ಯಾಜಕಕಾಂಡ 1:1-17
-
ಸರ್ವಾಂಗಹೋಮ ಬಲಿ (1-17)
1 ಯೆಹೋವ ಮೋಶೆನ ಕರೆದು ದೇವದರ್ಶನ ಡೇರೆ ಒಳಗಿಂದ+ ಮಾತಾಡ್ತಾ ಹೀಗಂದನು:
2 “ನೀನು ಇಸ್ರಾಯೇಲ್ಯರಿಗೆ ಏನು ಹೇಳಬೇಕಂದ್ರೆ ‘ನಿಮ್ಮಲ್ಲಿ ಯಾರಾದ್ರೂ ಯೆಹೋವನಿಗೆ ಸಾಕುಪ್ರಾಣಿಯನ್ನ ಬಲಿ ಅರ್ಪಿಸಬೇಕಂತ ಇದ್ರೆ ಹಸು ಅಥವಾ ಆಡು ಅಥವಾ ಕುರಿಯನ್ನೇ ಅರ್ಪಿಸಬೇಕು.+
3 ಸರ್ವಾಂಗಹೋಮ ಬಲಿಗಾಗಿ ಹಸುನ ಕೊಡೋದಾದ್ರೆ ಗಂಡನ್ನೇ ಕೊಡಬೇಕು.+ ಅದ್ರಲ್ಲಿ ಯಾವುದೇ ದೋಷ ಇರಬಾರದು. ಅದನ್ನ ಯೆಹೋವನಾದ ನನ್ನ ಮುಂದೆ, ದೇವದರ್ಶನ ಡೇರೆಯ ಬಾಗಿಲ ಹತ್ರ ತರಬೇಕು. ಅದನ್ನ ಕೊಡೋನು ಸ್ವಂತ ಇಷ್ಟದಿಂದ ಕೊಡಬೇಕು.+
4 ತನ್ನ ಕೈಯನ್ನ ಆ ಹೋರಿ ತಲೆ ಮೇಲೆ ಇಡಬೇಕು. ತನ್ನ ಪ್ರಾಯಶ್ಚಿತ್ತಕ್ಕಾಗಿ ಅರ್ಪಿಸೋ ಆ ಹೋರಿನ ನಾನು ಸ್ವೀಕರಿಸ್ತಿನಿ.
5 ಆಮೇಲೆ ಯೆಹೋವನಾದ ನನ್ನ ಮುಂದೆ ಅಂದ್ರೆ ದೇವದರ್ಶನ ಡೇರೆಯ ಬಾಗಿಲ ಹತ್ರ ಆ ಎಳೇ ಹೋರಿನ ಕಡಿಬೇಕು. ಪುರೋಹಿತರಾದ*+ ಆರೋನನ ಮಕ್ಕಳು ಆ ಹೋರಿಯ ರಕ್ತನ ಯಜ್ಞವೇದಿ ಹತ್ರ ತಂದು ಅದ್ರ ಎಲ್ಲ ಬದಿಗಳಿಗೆ ಚಿಮಿಕಿಸಬೇಕು.+
6 ಸರ್ವಾಂಗಹೋಮ ಬಲಿಯಾಗಿ ಕೊಡೋ ಪ್ರಾಣಿಯ ಚರ್ಮ ಸುಲಿದು ಅದನ್ನ ತುಂಡುತುಂಡು ಮಾಡಬೇಕು.+
7 ಪುರೋಹಿತರಾದ ಆರೋನನ ಮಕ್ಕಳು ಯಜ್ಞವೇದಿ ಮೇಲೆ ಕೆಂಡ ಇಟ್ಟು+ ಅದ್ರ ಮೇಲೆ ಕಟ್ಟಿಗೆಗಳನ್ನ ಜೋಡಿಸಬೇಕು.
8 ಪುರೋಹಿತರಾದ ಆರೋನನ ಮಕ್ಕಳು ಬಲಿ ಕೊಟ್ಟ ಪ್ರಾಣಿಯ+ ತಲೆ, ಕೊಬ್ಬು* ಮತ್ತು ತುಂಡುಗಳನ್ನ ಯಜ್ಞವೇದಿ ಮೇಲಿರೋ ಕೆಂಡದ ಮೇಲಿನ ಕಟ್ಟಿಗೆಗಳ ಮೇಲೆ ಜೋಡಿಸಬೇಕು.
9 ಪ್ರಾಣಿಯ ಕರುಳನ್ನ ಕಾಲನ್ನ ನೀರಲ್ಲಿ ತೊಳಿಬೇಕು. ಪುರೋಹಿತ ಅದನ್ನೆಲ್ಲ ಯಜ್ಞವೇದಿ ಮೇಲೆ ಸರ್ವಾಂಗಹೋಮವಾಗಿ ಅರ್ಪಿಸಬೇಕು. ಅದ್ರಿಂದ ಮೇಲೆ ಹೋಗೋ ಹೊಗೆಯ ಸುವಾಸನೆಯಿಂದ ಯೆಹೋವನಿಗೆ ಸಂತೋಷ* ಆಗುತ್ತೆ. ಇದು ಬೆಂಕಿ ಮೂಲಕ ಆತನಿಗೆ ಮಾಡೋ ಅರ್ಪಣೆ.+
10 ಒಬ್ಬ ಸರ್ವಾಂಗಹೋಮ ಬಲಿಗಾಗಿ ಕುರಿ+ ಅಥವಾ ಆಡನ್ನ ಕೊಡೋದಾದ್ರೆ ಗಂಡನ್ನೇ ಕೊಡಬೇಕು. ಅದ್ರಲ್ಲಿ ಯಾವುದೇ ದೋಷ ಇರಬಾರದು.+
11 ಅದನ್ನ ಯೆಹೋವನ ಮುಂದೆ ಯಜ್ಞವೇದಿಯ ಉತ್ತರ ದಿಕ್ಕಿಗೆ ಕಡಿಬೇಕು. ಪುರೋಹಿತರಾದ ಆರೋನನ ಮಕ್ಕಳು ಅದ್ರ ರಕ್ತನ ಯಜ್ಞವೇದಿಯ ಎಲ್ಲ ಬದಿಗಳಲ್ಲಿ ಚಿಮಿಕಿಸಬೇಕು.+
12 ಅದನ್ನ ತುಂಡುತುಂಡಾಗಿ ಕಡಿಬೇಕು. ಪುರೋಹಿತ ಅದ್ರ ತಲೆ, ಕೊಬ್ಬು* ಮತ್ತು ಆ ತುಂಡುಗಳನ್ನ ಯಜ್ಞವೇದಿ ಮೇಲಿರೋ ಕೆಂಡದ ಮೇಲಿನ ಕಟ್ಟಿಗೆಗಳ ಮೇಲೆ ಜೋಡಿಸಬೇಕು.
