ಜೆಕರ್ಯ 7:1-14
7 ರಾಜ ದಾರ್ಯಾವೆಷನ ಆಳ್ವಿಕೆಯ ನಾಲ್ಕನೇ ವರ್ಷದ ಒಂಬತ್ತನೇ ತಿಂಗಳಿನ ಅಂದ್ರೆ ಕಿಸ್ಲೇವ್‌* ತಿಂಗಳಿನ ನಾಲ್ಕನೇ ದಿನ ಜೆಕರ್ಯನಿಗೆ+ ಯೆಹೋವನ ಸಂದೇಶ ಸಿಕ್ತು.
2 ಯೆಹೋವನ ದಯೆಗಾಗಿ ಬೇಡ್ಕೊಳ್ಳೋಕೆ ಬೆತೆಲಿನ ಜನ ಸರೆಚೆರನನ್ನ, ರೆಗೆಮ್‌-ಮೆಲೆಕನನ್ನ ಮತ್ತು ಅವನ ಗಂಡಸ್ರನ್ನ ಕಳಿಸಿದ್ರು.
3 ಅವರು ಸೈನ್ಯಗಳ ದೇವರಾದ ಯೆಹೋವನ ಆಲಯದ ಪುರೋಹಿತರಿಗೆ ಮತ್ತು ಪ್ರವಾದಿಗಳಿಗೆ “ಎಷ್ಟೋ ವರ್ಷಗಳಿಂದ ಮಾಡ್ತಾ ಬಂದ ಹಾಗೆ ಈ ವರ್ಷನೂ ಐದನೇ ತಿಂಗಳಲ್ಲಿ+ ಉಪವಾಸ ಮಾಡಿ ಅಳಬೇಕಾ?” ಅಂತ ಕೇಳಿದ್ರು.
4 ಸೈನ್ಯಗಳ ದೇವರಾದ ಯೆಹೋವನ ಸಂದೇಶ ಇನ್ನೊಂದು ಸಲ ನನಗೆ ಸಿಕ್ತು. ಅದು ಹೀಗಿತ್ತು:
5 “ದೇಶದ ಎಲ್ಲ ಜನ್ರಿಗೆ, ಪುರೋಹಿತರಿಗೆ ಹೀಗೆ ಕೇಳು: ‘ನೀವು ಐದನೇ ತಿಂಗಳಲ್ಲಿ ಮತ್ತು ಏಳನೇ ತಿಂಗಳಲ್ಲಿ+ 70 ವರ್ಷ+ ತನಕ ಉಪವಾಸ ಮಾಡ್ತಾ ಗೋಳಾಡಿದ್ದೀರ. ಅದನ್ನ ನೀವು ನಿಜವಾಗ್ಲೂ ನನಗಾಗೇ ಮಾಡಿದ್ರಾ?
6 ತಿಂದಾಗ ಕುಡಿದಾಗ ನೀವು ನಿಮಗಾಗೇ ತಿಂದು ಕುಡಿದ್ರಲ್ವಾ?
7 ಯೆರೂಸಲೇಮ್‌ ಮತ್ತು ಅದ್ರ ಸುತ್ತಮುತ್ತ ಪಟ್ಟಣಗಳಲ್ಲಿ ಇದ್ದ ಜನ ನೆಮ್ಮದಿಯಿಂದ ಇದ್ದಾಗ, ನೆಗೆಬ್‌ ಮತ್ತು ಷೆಫೆಲಾದಲ್ಲಿ ಜನ ತುಂಬ್ಕೊಂಡಿದ್ದಾಗ ಯೆಹೋವ ಆ ಕಾಲದ ಪ್ರವಾದಿಗಳ ಮೂಲಕ ಹೇಳಿದ ಮಾತುಗಳಿಗೆ ನೀವು ವಿಧೇಯತೆ ತೋರಿಸಬೇಕಿತ್ತಲ್ವಾ?’”+
8 ಮತ್ತೊಮ್ಮೆ ಯೆಹೋವನ ಸಂದೇಶ ಜೆಕರ್ಯನಿಗೆ ಸಿಕ್ತು. ಅದೇನಂದ್ರೆ:
9 “ಸೈನ್ಯಗಳ ದೇವರಾದ ಯೆಹೋವ ಹೀಗೆ ಹೇಳ್ತಿದ್ದಾನೆ: ‘ತೀರ್ಪು ಕೊಡುವಾಗ ನ್ಯಾಯದ ಪಕ್ಷದಲ್ಲಿ ನಿಂತ್ಕೊಳ್ಳಿ.+ ಒಬ್ರಿಗೊಬ್ರು ಶಾಶ್ವತ ಪ್ರೀತಿ,+ ಕರುಣೆ ತೋರಿಸಿ.
