಬಿನ ಶಬ್ದ ಮತ್ತು ಯುದ್ಧದ ಕೂಗು ಕೇಳಿಸೋ ದಿನ.+
17 ನಾನು ಎಲ್ರ ಮೇಲೆ ನಾಶ ತರ್ತಿನಿ,ಅವರು ಕುರುಡರ ಹಾಗೆ ನಡಿತಾರೆ,+ಯಾಕಂದ್ರೆ ಅವರು ಯೆಹೋವನ ವಿರುದ್ಧ ಪಾಪ ಮಾಡಿದ್ದಾರೆ.+
ಅವ್ರ ರಕ್ತ ಧೂಳಿನ ಹಾಗೆಅವ್ರ ಮಾಂಸ* ಗೊಬ್ಬರದ ಹಾಗೆ ಬಿದ್ದಿರುತ್ತೆ.+
18 ಯೆಹೋವನ ಉಗ್ರಕೋಪದ ದಿನ ಅವ್ರನ್ನ ಅವ್ರ ಬೆಳ್ಳಿಬಂಗಾರ ಕಾಪಾಡಲ್ಲ,+ಯಾಕಂದ್ರೆ ಆತನ ಕೋಪದ ಬೆಂಕಿ ಇಡೀ ಭೂಮಿಯನ್ನ ಸುಟ್ಟುಬಿಡುತ್ತೆ,+ಆತನು ಭೂಮಿ ಮೇಲಿರೋ ಜನ್ರನ್ನೆಲ್ಲ ಪೂರ್ತಿ ನಾಶ ಮಾಡ್ತಾನೆ. ಆ ನಾಶ ಭಯಂಕರ ಆಗಿರುತ್ತೆ.”+
ಪಾದಟಿಪ್ಪಣಿ
^ ಅರ್ಥ “ಯೆಹೋವ ಬಚ್ಚಿಟ್ಟಿದ್ದಾನೆ.”
^ ಇಲ್ಲಿ ಮೂರ್ತಿ ಆರಾಧನೆಗೆ ಸಂಬಂಧಪಟ್ಟ ವಸ್ತುಗಳ ಬಗ್ಗೆ ಹೇಳಲಾಗಿದೆ.
^ ಅಥವಾ “ಹೊಸ್ತಿಲು.” ಬಹುಶಃ ರಾಜನ ಸಿಂಹಾಸನದ ವೇದಿಕೆ ಆಗಿರಬಹುದು.
^ ಅಕ್ಷ. “ಮೂಕರಾಗಿದ್ದಾರೆ.”
^ ಇದು ಮೀನು ಬಾಗಿಲಿನ ಹತ್ರ ಇರೋ ಯೆರೂಸಲೇಮಿನ ಒಂದು ಭಾಗ ಆಗಿರಬಹುದು.
^ ಅಕ್ಷ. “ದ್ರಾಕ್ಷಾಮದ್ಯದ ತೊಟ್ಟಿಯ ತಳದಲ್ಲಿ ಮಡ್ಡಿ ತರ ಇರೋ ಜನ್ರಿಂದ.”
^ ಅಕ್ಷ. “ಕರುಳು.”