13 ಕರುಳನ್ನ ಕಾಲನ್ನ ನೀರಲ್ಲಿ ತೊಳಿಬೇಕು. ಪುರೋಹಿತ ಅದನ್ನೆಲ್ಲ ಯಜ್ಞವೇದಿ ಮೇಲೆ ಅರ್ಪಿಸಬೇಕು. ಅದ್ರಿಂದ ಮೇಲೆ ಹೋಗೋ ಹೊಗೆಯ ಸುವಾಸನೆಯಿಂದ ಯೆಹೋವನಿಗೆ ಸಂತೋಷ* ಆಗುತ್ತೆ. ಇದು ಸರ್ವಾಂಗಹೋಮ ಬಲಿ. ಇದು ಬೆಂಕಿ ಮೂಲಕ ಆತನಿಗೆ ಮಾಡೋ ಅರ್ಪಣೆ.
14 ಯೆಹೋವನಿಗೆ ಸರ್ವಾಂಗಹೋಮ ಬಲಿ ಅರ್ಪಿಸೋಕೆ ಪಕ್ಷಿಯನ್ನ ಕೊಡೋದಾದ್ರೆ ಕಾಡುಪಾರಿವಾಳ ಅಥವಾ ಪಾರಿವಾಳದ ಮರಿಯನ್ನೇ ಕೊಡಬೇಕು.+
15 ಪುರೋಹಿತ ಯಜ್ಞವೇದಿ ಹತ್ರ ಅದ್ರ ಕುತ್ತಿಗೆ ಚಿವುಟಿ ರಕ್ತವನ್ನ ಯಜ್ಞವೇದಿಯ ಬದಿಗೆ ಸುರಿಸಬೇಕು. ಆಮೇಲೆ ಆ ಪಕ್ಷಿನ ಯಜ್ಞವೇದಿ ಮೇಲೆ ಅರ್ಪಿಸಬೇಕು, ಅದ್ರ ಹೊಗೆ ಮೇಲೆ ಹೋಗಬೇಕು.
16 ಅವನು ಆ ಪಕ್ಷಿಯ ಎರೆಚೀಲ ತೆಗೆದು, ಪುಕ್ಕಗಳನ್ನ ಕಿತ್ತು ಅವುಗಳನ್ನ ಯಜ್ಞವೇದಿಯ ಪೂರ್ವಕ್ಕೆ ಬೂದಿ*+ ಹಾಕೋ ಸ್ಥಳದಲ್ಲಿ ಎಸಿಬೇಕು.
17 ಪಕ್ಷಿಯನ್ನ ಅದ್ರ ಎರಡು ರೆಕ್ಕೆಗಳ ಮಧ್ಯದಲ್ಲಿ ಸೀಳಬೇಕು. ಆದ್ರೆ ಎರಡು ಭಾಗ ಮಾಡಬಾರದು. ಯಜ್ಞವೇದಿಯ ಕೆಂಡದ ಮೇಲಿನ ಕಟ್ಟಿಗೆ ಮೇಲೆ ಅದನ್ನ ಅರ್ಪಿಸಬೇಕು. ಅದ್ರಿಂದ ಮೇಲೆ ಹೋಗೋ ಹೊಗೆಯ ಸುವಾಸನೆಯಿಂದ ಯೆಹೋವನಿಗೆ ಸಂತೋಷ* ಆಗುತ್ತೆ. ಇದು ಸರ್ವಾಂಗಹೋಮ ಬಲಿ. ಇದು ಬೆಂಕಿ ಮೂಲಕ ಆತನಿಗೆ ಮಾಡೋ ಅರ್ಪಣೆ.
ಪಾದಟಿಪ್ಪಣಿ
^ ಅಕ್ಷ. “ಯಾಜಕರಾದ.”
^ ಅಥವಾ “ಮೂತ್ರಪಿಂಡಗಳ ಸುತ್ತ ಇರೋ ಕೊಬ್ಬು.”
^ ಅಥವಾ “ಸಮಾಧಾನ.” ಅಕ್ಷ. “ನೆಮ್ಮದಿ.”
^ ಅಥವಾ “ಮೂತ್ರಪಿಂಡಗಳ ಸುತ್ತ ಇರೋ ಕೊಬ್ಬು.”
^ ಅಥವಾ “ಸಮಾಧಾನ.” ಅಕ್ಷ. “ನೆಮ್ಮದಿ.”
^ ಅದು, ಬಲಿಗಳ ಕೊಬ್ಬಿಂದ ನೆನೆದ ಬೂದಿ.
^ ಅಥವಾ “ಸಮಾಧಾನ.” ಅಕ್ಷ. “ನೆಮ್ಮದಿ.”
