ಜ್ಞಾನೋಕ್ತಿ 24:1-34
24 ಕೆಟ್ಟವ್ರನ್ನ ನೋಡಿ ಹೊಟ್ಟೆಕಿಚ್ಚು ಪಡಬೇಡ,ಅಂಥವ್ರ ಸಹವಾಸ ಮಾಡಬೇಡ.+
2 ಯಾಕಂದ್ರೆ ಅವ್ರ ಹೃದಯ ಯಾರಿಗೆ ಹಿಂಸೆ ಕೊಡೋದು ಅಂತಾನೇ ಯೋಚ್ನೆ ಮಾಡುತ್ತೆ,ಅವ್ರ ತುಟಿಗಳು ಇನ್ನೊಬ್ರಿಗೆ ತೊಂದ್ರೆ ಕೊಡೋದ್ರ ಬಗ್ಗೆನೇ ಮಾತಾಡುತ್ತೆ.
3 ವಿವೇಕದಿಂದ ಮನೆ* ಕಟ್ಟಬಹುದು,+ವಿವೇಚನಾ ಶಕ್ತಿಯಿಂದ ಅದನ್ನ ಗಟ್ಟಿಯಾಗಿ ಕಟ್ಟಬಹುದು.
4 ಅದ್ರ ಕೋಣೆಗಳಲ್ಲಿ ಜ್ಞಾನವನ್ನ,ಬೆಲೆಬಾಳೋ ಎಲ್ಲ ವಸ್ತುಗಳನ್ನ, ಇಷ್ಟವಾದ ಸಂಪತ್ತನ್ನ ತುಂಬಿಸಬಹುದು.+
5 ವಿವೇಕ ಇರೋ ವ್ಯಕ್ತಿ ಬಲಶಾಲಿ ಆಗ್ತಾನೆ,+ಜ್ಞಾನದಿಂದ ಅವನು ತನ್ನ ಬಲ ಹೆಚ್ಚಿಸ್ಕೊಳ್ತಾನೆ.
6 ನಿಪುಣರ ನಿರ್ದೇಶನದಿಂದ* ಯುದ್ಧ ಮಾಡು,+ತುಂಬ ಸಲಹೆಗಾರರು ಇದ್ರೆ ನಿನಗೆ ಜಯ* ಸಿಗುತ್ತೆ.+
7 ಮೂರ್ಖನಿಗೆ ನಿಜವಾದ ವಿವೇಕ ಸಿಗಲ್ಲ,+ಪಟ್ಟಣದ ಬಾಗಿಲಲ್ಲಿ ಹೇಳೋಕೆ ಅವನ ಹತ್ರ ಏನೂ ಇರಲ್ಲ.
8 ಕೆಟ್ಟದ್ದನ್ನ ಮಾಡೋಕೆ ಸಂಚು ಮಾಡುವನನ್ನದೊಡ್ಡ ಕುತಂತ್ರಿ ಅಂತಾರೆ.+
9 ಮೂರ್ಖನ ಯೋಜನೆಗಳಲ್ಲಿ ಬರೀ ಪಾಪನೇ ಇರುತ್ತೆ,ಗೇಲಿ ಮಾಡುವವನನ್ನ ಜನ ಇಷ್ಟ ಪಡಲ್ಲ.+
10 ಕಷ್ಟ ಬಂದಾಗ ಧೈರ್ಯ ಕಳ್ಕೊಂಡ್ರೆ
ಇರೋ ಬಲನೂ ಹೋಗುತ್ತೆ.
11 ಕೊಲ್ಲೋಕೆ ಕರ್ಕೊಂಡು ಹೋಗೋರನ್ನ ಕಾಪಾಡು,ನಾಶದ ಅಂಚಲ್ಲಿರೋ ಜನ್ರನ್ನ ಬೀಳದ ಹಾಗೆ ನೋಡ್ಕೊ.+
12 “ನಮಗೆ ಇದ್ರ ಬಗ್ಗೆ ಗೊತ್ತಿರಲಿಲ್ಲ” ಅಂತ ನೀನು ಹೇಳಿದ್ರೆಹೃದಯ* ಪರಿಶೋಧಿಸೋ ದೇವರಿಗೆ ಅದು ಗೊತ್ತಾಗಲ್ವಾ?+
ಹೌದು, ನಿನ್ನನ್ನ ಗಮನಿಸೋ ದೇವರಿಗೆ ಎಲ್ಲ ಗೊತ್ತಾಗುತ್ತೆ.
ಪ್ರತಿಯೊಬ್ರೂ ಏನೇನು ಮಾಡ್ತಾರೋ ಅದಕ್ಕೆ ತಕ್ಕ ಫಲ ಕೊಡ್ತಾನೆ.+
13 ನನ್ನ ಮಗನೇ, ಜೇನು ತಿನ್ನು. ಅದು ಒಳ್ಳೇದು.
