ನೆಹೆಮೀಯ 8:1-18
8 ‘ನೀರು ಬಾಗಿಲಿನ’+ ಮುಂದೆ ಇದ್ದ ಪಟ್ಟಣದ ಮುಖ್ಯಸ್ಥಳದಲ್ಲಿ* ಜನ್ರೆಲ್ಲ ಒಂದೇ ಮನಸ್ಸಿಂದ ಸೇರಿಬಂದ್ರು. ನಕಲುಗಾರ* ಎಜ್ರನಿಗೆ+ ಮೋಶೆಯ ನಿಯಮ ಪುಸ್ತಕ+ ತಗೊಂಡು ಬರೋಕೆ ಹೇಳಿದ್ರು. ಯೆಹೋವ ಇಸ್ರಾಯೇಲ್ಯರಿಗೆ ಹೇಳಿದ್ದ ವಿಷ್ಯಗಳು ಅದ್ರಲ್ಲಿತ್ತು.+
2 ಹಾಗಾಗಿ ಪುರೋಹಿತ ಎಜ್ರ ಏಳನೇ ತಿಂಗಳ ಮೊದಲ್ನೇ ದಿನ+ ಸಭೆಯ ಮುಂದೆ ನಿಯಮ ಪುಸ್ತಕ ತಗೊಂಡು ಬಂದ.+ ಅಲ್ಲಿ ಗಂಡಸ್ರು, ಹೆಂಗಸ್ರು ಮತ್ತು ವಿಷ್ಯಗಳನ್ನ ಕೇಳಿ ಅರ್ಥ ಮಾಡ್ಕೊಳ್ಳೋ ಸಾಮರ್ಥ್ಯ ಇದ್ದವ್ರೆಲ್ಲ ಇದ್ರು.
3 ಆಮೇಲೆ ಅವನು ‘ನೀರು ಬಾಗಿಲಿನ’ ಮುಂದೆ ಇದ್ದ ಪಟ್ಟಣದ ಮುಖ್ಯಸ್ಥಳದಲ್ಲಿ* ಬೆಳಿಗ್ಗೆಯಿಂದ ಮಧ್ಯಾಹ್ನದ ತನಕ ಗಂಡಸ್ರ, ಹೆಂಗಸ್ರ, ವಿಷ್ಯಗಳನ್ನ ಅರ್ಥ ಮಾಡ್ಕೊಳ್ಳೋ ಸಾಮರ್ಥ್ಯ ಇದ್ದ ಎಲ್ರ ಮುಂದೆ ಅದನ್ನ ಗಟ್ಟಿಯಾಗಿ ಓದಿದ.+ ನಿಯಮ ಪುಸ್ತಕದಲ್ಲಿದ್ದ ವಿಷ್ಯಗಳನ್ನ ಓದುವಾಗ ಜನ ಗಮನಕೊಟ್ಟು ಕೇಳಿದ್ರು.+
4 ಆಗ ನಕಲುಗಾರ* ಎಜ್ರ ಮರದ ವೇದಿಕೆ ಮೇಲೆ ನಿಂತ್ಕೊಂಡಿದ್ದ. ಅದನ್ನ ಈ ಸಮಾರಂಭಕ್ಕೆ ಅಂತಾನೆ ಮಾಡಿದ್ರು. ಎಜ್ರನ ಬಲಗಡೆ ಮತ್ತಿತ್ಯ, ಶೆಮ, ಅನಾಯ, ಊರೀಯ, ಹಿಲ್ಕೀಯ, ಮಾಸೇಯ ನಿಂತಿದ್ರು. ಅವನ ಎಡಗಡೆ ಪೆದಾಯ, ಮೀಷಾಯೇಲ್‌, ಮಲ್ಕೀಯ,+ ಹಾಷುಮ್‌, ಹಷ್ಬದ್ದಾನ, ಜೆಕರ್ಯ, ಮೆಷುಲ್ಲಾಮ್‌ ನಿಂತಿದ್ರು.
5 ಎಜ್ರ ಎಲ್ರಿಗಿಂತ ಎತ್ರದಲ್ಲಿ ನಿಂತಿದ್ರಿಂದ ಅವನು ಪುಸ್ತಕ ತೆರೆದಿದ್ದು ಎಲ್ರಿಗೂ ಕಾಣಿಸ್ತು. ಅವನು ಪುಸ್ತಕ ತೆರೆದ ಕೂಡ್ಲೇ ಜನ್ರೆಲ್ಲ ಎದ್ದು ನಿಂತ್ರು.
