ಯೆಶಾಯ 40:1-31
40 “ನನ್ನ ಜನ್ರನ್ನ ಸಂತೈಸಿ” ಅಂತ ನಿಮ್ಮ ದೇವರು ಹೇಳ್ತಾನೆ.+
2 “ಯೆರೂಸಲೇಮಿನ ಮನಸ್ಸಿಗೆ ಮುದ ನೀಡೋ ತರ ಮಾತಾಡಿ,ಅದ್ರ ಸಂಕಷ್ಟದ ದಿನಗಳು ಮುಗಿತು ಅಂತ,ಅದ್ರ ಅಪರಾಧಕ್ಕೆ ತಕ್ಕ ಪರಿಹಾರ ಸಿಕ್ತು ಅಂತ ತಿಳಿಸಿ.+
ಅದ್ರ ಪಾಪಗಳಿಗಾಗಿ ಯೆಹೋವನ ಕೈಯಿಂದ ಅದಕ್ಕೆ ಎರಡು ಪಟ್ಟು ಶಿಕ್ಷೆ ಸಿಕ್ತು.”+
3 ಯಾರೋ ಬಯಲು ಪ್ರದೇಶದಿಂದ ಹೀಗೆ ಕೂಗಿ ಹೇಳ್ತಿದ್ದಾರೆ:“ಯೆಹೋವನ ಮಾರ್ಗ ಸಿದ್ಧಮಾಡಿ!+
ಮರುಭೂಮಿಯನ್ನ ಹಾದುಹೋಗೋ ಒಂದು ನೇರವಾದ ಹೆದ್ದಾರಿಯನ್ನ ನಮ್ಮ ದೇವರಿಗಾಗಿ ತಯಾರಿ ಮಾಡಿ.+
4 ಎಲ್ಲ ಕಣಿವೆಗಳು ಮುಚ್ಚಲಿ,ಎಲ್ಲ ಪರ್ವತಗಳು ಮತ್ತು ಬೆಟ್ಟಗಳು ತಗ್ಗಲಿ.
ಒರಟಾದ ನೆಲ ಸಮತಟ್ಟಾಗಲಿ,ಏರುಪೇರಾದ ನೆಲ ಕಣಿವೆಯ ಬಯಲಾಗಲಿ.+
5 ಯೆಹೋವನ ಮಹಿಮೆ ಎಲ್ರಿಗೂ ಗೊತ್ತಾಗುತ್ತೆ,+ಮನುಷ್ಯರೆಲ್ಲ ಅದನ್ನ ಒಟ್ಟಾಗಿ ನೋಡ್ತಾರೆ,+ಯಾಕಂದ್ರೆ ಯೆಹೋವ ಈ ಮಾತನ್ನ ಹೇಳಿದ್ದಾನೆ.”
6 ಕೇಳಿ! ಯಾರೋ ಒಬ್ಬ “ಕೂಗಿ ಹೇಳಿ!” ಅಂತ ಹೇಳ್ತಿದ್ದಾನೆ.
ಮತ್ತೊಬ್ಬ “ಏನಂತ ಕೂಗಿ ಹೇಳಲಿ?” ಅಂತ ಕೇಳ್ತಿದ್ದಾನೆ.
“ಮನುಷ್ಯರೆಲ್ಲ ಹಸಿರು ಹುಲ್ಲಿನ ತರ ಇದ್ದಾರೆ.
ಅವರ ಶಾಶ್ವತ ಪ್ರೀತಿ ಹೊಲದ ಹೂವಿನ ತರ ಇದೆ.+
7 ಯೆಹೋವ ತನ್ನ ಉಸಿರನ್ನ ಊದಿದಾಗಹಸಿರು ಹುಲ್ಲು ಒಣಗಿ ಹೋಗುತ್ತೆ,ಹೂಗಳು ಬಾಡಿಹೋಗುತ್ತೆ.+
ನಿಜ, ಜನ್ರು ಬರೀ ಹಸಿರು ಹುಲ್ಲಿಗೆ ಸಮವಾಗಿದ್ದಾರೆ.
8 ಹಸಿರು ಹುಲ್ಲು ಒಣಗಿ ಹೋಗುತ್ತೆ,ಹೂಗಳು ಬಾಡಿಹೋಗುತ್ತೆ,ಆದ್ರೆ ನಮ್ಮ ದೇವರ ಮಾತು ಸದಾಕಾಲ ಉಳಿಯುತ್ತೆ.”+
9 ಚೀಯೋನಿಗೆ ಸಿಹಿಸುದ್ದಿ ತರುತ್ತಿರುವವಳೇ,+ಎತ್ರವಾದ ಬೆಟ್ಟಕ್ಕೆ ಹತ್ತಿಹೋಗು.
ಯೆರೂಸಲೇಮಿಗೆ ಸಿಹಿಸುದ್ದಿ ತರುತ್ತಿರುವವಳೇ,ಗಟ್ಟಿಯಾದ ಧ್ವನಿಯಲ್ಲಿ ಕೂಗು.
ಹೌದು, ಗಟ್ಟಿಯಾದ ಧ್ವನಿಯಲ್ಲಿ ಕೂಗು, ಹೆದರಬೇಡ.