ಜೇನುಗೂಡಲ್ಲಿ ಸಿಗೋ ಜೇನು ತುಂಬ ಸಿಹಿಯಾಗಿರುತ್ತೆ.
14 ಅದೇ ತರ ವಿವೇಕನೂ ನಿನಗೆ ಒಳ್ಳೇದು.+
ಅದನ್ನ ಹುಡುಕಿದ್ರೆ ಒಳ್ಳೇ ಭವಿಷ್ಯ ಇರುತ್ತೆ,ನಿನ್ನ ನಿರೀಕ್ಷೆ ಯಾವತ್ತೂ ನೀರು ಪಾಲಾಗಲ್ಲ.+
15 ನೀತಿವಂತನ ಮನೆ ಹತ್ರ ಕೆಟ್ಟ ಉದ್ದೇಶದಿಂದ ಹೊಂಚುಹಾಕಿ ಕೂರಬೇಡ.
ಅವನ ಮನೆಯನ್ನ ಹಾಳು ಮಾಡಬೇಡ.
16 ಯಾಕಂದ್ರೆ ನೀತಿವಂತ ಏಳು ಸಲ ಬಿದ್ರೂ ಮತ್ತೆ ಏಳ್ತಾನೆ.+
ಆದ್ರೆ ಕೆಟ್ಟವನು ಕೆಟ್ಟದ್ರಿಂದಾನೇ ಎಡವಿ ಬೀಳ್ತಾನೆ, ಅವನು ಮೇಲೆ ಏಳೋದೇ ಇಲ್ಲ.+
17 ನಿನ್ನ ಶತ್ರು ಬೀಳುವಾಗ ಸಂತೋಷ ಪಡಬೇಡ,ಅವನು ಎಡವಿದಾಗ ಹೃದಯದಲ್ಲಿ ಖುಷಿ ಪಡಬೇಡ.+
18 ಹಾಗೆ ಮಾಡಿದ್ರೆ ಯೆಹೋವ ಅದನ್ನ ನೋಡ್ತಾನೆ, ಆತನಿಗೆ ಅದು ಇಷ್ಟ ಆಗಲ್ಲ.
ತನ್ನ ಕೋಪವನ್ನ ಕೂಡ ನಿನ್ನ ಶತ್ರುವಿನ ಕಡೆಯಿಂದ ತಿರುಗಿಸಿಬಿಡ್ತಾನೆ.+
19 ಕೆಡುಕರ ಮೇಲೆ ಕೋಪ ಮಾಡ್ಕೋಬೇಡ,ಕೆಟ್ಟವ್ರನ್ನ ನೋಡಿ ಹೊಟ್ಟೆಕಿಚ್ಚು ಪಡಬೇಡ.
20 ಯಾಕಂದ್ರೆ ಕೆಟ್ಟವನಿಗೆ ಒಳ್ಳೇ ಭವಿಷ್ಯ ಇರಲ್ಲ.+
ಅವನ ದೀಪ ಆರಿಹೋಗುತ್ತೆ.+
21 ನನ್ನ ಮಗನೇ, ಯೆಹೋವನಿಗೆ ಮತ್ತು ರಾಜನಿಗೆ ಭಯಪಡು.+
ದಂಗೆಕೋರರ ಜೊತೆ ಸೇರಬೇಡ.+
22 ಯಾಕಂದ್ರೆ ಅವ್ರ ಮೇಲೆ ಕಷ್ಟ ದಿಢೀರಂತ ಬರುತ್ತೆ.+
ಅವ್ರಿಬ್ರೂ* ಆ ದಂಗೆಕೋರರ ಮೇಲೆ ಯಾವ ತರ ನಾಶನ ತರ್ತಾರೆ ಅಂತ ಯಾರಿಗೆ ಗೊತ್ತು?+
23 ಬುದ್ಧಿವಂತರು ಹೇಳಿರೋ ಮಾತುಗಳು ಏನಂದ್ರೆ:
ತೀರ್ಪು ಕೊಡುವಾಗ ಭೇದಭಾವ ಮಾಡೋದು ಸರಿಯಲ್ಲ.+
24 ಕೆಟ್ಟವನಿಗೆ “ನೀನು ನೀತಿವಂತ” ಅನ್ನೋ ವ್ಯಕ್ತಿಗಳನ್ನ+ಬೇರೆ ದೇಶದ ಜನ್ರು ಶಪಿಸ್ತಾರೆ, ಅವನನ್ನ ಎಲ್ರ ಮುಂದೆನೇ ಬೈತಾರೆ.
