ಜೆಕರ್ಯ 5:1-11
5 ನಾನು ಮತ್ತೆ ಮೇಲೆ ನೋಡಿದಾಗ ಹಾರ್ತಿರೋ ಸುರುಳಿ ಕಾಣಿಸ್ತು.
2 ಅವನು “ನಿನಗೆ ಏನು ಕಾಣಿಸ್ತಿದೆ?” ಅಂತ ಕೇಳಿದ.
ಅದಕ್ಕೆ ನಾನು “ಹಾರ್ತಿರೋ ಒಂದು ಸುರುಳಿ ಕಾಣ್ತಿದೆ. ಅದು 20 ಮೊಳ* ಉದ್ದ, 10 ಮೊಳ ಅಗಲ ಇದೆ” ಅಂದೆ.
3 ಆಮೇಲೆ ಅವನು ನನಗೆ ಹೀಗಂದ: “ಇದು ಇಡೀ ಭೂಮಿ ಮೇಲೆ ಬರೋ ಶಾಪ. ಯಾಕಂದ್ರೆ ಆ ಸುರುಳಿಯ ಒಂದು ಕಡೆ ಬರೆದಿರೋ ಪ್ರಕಾರ ಕಳ್ಳತನ ಮಾಡಿರುವವ್ರಿಗೆಲ್ಲ+ ಶಿಕ್ಷೆ ಆಗಿಲ್ಲ. ಆ ಸುರುಳಿಯ ಇನ್ನೊಂದು ಕಡೆ ಬರೆದಿರೋ ಪ್ರಕಾರ ಸುಳ್ಳು ಆಣೆ ಮಾಡಿದವ್ರಿಗೆಲ್ಲ+ ಶಿಕ್ಷೆ ಆಗಿಲ್ಲ.
4 ‘ಅದನ್ನ ಕಳಿಸಿದವನು ನಾನೇ. ಅದು ಕಳ್ಳನ ಮನೆಯೊಳಗೆ ಮತ್ತು ನನ್ನ ಹೆಸ್ರಲ್ಲಿ ಸುಳ್ಳು ಆಣೆ ಮಾಡಿದವನ ಮನೆಯೊಳಗೆ ಹೋಗಿ ಆ ಮನೆಯಲ್ಲೇ ಇದ್ದು ಅದನ್ನ, ಅದ್ರ ತೊಲೆಗಳನ್ನ, ಕಲ್ಲುಗಳನ್ನ ನುಂಗಿಹಾಕುತ್ತೆ’ ಅಂತ ಸೈನ್ಯಗಳ ದೇವರಾದ ಯೆಹೋವ ಹೇಳ್ತಿದ್ದಾನೆ.”
5 ಆಮೇಲೆ ನನ್ನ ಜೊತೆ ಮಾತಾಡ್ತಿದ್ದ ದೇವದೂತ ಮುಂದೆ ಬಂದು “ದಯವಿಟ್ಟು ನಿನ್ನ ತಲೆಯನ್ನ ಮೇಲೆತ್ತು ಮತ್ತು ಏನು ಹೋಗ್ತಿದೆ ಅಂತ ನೋಡು” ಅಂದ.
6 ಆಗ ನಾನು “ಏನದು?” ಅಂತ ಕೇಳಿದೆ.
ಅದಕ್ಕೆ ಅವನು “ಅಲ್ಲಿ ಹೋಗ್ತಿರೋದು ಧಾನ್ಯವನ್ನ ಅಳೆಯೋ ಒಂದು ಪಾತ್ರೆ”* ಅಂದ. ಅಷ್ಟೇ ಅಲ್ಲ “ಇದು ಇಡೀ ಭೂಮಿಯಲ್ಲಿರೋ ಕೆಟ್ಟ ಜನ್ರ ರೂಪವಾಗಿದೆ” ಅಂತನೂ ಹೇಳಿದ.
