ಜ್ಞಾನೋಕ್ತಿ 9:1-18
9 ನಿಜ ವಿವೇಕ ತನ್ನ ಮನೆ ಕಟ್ಕೊಂಡಿದೆ,ಕೆತ್ತಿದ ಏಳು ಕಂಬಗಳ ಮೇಲೆ ಅದನ್ನ ನಿಲ್ಲಿಸಿದೆ.
2 ಅದು ಪ್ರಾಣಿಯನ್ನ ಕೊಂದು ಮಾಂಸ ಮಾಡಿ,ಅಮಲೇರಿಸೋ ದ್ರಾಕ್ಷಾಮದ್ಯದ ರುಚಿ ಹೆಚ್ಚಿಸಿ,ತನ್ನ ಮೇಜನ್ನ ಸಿದ್ಧಮಾಡಿದೆ.
3 ತನ್ನ ದಾಸಿಯರನ್ನ ಪಟ್ಟಣದಲ್ಲಿ ಎತ್ತರವಾದ ಜಾಗಕ್ಕೆ ಕಳಿಸಿಎಲ್ಲರಿಗೂ ಹೀಗೆ ಹೇಳಿ ಅಂತ ಹೇಳಿದೆ:+
4 “ಅನುಭವ ಇಲ್ಲದವರು ಇಲ್ಲಿಗೆ ಬರಲಿ.”
ಬುದ್ಧಿ ಇಲ್ಲದವರಿಗೆ* ವಿವೇಕ* ಹೀಗೆ ಹೇಳಿತು:
5 “ಬನ್ನಿ, ನನ್ನ ರೊಟ್ಟಿ ತಿನ್ನಿ,ನಾನು ಮಾಡಿರೋ ದ್ರಾಕ್ಷಾಮದ್ಯ ಕುಡಿರಿ.
6 ಜೀವಂತವಾಗಿ ಇರಬೇಕಂದ್ರೆ ಮೂರ್ಖರ ತರ ನಡ್ಕೊಳ್ಳೋದನ್ನ ಬಿಡಿ,+ವಿವೇಚನೆಯ ದಾರಿಯಲ್ಲಿ ಮುಂದಕ್ಕೆ ಹೋಗಿ.”+
7 ಗೇಲಿ ಮಾಡುವವನನ್ನ ಸರಿಪಡಿಸೋಕೆ ಹೋದ್ರೆ ಅವಮಾನವನ್ನ ಕೈಬೀಸಿ ಕರೆದ ಹಾಗೆ,+ಕೆಟ್ಟವನನ್ನ ತಿದ್ದಿದ್ರೆ ಹಾನಿಯನ್ನ ಮೈ ಮೇಲೆ ಎಳ್ಕೊಂಡ ಹಾಗೆ.
8 ಅಣಕಿಸುವವನನ್ನ ತಿದ್ದೋಕೆ ಹೋಗಬೇಡ, ಹೋದ್ರೆ ನಿನ್ನನ್ನೇ ದ್ವೇಷಿಸ್ತಾನೆ,+ವಿವೇಕಿಯನ್ನ ತಿದ್ದು, ಅವನು ನಿನ್ನನ್ನ ಪ್ರೀತಿಸ್ತಾನೆ.+
9 ವಿವೇಕಿಗೆ ಕಲಿಸು, ಅವನು ಇನ್ನಷ್ಟು ವಿವೇಕಿಯಾಗ್ತಾನೆ.+
ನೀತಿವಂತನಿಗೆ ಕಲಿಸು, ಅವನು ಕಲಿತಾ ತನ್ನ ಜ್ಞಾನ ಹೆಚ್ಚಿಸ್ತಾನೆ.
10 ಯೆಹೋವನ ಭಯನೇ ಜ್ಞಾನದ ಆರಂಭ.+
ಅತಿ ಪವಿತ್ರನಾದ ದೇವರ ಜ್ಞಾನನೇ ವಿವೇಚನೆ.+
11 ವಿವೇಕದಿಂದ ನಿನ್ನ ಆಯಸ್ಸು ಹೆಚ್ಚಾಗುತ್ತೆ,+ನೀನು ಜಾಸ್ತಿ ವರ್ಷ ಬದುಕ್ತೀಯ.
12 ನೀನು ವಿವೇಕಿಯಾದ್ರೆ ನಿನಗೇ ಒಳ್ಳೇದು,ಆದ್ರೆ ನೀನು ಬೇರೆಯವ್ರನ್ನ ಗೇಲಿ ಮಾಡಿದ್ರೆ ಅದ್ರ ಪರಿಣಾಮ ನೀನೇ ಅನುಭವಿಸ್ತೀಯ.
13 ಬುದ್ಧಿ ಇಲ್ಲದ ಸ್ತ್ರೀ ವಟವಟ ಅಂತನೇ ಇರ್ತಾಳೆ.+
ಅವಳಿಗೆ ತಿಳುವಳಿಕೆ ಇಲ್ಲ, ಅವಳಿಗೆ ಏನೂ ಗೊತ್ತಿಲ್ಲ.
14 ಅವಳು ಪಟ್ಟಣದ ಎತ್ತರವಾದ ಜಾಗಗಳಲ್ಲಿ,ತನ್ನ ಮನೆ ಮುಂದೆ ಕೂತ್ಕೊಳ್ತಾಳೆ,+
15 ಹೋಗೋರನ್ನ ಬರೋರನ್ನ,ತಮ್ಮ ಪಾಡಿಗೆ ಹೋಗ್ತಿರೋರನ್ನ ಕೂಗಿ ಕರೆದು,
16 “ಅನುಭವ ಇಲ್ಲದವರು ಇಲ್ಲಿ ಬನ್ನಿ” ಅಂತಾಳೆ.
ಬುದ್ಧಿ ಇಲ್ಲದವ್ರಿಗೆ* ಹೀಗೆ ಹೇಳ್ತಾಳೆ:+
17 “ಕದ್ದು ಕುಡಿಯೋ ನೀರು ಸಿಹಿ ಆಗಿರುತ್ತೆ,ಗುಟ್ಟಾಗಿ ತಿನ್ನೋದ್ರಲ್ಲಿ ಇರೋ ಖುಷಿನೇ ಬೇರೆ.”+
18 ಆದ್ರೆ ಅವಳ ಮನೆ ಸತ್ತವರ ಮನೆ ಅಂತ ಅವ್ರಿಗೆ ಗೊತ್ತಿಲ್ಲ,ಅವಳ ಅತಿಥಿಗಳು ಸ್ಮಶಾನ* ಸೇರಿದ್ದಾರೆ ಅಂತ ಅವ್ರಿಗೆ ಗೊತ್ತಿಲ್ಲ.+
ಪಾದಟಿಪ್ಪಣಿ
^ ಅಕ್ಷ. “ಹೃದಯ ಇಲ್ಲದವ್ರಿಗೆ.”
^ ಹೀಬ್ರುನಲ್ಲಿ, ವಿವೇಕಕ್ಕೆ ಸ್ತ್ರೀಲಿಂಗವನ್ನ ಬಳಸಲಾಗಿದೆ. ಅದನ್ನ ಒಬ್ಬ ಸ್ತ್ರೀ ತರ ಚಿತ್ರೀಕರಿಸಲಾಗಿದೆ.
^ ಅಕ್ಷ. “ಹೃದಯ ಇಲ್ಲದವ್ರಿಗೆ.”