10 ವಿಧವೆಯರಿಗೆ, ಅನಾಥರಿಗೆ,*+ ವಿದೇಶಿಯರಿಗೆ+ ಅಥವಾ ಬಡವ್ರಿಗೆ+ ಮೋಸ ಮಾಡಬೇಡಿ. ಬೇರೆಯವ್ರಿಗೆ ಕೆಟ್ಟದು ಮಾಡೋ ಯೋಚ್ನೆ ನಿಮ್ಮ ಮನಸ್ಸಲ್ಲೂ* ಬರದಿರಲಿ.’+
11 ಆದ್ರೆ ಅವರು ಯಾವತ್ತೂ ಆ ಮಾತುಗಳನ್ನ ಕಿವಿಗೆ ಹಾಕೊಳ್ಳಲಿಲ್ಲ.+ ಅವರು ಮೊಂಡರಾದ್ರು.+ ಆ ಮಾತುಗಳನ್ನ ಕೇಳಬಾರದು ಅಂತ ತಮ್ಮ ಕಿವಿಗಳನ್ನ ಮುಚ್ಕೊಂಡ್ರು.+
12 ತಮ್ಮ ಹೃದಯವನ್ನ ವಜ್ರದ ತರ ಕಠಿಣ* ಮಾಡ್ಕೊಂಡ್ರು.+ ಸೈನ್ಯಗಳ ದೇವರಾದ ಯೆಹೋವ ತನ್ನ ಪವಿತ್ರಶಕ್ತಿ ಮೂಲಕ ಆಗಿನ ಪ್ರವಾದಿಗಳಿಂದ ಹೇಳಿಸಿದ ಮಾತುಗಳಿಗೆ ಮತ್ತು ಕೊಟ್ಟ ನಿಯಮಗಳನ್ನ* ಪಾಲಿಸಲಿಲ್ಲ.+ ಹಾಗಾಗಿ ಸೈನ್ಯಗಳ ದೇವರಾದ ಯೆಹೋವನಿಗೆ ಅವ್ರ ಮೇಲೆ ಕೋಪ ಬಂತು.”+
13 “ಸೈನ್ಯಗಳ ದೇವರಾದ ಯೆಹೋವ ಹೀಗೆ ಹೇಳ್ತಿದ್ದಾನೆ: ‘ನಾನು* ಕರೆದಾಗ ಅವರು ಹೇಗೆ ಕೇಳಿಸ್ಕೊಳ್ಳಲಿಲ್ವೋ+ ಹಾಗೇ ಅವರು ಕರೆಯೋವಾಗ್ಲೂ ನಾನು ಕೇಳಿಸ್ಕೊಳ್ಳಲ್ಲ.+
14 ಬಿರುಗಾಳಿ ಬೀಸೋ ತರ ಮಾಡಿ ನಾನು ಅವ್ರನ್ನ ಗೊತ್ತುಗುರಿ ಇಲ್ಲದ ದೇಶಗಳಿಗೆ ಚದರಿಸಿಬಿಡ್ತೀನಿ.+ ಅವರು ಹೋದ್ಮೇಲೆ ಅವ್ರ ದೇಶ ಹಾಳು ಬೀಳುತ್ತೆ. ಯಾರೂ ಅದನ್ನ ಹಾದು ಹೋಗಲ್ಲ, ಯಾರೂ ಅಲ್ಲಿಗೆ ವಾಪಸ್‌ ಬರೋದೂ ಇಲ್ಲ.+ ಯಾಕಂದ್ರೆ ಅವರು ಸುಂದರವಾದ ಆ ದೇಶವನ್ನ ಭಯಹುಟ್ಟಿಸೋ ಸ್ಥಳವಾಗಿ ಬದಲಾಯಿಸಿದ್ದಾರೆ.’”
ಪಾದಟಿಪ್ಪಣಿ
^ ಪರಿಶಿಷ್ಟ ಬಿ15 ನೋಡಿ.
^ ಅಕ್ಷ. “ಹೃದಯದಲ್ಲಿ.”
^ ಅಥವಾ “ತಂದೆಯಿಲ್ಲದ ಮಕ್ಕಳಿಗೆ.”
^ ಬಹುಶಃ, “ಗಟ್ಟಿಯಾದ ಕಲ್ಲು.”
^ ಅಥವಾ “ನಿರ್ದೇಶನಗಳನ್ನ.”
^ ಅಕ್ಷ. “ಆತನು.”