25 ಆದ್ರೆ ಕೆಟ್ಟವನನ್ನ ಬೈಯುವವ್ರಿಗೆ ಒಳ್ಳೇದಾಗುತ್ತೆ.+
ಅವ್ರಿಗೆ ತುಂಬ ಆಶೀರ್ವಾದ ಸಿಗುತ್ತೆ.+
26 ಮುಚ್ಚುಮರೆ ಇಲ್ಲದೆ ಉತ್ತರ ಕೊಡುವವ್ರಿಗೆ ಜನ ಮುತ್ತು ಕೊಡ್ತಾರೆ.*+
27 ಮೊದ್ಲು ಹೊರಗಿನ ಕೆಲಸಗಳನ್ನ ಮಾಡಿ ಮುಗಿಸು, ಹೊಲದಲ್ಲಿರೋ ಕೆಲಸಗಳನ್ನ ತಯಾರಿ ಮಾಡ್ಕೊ,ಆಮೇಲೆ ಮನೆ* ಕಟ್ಟು.
28 ಆಧಾರ ಇಲ್ಲದೆ ಪಕ್ಕದ ಮನೆಯವನ ವಿರುದ್ಧ ಸಾಕ್ಷಿ ಹೇಳಬೇಡ.+
ಬೇರೆಯವ್ರಿಗೆ ಮೋಸ ಮಾಡೋಕೆ ಸುಳ್ಳು ಹೇಳಬೇಡ.+
29 “ಅವನು ನನಗೆ ಮಾಡಿದ ಹಾಗೇ ನಾನು ಅವನಿಗೆ ಮಾಡ್ತೀನಿ,ಅವನು ಮಾಡಿದ್ದಕ್ಕೆ ಸೇಡು ತೀರಿಸ್ತೀನಿ” ಅಂತ ಹೇಳಬೇಡ.+
30 ನಾನು ಸೋಮಾರಿಯ+ ಹೊಲವನ್ನ,ಬುದ್ಧಿ ಇಲ್ಲದವನ* ದ್ರಾಕ್ಷಿತೋಟವನ್ನ ದಾಟ್ಕೊಂಡು ಹೋದೆ.
31 ಹೊಲದಲ್ಲಿ ಸಿಕ್ಕಾಪಟ್ಟೆ ಕಳೆ ಬೆಳೆದಿರೋದನ್ನ,ಮುಳ್ಳು ಗಿಡದಿಂದ ಮುಚ್ಚಿ ಹೋಗಿರೋದನ್ನ,ಕಲ್ಲಿನ ಗೋಡೆ ಬಿದ್ದುಹೋಗಿರೋದನ್ನ ನೋಡ್ದೆ.+
32 ಇದನ್ನ ನೋಡಿ ತುಂಬ ಯೋಚ್ನೆ ಮಾಡ್ದೆ.
ಅದ್ರಿಂದ ಈ ಪಾಠ ಕಲ್ತೆ:*
33 ಇನ್ನು ಸ್ವಲ್ಪ ಹೊತ್ತು ನಿದ್ದೆ, ಇನ್ನು ಸ್ವಲ್ಪ ತೂಕಡಿಕೆ,ಕೈಮುದುರಿಕೊಂಡು ಇನ್ನು ಸ್ವಲ್ಪ ಹೊತ್ತು ಮಲಗ್ತೀನಿ ಅಂದ್ಕೊಳ್ತೀಯ,
34 ಬಡತನ ದಾರಿಗಳ್ಳನ ತರ ನಿನ್ನ ಮೇಲೆ ಬೀಳುತ್ತೆ,ಕೊರತೆ ಆಯುಧ ಹಿಡ್ಕೊಂಡು ನಿನ್ನ ಮೇಲೆ ದಾಳಿ ಮಾಡುತ್ತೆ.+
ಪಾದಟಿಪ್ಪಣಿ
^ ಅಥವಾ “ಕುಟುಂಬ.”
^ ಅಥವಾ “ವಿವೇಕದಿಂದ ಕೂಡಿರೋ ಮಾರ್ಗದರ್ಶನದಿಂದ.”
^ ಅಥವಾ “ಯಶಸ್ಸು, ರಕ್ಷಣೆ.”
^ ಅಥವಾ “ಉದ್ದೇಶಗಳನ್ನ.”
^ ಅದು, ಯೆಹೋವ ಮತ್ತು ರಾಜ.
^ ಬಹುಶಃ, “ಪ್ರಾಮಾಣಿಕವಾಗಿ ಉತ್ತರ ಕೊಡೋದು ಮುತ್ತು ಕೊಟ್ಟ ಹಾಗೆ.”
^ ಅಥವಾ “ಕುಟುಂಬ.”
^ ಅಕ್ಷ. “ಹೃದಯ ಇಲ್ಲದವನ.”
^ ಅಕ್ಷ. “ಈ ಶಿಸ್ತನ್ನ ಸ್ವೀಕರಿಸಿದೆ.”