6 ಆಮೇಲೆ ಎಜ್ರ ಮಹಾನ್‌ ದೇವರೂ ಸತ್ಯ ದೇವರೂ ಆಗಿರೋ ಯೆಹೋವನನ್ನ ಹೊಗಳಿದ. ಆಗ ಎಲ್ಲ ಜನ ತಮ್ಮ ಕೈಗಳನ್ನ ಮೇಲಕ್ಕೆತ್ತಿ “ಆಮೆನ್‌!* ಆಮೆನ್‌!”+ ಅಂದ್ರು. ನೆಲದ ತನಕ ಬಗ್ಗಿ ಯೆಹೋವನಿಗೆ ಅಡ್ಡಬಿದ್ದು ನಮಸ್ಕಾರ ಮಾಡಿದ್ರು.
7 ಲೇವಿಯರಾದ ಯೆಷೂವ, ಬಾನಿ, ಶೇರೇಬ್ಯ,+ ಯಾಮೀನ್‌, ಅಕ್ಕೂಬ್‌, ಶಬ್ಬೆತೈ, ಹೋದೀಯ, ಮಾಸೇಯ, ಕೆಲೀಟ, ಅಜರ್ಯ, ಯೋಜಾಬಾದ್‌,+ ಹಾನಾನ್‌, ಪೆಲಾಯ ಅನ್ನೋರು ನಿಯಮ ಪುಸ್ತಕವನ್ನ ಜನ್ರಿಗೆ ವಿವರಿಸ್ತಿದ್ರು.+ ಆಗ ಜನ ನಿಂತೇ ಇದ್ರು.
8 ಲೇವಿಯರು ಸತ್ಯ ದೇವರ ನಿಯಮ ಪುಸ್ತಕವನ್ನ ಗಟ್ಟಿಯಾಗಿ ಓದ್ತಾ, ಸ್ಪಷ್ಟವಾಗಿ ವಿವರಿಸ್ತಾ ಅದ್ರ ಅರ್ಥ ಏನಂತ ಹೇಳ್ತಾ ಹೋದ್ರು. ಹೀಗೆ ಓದಿದ ವಿಷ್ಯಗಳನ್ನ ಚೆನ್ನಾಗಿ ಅರ್ಥ ಮಾಡ್ಕೊಳ್ಳೋಕೆ ಜನ್ರಿಗೆ ಸಹಾಯ ಮಾಡಿದ್ರು.*+
9 ಆ ಸಮಯದಲ್ಲಿ ರಾಜ್ಯಪಾಲನಾಗಿದ್ದ* ನೆಹೆಮೀಯ, ಪುರೋಹಿತನೂ ನಕಲುಗಾರನೂ ಆಗಿದ್ದ ಎಜ್ರ+ ಮತ್ತು ಜನ್ರಿಗೆ ಕಲಿಸ್ತಿದ್ದ ಲೇವಿಯರು ಎಲ್ಲ ಜನ್ರಿಗೆ “ಈ ದಿನ ನಿಮ್ಮ ದೇವರಾದ ಯೆಹೋವನಿಗೆ ಪವಿತ್ರವಾದ ದಿನ.+ ಹಾಗಾಗಿ ಗೋಳಾಡಬೇಡಿ, ಅಳಬೇಡಿ” ಅಂದ್ರು. ಯಾಕಂದ್ರೆ ನಿಯಮ ಪುಸ್ತಕದ ಮಾತುಗಳನ್ನ ಕೇಳಿ ಜನ್ರೆಲ್ಲ ಅಳ್ತಿದ್ರು.
10 ನೆಹೆಮೀಯ ಅವ್ರಿಗೆ “ನೀವು ಹೋಗಿ ರುಚಿರುಚಿಯಾದ* ಅಡುಗೆ ಮಾಡಿ ಊಟ ಮಾಡಿ. ಸಿಹಿಯಾದ ಪಾನೀಯ ಕುಡಿರಿ. ತಿನ್ನೋಕೆ ಏನೂ ಇಲ್ಲದವ್ರಿಗೆ ಊಟ ಕಳಿಸ್ಕೊಡಿ.+ ಯಾಕಂದ್ರೆ ಈ ದಿನ ನಮ್ಮ ಒಡೆಯನಿಗೆ ಪವಿತ್ರ ದಿನ. ಯೆಹೋವ ಕೊಡೋ ಆನಂದನೇ ನಿಮ್ಮ ಬಲ.* ಹಾಗಾಗಿ ದುಃಖಪಡಬೇಡಿ” ಅಂದ.
