ಮಲಾಕಿ 4:1-6
4 ಸೈನ್ಯಗಳ ದೇವರಾದ ಯೆಹೋವ ಹೀಗೆ ಹೇಳ್ತಿದ್ದಾನೆ: “ನೋಡಿ! ಧಗಧಗ ಉರಿಯೋ ಕುಲುಮೆ ತರ ಇರೋ ಆ ದಿನ ಬರ್ತಿದೆ.+ ಆಗ ಅಹಂಕಾರಿಗಳು, ಕೆಟ್ಟ ಕೆಲಸ ಮಾಡುವವರು ಹುಲ್ಲು ಕಡ್ಡಿ ತರ ಆಗ್ತಾರೆ. ಬರ್ತಿರೋ ಆ ದಿನ ಖಂಡಿತ ಅವ್ರನ್ನ ನುಂಗಿಬಿಡುತ್ತೆ. ಆ ದಿನ ಅವ್ರ ಬೇರನ್ನಾಗಲಿ ಕೊಂಬೆಯನ್ನಾಗಲಿ ಬಿಡಲ್ಲ.
2 ಆದ್ರೆ ನನ್ನ ಹೆಸ್ರನ್ನ ಗೌರವಿಸೋ* ನಿಮ್ಮ ಮೇಲೆ ನೀತಿಯ ಸೂರ್ಯ ಹೊಳಿತಾನೆ. ಅವನ ಕಿರಣಗಳಿಂದ* ನೀವು ವಾಸಿ ಆಗ್ತೀರ. ದಷ್ಟಪುಷ್ಟವಾದ ಕರುಗಳ ತರ ಕುಣಿದು ಕುಪ್ಪಳಿಸ್ತೀರ.”
3 “ನಾನು ಕ್ರಮ ತಗೊಳ್ಳೋ ಆ ದಿನದಲ್ಲಿ ಕೆಟ್ಟವರು ನಿಮ್ಮ ಕಾಲ ಕೆಳಗಿನ ಧೂಳಿನ ತರ ಇರ್ತಾರೆ. ಹಾಗಾಗಿ ನೀವು ಅವ್ರನ್ನ ತುಳಿದುಹಾಕ್ತೀರ” ಅಂತ ಸೈನ್ಯಗಳ ದೇವರಾದ ಯೆಹೋವ ಹೇಳ್ತಿದ್ದಾನೆ.
4 “ನನ್ನ ಸೇವಕನಾದ ಮೋಶೆಯ ನಿಯಮ ಪುಸ್ತಕವನ್ನ ನೆನಪಿಟ್ಕೊಳ್ಳಿ. ಇಸ್ರಾಯೇಲ್ಯರು ಪಾಲಿಸಬೇಕಂತ ನಾನು ಹೋರೇಬ್‌ ಬೆಟ್ಟದಲ್ಲಿ ಅವ್ರಿಗೆ ಕೊಟ್ಟ ನಿಯಮಗಳನ್ನ, ತೀರ್ಪುಗಳನ್ನ ಮರಿಬೇಡಿ.+
5 ನೋಡಿ! ಭಯವಿಸ್ಮಯಗೊಳಿಸೋ ಯೆಹೋವನ ಮಹಾ ದಿನ ಬರೋ ಮುಂಚೆ+ ನಾನು ನಿಮ್ಮ ಹತ್ರ ಪ್ರವಾದಿ ಎಲೀಯನನ್ನ ಕಳಿಸ್ತೀನಿ.+
6 ಅವನು ತಂದೆಯ ಹೃದಯವನ್ನ ಗಂಡು ಮಕ್ಕಳ ಕಡೆಗೂ+ ಗಂಡು ಮಕ್ಕಳ ಹೃದಯವನ್ನ ತಂದೆ ಕಡೆಗೂ ತಿರುಗಿಸ್ತಾನೆ. ಆಗ ನಾನು ಬಂದು ಭೂಮಿಯನ್ನ ಅಳಿಸಿಹಾಕಿ ಅದನ್ನ ಸಂಪೂರ್ಣವಾಗಿ ನಾಶಮಾಡೋ ಅಗತ್ಯ ಇರಲ್ಲ.”
