ಯೆಶಾಯ 20:1-6
-
ಈಜಿಪ್ಟಿನ ಮತ್ತು ಇಥಿಯೋಪ್ಯದ ವಿರುದ್ಧ ಗುರುತು (1-6)
20 ಅಶ್ಶೂರಿನ ರಾಜ ಸರ್ಗೋನ ತರ್ತಾನನನ್ನ* ಅಷ್ಡೋದಿಗೆ+ ಕಳಿಸಿದ ವರ್ಷದಲ್ಲಿ ಅವನು ಅಷ್ಡೋದಿನ ವಿರುದ್ಧ ಯುದ್ಧ ಮಾಡಿ ಅದನ್ನ ವಶಮಾಡ್ಕೊಂಡ.+
2 ಆಮೋಚನ ಮಗ ಯೆಶಾಯನಿಗೆ ಆ ಸಮ್ಯದಲ್ಲಿ ಯೆಹೋವನ ಈ ಸಂದೇಶ ಸಿಕ್ತು+ “ಹೋಗು, ಹೋಗಿ ನಿನ್ನ ಸೊಂಟದ ಮೇಲಿರೋ ಗೋಣಿಯನ್ನ, ನಿನ್ನ ಕಾಲಲ್ಲಿರೋ ಚಪ್ಪಲಿನ ತೆಗೆದುಹಾಕು.” ಯೆಶಾಯ ಹಾಗೇ ಮಾಡಿದ. ಅವನು ಬೆತ್ತಲೆಯಾಗಿ* ಬರಿಗಾಲಲ್ಲಿ ನಡೆದ.
3 ಆಮೇಲೆ ಯೆಹೋವ ಹೀಗೆ ಹೇಳಿದನು “ನನ್ನ ಸೇವಕ ಯೆಶಾಯ ಮೂರು ವರ್ಷಗಳ ತನಕ ಬೆತ್ತಲೆಯಾಗಿ ಬರಿಗಾಲಲ್ಲಿ ಅಲೆದಾಡಿದ. ಈ ವಿಷ್ಯ ಒಂದು ಗುರುತಾಗಿದೆ.+ ಮುಂದೆ ಈಜಿಪ್ಟಿಗೆ ಮತ್ತು ಇಥಿಯೋಪ್ಯಕ್ಕೆ ಏನಾಗುತ್ತೆ ಅಂತ ತಿಳಿಸೋ ಎಚ್ಚರಿಕೆಯಾಗಿದೆ.+
4 ಅಶ್ಶೂರಿನ ರಾಜ ಬಂದು ಈಜಿಪ್ಟಿನವರನ್ನ,+ ಇಥಿಯೋಪ್ಯದವರನ್ನ ಬಂದಿಗಳಾಗಿ ಕರ್ಕೊಂಡು ಹೋಗ್ತಾನೆ. ಅವನು ಚಿಕ್ಕವರಿಂದ ದೊಡ್ಡವರ ತನಕ ಎಲ್ಲ ಪುರುಷರ ಬಟ್ಟೆ ಕಳಚಿ ಅವ್ರನ್ನ ಬೆತ್ತಲೆ ಮಾಡಿ, ಅವರು ಬರಿಗಾಲಲ್ಲಿ ನಡೆಯೋ ತರ ಮಾಡ್ತಾನೆ. ಅವ್ರ ಕುಂಡಿಗಳು ಕಾಣಿಸೋ ತರ ಮಾಡ್ತಾನೆ. ಹೌದು, ಈಜಿಪ್ಟ್‌ ಅವಮಾನಕ್ಕೆ ಗುರಿಯಾಗುತ್ತೆ.
5 ಯಾರು ಇಥಿಯೋಪ್ಯದ ಮೇಲೆ ತಮ್ಮ ನಿರೀಕ್ಷೆ ಇಟ್ಕೊಂಡಿದ್ರೋ, ಯಾರಿಗೆ ಈಜಿಪ್ಟನ್ನ ಕಂಡ್ರೆ ಹೆಮ್ಮೆ ಆಗ್ತಿತ್ತೋ* ಅವರು ಅವುಗಳ ಪರಿಸ್ಥಿತಿ ನೋಡಿ ಹೆದರಿ ಹೋಗ್ತಾರೆ, ಅವಮಾನಕ್ಕೆ ಗುರಿ ಆಗ್ತಾರೆ.
6 ಕಡಲತೀರದಲ್ಲಿ ನೆಲೆಸಿರೋ ಜನ ಆ ದಿನ ‘ಯಾವುದರ ಮೇಲೆ ನಾವು ನಿರೀಕ್ಷೆ ಇಟ್ಕೊಂಡಿದ್ವೋ ಅದಕ್ಕೆ ಎಂಥ ಗತಿ ಬಂತು ನೋಡಿ. ಅಶ್ಶೂರಿನ ರಾಜನಿಂದ ತಪ್ಪಿಸ್ಕೊಳ್ಳೋಕೆ ಯಾವುದನ್ನ ಆಶ್ರಯಿಸ್ತಿದ್ದೀವೋ ಅದಕ್ಕೆ ಏನಾಯ್ತು ಅಂತ ನೋಡಿ. ಈಗ ನಾವು ಹೇಗೆ ಪಾರಾಗೋದು?’ ಅಂತ ಮಾತಾಡ್ಕೊಳ್ತಾರೆ.”
ಪಾದಟಿಪ್ಪಣಿ
^ ಅಥವಾ “ಸೇನಾಪತಿಯನ್ನ.”
^ ಅಥವಾ “ಕಡಿಮೆ ಬಟ್ಟೆ ಹಾಕಿ.”
^ ಅಥವಾ “ಯಾರು ಈಜಿಪ್ಟಿನ ಸೌಂದರ್ಯವನ್ನ ಮೆಚ್ಚಿಕೊಳ್ತಿದ್ರೋ.”