11 ಲೇವಿಯರು ಎಲ್ಲ ಜನ್ರನ್ನ ಸಮಾಧಾನ ಮಾಡ್ತಾ “ಇದು ಪವಿತ್ರ ದಿನ. ಅಳಬೇಡಿ, ದುಃಖಪಡಬೇಡಿ!” ಅಂತಿದ್ರು.
12 ಹಾಗಾಗಿ ಎಲ್ಲ ಜನ ಊಟ ಮಾಡೋಕೆ, ಪಾನೀಯ ಕುಡಿಯೋಕೆ, ಬೇರೆಯವ್ರಿಗೆ ಊಟ ಕಳಿಸ್ಕೊಡೋಕೆ, ಖುಷಿಯಿಂದ ಇರೋಕೆ ಅಲ್ಲಿಂದ ಹೋದ್ರು.+ ಯಾಕಂದ್ರೆ ಅವ್ರಿಗೆ ವಿವರಿಸಿದ ವಿಷ್ಯಗಳನ್ನ ಚೆನ್ನಾಗಿ ಅರ್ಥ ಮಾಡ್ಕೊಂಡಿದ್ರು.+
13 ಎರಡನೇ ದಿನ ಎಲ್ಲ ಜನ್ರ ಕುಲಗಳ ಮುಖ್ಯಸ್ಥರು, ಪುರೋಹಿತರು, ಲೇವಿಯರು ನಿಯಮ ಪುಸ್ತಕದ ಮಾತುಗಳನ್ನ ಇನ್ನೂ ಚೆನ್ನಾಗಿ ಅರ್ಥ ಮಾಡ್ಕೊಳ್ಳೋಕೆ* ನಕಲುಗಾರ* ಎಜ್ರನ ಸುತ್ತ ಬಂದು ನಿಂತ್ರು.
14 ಮೋಶೆ ಮೂಲಕ ಬರೆಸಿದ್ದ ನಿಯಮ ಪುಸ್ತಕದಲ್ಲಿ ಯೆಹೋವ ಇಸ್ರಾಯೇಲ್ಯರಿಗೆ ಒಂದು ಆಜ್ಞೆ ಕೊಟ್ಟಿದ್ದ. ಏಳನೇ ತಿಂಗಳ ಹಬ್ಬ ಆಚರಿಸುವಾಗ ನೀವು ಚಪ್ಪರಗಳಲ್ಲಿ* ವಾಸ ಮಾಡಬೇಕು+ ಅನ್ನೋ ಆಜ್ಞೆ ಇತ್ತು. ಈ ವಿಷ್ಯ ಇವ್ರಿಗೆ ನಿಯಮ ಪುಸ್ತಕದಲ್ಲಿ ಸಿಕ್ತು.
15 ಅಷ್ಟೇ ಅಲ್ಲ ಎಲ್ಲ ಪಟ್ಟಣಗಳಲ್ಲಿ, ಇಡೀ ಯೆರೂಸಲೇಮಲ್ಲಿ “ನಿಯಮ ಪುಸ್ತಕದಲ್ಲಿ ಬರೆದಿರೋ ಪ್ರಕಾರ ಚಪ್ಪರಗಳನ್ನ ಕಟ್ಟೋಕೆ ಬೆಟ್ಟ ಪ್ರದೇಶಕ್ಕೆ ಹೋಗಿ ಆಲಿವ್‌ ಮರ, ಪೈನ್‌ ಮರ, ಮರ್ಟಲ್‌ ಮರ,* ಖರ್ಜೂರ ಮರಗಳ ಗರಿಗಳನ್ನ, ತುಂಬ ಎಲೆ ಇರೋ ಬೇರೆ ಮರಗಳ ಕೊಂಬೆಗಳನ್ನ ತಗೊಂಡು ಬರಬೇಕು” ಅಂತ ಎಲ್ರಿಗೂ ಹೇಳಬೇಕಂತ ಅವ್ರಿಗೆ+ ಗೊತ್ತಾಯ್ತು.