7 ಆಮೇಲೆ ಆ ಪಾತ್ರೆಗಿದ್ದ ವೃತ್ತಾಕಾರದ ಸೀಸದ ಮುಚ್ಚಳ ತೆಗೆದಾಗ ಅದ್ರೊಳಗೆ ಒಬ್ಬ ಸ್ತ್ರೀ ಕೂತಿರೋದನ್ನ ನಾನು ನೋಡಿದೆ.
8 ಆಮೇಲೆ ಅವನು “ಈ ಸ್ತ್ರೀ ಕೆಟ್ಟತನವನ್ನ ಸೂಚಿಸ್ತಾಳೆ” ಅಂತ ಹೇಳಿ ಅವಳನ್ನ ಮತ್ತೆ ಅದೇ ಪಾತ್ರೆಗೆ ಎಸೆದ. ಆಮೇಲೆ ಭಾರವಾದ ಸೀಸದ ಮುಚ್ಚಳದಿಂದ ಆ ಪಾತ್ರೆಯ ಬಾಯಿ ಮುಚ್ಚಿದ.
9 ನಾನು ತಲೆಯೆತ್ತಿ ನೋಡಿದಾಗ ಇಬ್ಬರು ಸ್ತ್ರೀಯರು ಗಾಳಿಯಲ್ಲಿ ತೇಲುತ್ತಾ ಮುಂದೆ ಬರೋದನ್ನ ನೋಡಿದೆ. ಅವ್ರಿಗೆ ಕೊಕ್ಕರೆಗೆ ಇರೋ ತರ ರೆಕ್ಕೆಗಳಿದ್ದವು. ಅಳೆಯೋ ಆ ಪಾತ್ರೆಯನ್ನ ಅವರು ಭೂಮಿ ಮತ್ತು ಆಕಾಶದ ಮಧ್ಯ ತಗೊಂಡು ಹೋದ್ರು.
10 ಆಗ ನಾನು ನನ್ನ ಜೊತೆ ಮಾತಾಡ್ತಿದ್ದ ಆ ದೇವದೂತನಿಗೆ “ಅವರು ಆ ಪಾತ್ರೆಯನ್ನ ಎಲ್ಲಿಗೆ ತಗೊಂಡು ಹೋಗ್ತಿದ್ದಾರೆ?” ಅಂತ ಕೇಳಿದೆ.
11 ಅದಕ್ಕೆ ಅವನು “ಅದನ್ನ ಅವರು ಶಿನಾರ್‌+ ದೇಶಕ್ಕೆ* ತಗೊಂಡು ಹೋಗ್ತಿದ್ದಾರೆ. ಅಲ್ಲಿ ಅವರು ಅವಳಿಗಾಗಿ ಒಂದು ಮನೆ ಕಟ್ತಾರೆ. ಅದು ಸಿದ್ಧವಾದ ಮೇಲೆ ಅವಳು ಇರಬೇಕಾದ ಜಾಗದಲ್ಲಿ ಅವಳನ್ನ ಇಡಲಾಗುತ್ತೆ” ಅಂದ.
ಪಾದಟಿಪ್ಪಣಿ
^ ಒಂದು ಮೊಳ ಅಂದ್ರೆ 44.5 ಸೆಂ.ಮೀ. (17.5 ಇಂಚು) ಪರಿಶಿಷ್ಟ ಬಿ14 ನೋಡಿ.
^ ಅಕ್ಷ. “ಏಫಾ ಪಾತ್ರೆ.” ಒಂದು ಏಫಾವನ್ನ ಅಳೆಯೋಕೆ ಬಳಸೋ ಒಂದು ಪಾತ್ರೆಯನ್ನೋ ಅಥವಾ ಒಂದು ಬುಟ್ಟಿಯನ್ನೋ ಇಲ್ಲಿ ಸೂಚಿಸಲಾಗಿದೆ. ಒಂದು ಏಫಾ ಸುಮಾರು 22ಲೀ. ಪರಿಶಿಷ್ಟ ಬಿ14 ನೋಡಿ.
^ ಅದು, ಬ್ಯಾಬಿಲೋನಿಯ.