16 ಹಾಗಾಗಿ ಜನ ಹೋಗಿ ತಮಗೋಸ್ಕರ ಚಪ್ಪರ ಕಟ್ಟೋಕೆ ತುಂಬಾ ಎಲೆಗಳಿರೋ ಕೊಂಬೆಗಳನ್ನ ತಂದ್ರು. ಪ್ರತಿಯೊಬ್ರೂ ತಮ್ಮತಮ್ಮ ಮನೆ ಚಾವಣಿ ಮೇಲೆ, ಅಂಗಳಗಳಲ್ಲಿ, ಸತ್ಯ ದೇವರ ಆಲಯದ ಅಂಗಳಗಳಲ್ಲಿ,+ ‘ನೀರು ಬಾಗಿಲಿನ’+ ಮತ್ತು ‘ಎಫ್ರಾಯೀಮ್‌ ಬಾಗಿಲಿನ’+ ಪಟ್ಟಣದ ಮುಖ್ಯಸ್ಥಳದಲ್ಲಿ* ಚಪ್ಪರಗಳನ್ನ ಕಟ್ಕೊಂಡ್ರು.
17 ಹೀಗೆ ಕೈದಿಗಳಾಗಿದ್ದು ವಾಪಸ್‌ ಬಂದಿದ್ದ ಜನ್ರೆಲ್ಲ ಚಪ್ಪರಗಳನ್ನ ಕಟ್ಟಿ ಅದ್ರಲ್ಲಿ ವಾಸಿಸೋಕೆ ಶುರು ಮಾಡಿದ್ರು. ನೂನನ ಮಗ ಯೆಹೋಶುವನ+ ಕಾಲದಿಂದ ಇಲ್ಲಿ ತನಕ ಇಸ್ರಾಯೇಲ್ಯರು ಈ ರೀತಿ ಚಪ್ಪರಗಳ ಹಬ್ಬ ಮಾಡಿರಲೇ ಇಲ್ಲ. ಹಾಗಾಗಿ ಅವರು ತುಂಬ ಸಂಭ್ರಮದಿಂದ ಆ ಹಬ್ಬ ಆಚರಿಸಿದ್ರು.+
18 ಹಬ್ಬದ ಮೊದಲ್ನೇ ದಿನದಿಂದ ಕೊನೇ ದಿನ ತನಕ ಪ್ರತಿ ದಿನ ಸತ್ಯ ದೇವರ ನಿಯಮ ಪುಸ್ತಕ ಓದಲಾಯ್ತು.+ ಅವರು ಆ ಹಬ್ಬವನ್ನ ಏಳು ದಿನ ಆಚರಿಸಿದ್ರು. ನಿಯಮ ಪುಸ್ತಕದಲ್ಲಿ ಹೇಳಿದ ಹಾಗೆ ಎಂಟನೇ ದಿನ ದೇವರ ಆರಾಧನೆಗೆ ಸೇರಿಬರಬೇಕು.+
ಪಾದಟಿಪ್ಪಣಿ
^ ಅಥವಾ “ಬರಹಗಾರ.”
^ ಅಥವಾ “ಬರಹಗಾರ.”
^ ಅಥವಾ “ಹಾಗೇ ಆಗ್ಲಿ.”
^ ಅಥವಾ “ಹೀಗೆ ಜನ್ರಿಗೆ ಅರ್ಥ ಆಗೋ ತರ ಓದಿದ್ರು.”
^ ಅಥವಾ “ತಿರ್ಷಾತಾ,” ಇದು ಪ್ರಾಂತ್ಯದ ರಾಜ್ಯಪಾಲನಿಗಿರೋ ಪರ್ಶಿಯದ ಬಿರುದು.
^ ಅಕ್ಷ. “ಕೊಬ್ಬಿದ.”
^ ಅಥವಾ “ಆಶ್ರಯ.”
^ ಅಕ್ಷ. “ಹೆಚ್ಚಿನ ಒಳನೋಟ ಪಡೆಯೋಕೆ.”
^ ಅಥವಾ “ಬರಹಗಾರ.”
^ ಅಥವಾ “ತಾತ್ಕಾಲಿಕ ವಸತಿಗಳಲ್ಲಿ.”
^ ಇದು, ಹೊಳಪಿನ ಎಲೆಗಳು ಮತ್ತು ಸುವಾಸನೆಯುಳ್ಳ ಬಿಳಿ ಹೂಗಳನ್ನ ಬಿಡೋ ಪೊದೆ.