ಯೆಹೂದದ ಪಟ್ಟಣಗಳಿಗೆ “ಇಗೋ ನಿಮ್ಮ ದೇವರು ಇಲ್ಲಿದ್ದಾನೆ” ಅಂತ ಹೇಳು.+
10 ನೋಡು! ವಿಶ್ವದ ರಾಜ ಯೆಹೋವ ಬರ್ತಾನೆ. ಬಂದು ತನ್ನ ಬಲವನ್ನ ತೋರಿಸ್ತಾನೆ,ಆತನ ಬಲಗೈ* ಆಳ್ವಿಕೆ ನಡೆಸುತ್ತೆ.+
ನೋಡು! ದೇವರು ಕೊಡೋ ಪ್ರತಿಫಲ ದೇವರ ಹತ್ರನೇ ಇದೆ,ಆತನು ಕೊಡೋ ಸಂಬಳ ಆತನ ಮುಂದೆನೇ ಇದೆ.+
11 ಆತನು ಕುರುಬನ ತರ ತನ್ನ ಹಿಂಡಿನ ಕಾಳಜಿ ವಹಿಸ್ತಾನೆ.*+
ಆತನು ಎಲ್ಲ ಕುರಿಮರಿಗಳನ್ನ ಒಟ್ಟುಗೂಡಿಸಿ,ಅವುಗಳನ್ನ ಎತ್ತಿ ತನ್ನ ಎದೆಗೆ ಅಪ್ಪಿಕೊಳ್ತಾನೆ.
ಮರಿ ಹಾಕಿರೋ ಕುರಿಗಳನ್ನ ಮೆಲ್ಲಮೆಲ್ಲನೆ ನಡಿಸ್ತಾನೆ.+
12 ಸಮುದ್ರದ ನೀರನ್ನೆಲ್ಲ ಯಾರು ತಾನೇ ಕೈಯಿಂದ ಅಳತೆ ಮಾಡಿದ್ದಾರೆ?+
ಆಕಾಶವನ್ನ ಯಾರು ತಾನೇ ಗೇಣಿಂದ* ಅಳೆದಿದ್ದಾರೆ?
ಭೂಮಿಯ ಮಣ್ಣನ್ನೆಲ್ಲ ಯಾರು ತಾನೇ ತಮ್ಮ ಮುಷ್ಟಿಯಲ್ಲಿ ಹಿಡ್ಕೊಂಡಿದ್ದಾರೆ?+
ತ್ರಾಸಿನಲ್ಲಿ ಪರ್ವತವನ್ನ, ತಕ್ಕಡಿಯಲ್ಲಿ ಬೆಟ್ಟವನ್ನ ಯಾರು ತಾನೇ ತೂಗಿ ನೋಡಿದ್ದಾರೆ?
13 ಯೆಹೋವನ ಪವಿತ್ರ ಶಕ್ತಿಯನ್ನ ಯಾರು ತಾನೇ ಅಳೆದು ನೋಡಿದ್ದಾರೆ?*
ಯಾರು ತಾನೇ ಆತನಿಗೆ ಸಲಹೆ ಕೊಡೋಕೆ ಆಗುತ್ತೆ?+
14 ತಿಳುವಳಿಕೆಯನ್ನ ಪಡ್ಕೊಳೋಕೆ ಆತನು ಯಾರ ಹತ್ರ ವಿಚಾರಿಸ್ತಾನೆ?
ನ್ಯಾಯದ ದಾರಿ ಯಾವುದು ಅಂತ ಆತನಿಗೆ ಯಾರು ಕಲಿಸ್ತಾರೆ?
ಆತನಿಗೆ ಯಾರು ಜ್ಞಾನ ಕೊಡ್ತಾರೆ?
ನಿಜವಾದ ತಿಳುವಳಿಕೆಯ ದಾರಿಯನ್ನ ಆತನಿಗೆ ಯಾರು ತೋರಿಸ್ತಾರೆ?+
15 ನೋಡಿ! ಜನಾಂಗಗಳು ಬಕೀಟಿಂದ* ತೊಟ್ಟಿಕ್ಕೋ ತುಂತುರು ಹನಿ ತರ ಇವೆ,ತಕ್ಕಡಿಯ ತಟ್ಟೆಯ ಮೇಲಿರೋ ಧೂಳಿನ ಕಣದ ತರ ಇವೆ.+
ಇಗೋ! ಆತನು ದ್ವೀಪಗಳನ್ನ ಧೂಳಿನ ಕಣಗಳ ತರ ಮೇಲೆತ್ತುತ್ತಾನೆ.
16 ಲೆಬನೋನಿನ ಎಲ್ಲ ಮರಗಳನ್ನ ಒಟ್ಟುಸೇರಿಸಿದ್ರೂ ಯಜ್ಞವೇದಿಗೆ ಸಾಕಷ್ಟು ಕಟ್ಟಿಗೆ ಸಿಗಲ್ಲ,ಅಲ್ಲಿರೋ ಕಾಡು ಪ್ರಾಣಿಗಳು ಸರ್ವಾಂಗಹೋಮ ಬಲಿಗೆ ಸಾಕಾಗಲ್ಲ.
17 ಜನಾಂಗಗಳೆಲ್ಲ ಆತನ ಮುಂದೆ ಅಸ್ತಿತ್ವದಲ್ಲೇ ಇಲ್ವೇನೋ ಅನ್ನೋ ತರ ಇರ್ತವೆ,+ಆತನ ದೃಷ್ಟಿಯಲ್ಲಿ ಅವು ಏನೇನೂ ಅಲ್ಲ, ಬರೀ ಶೂನ್ಯ.+
18 ನೀವು ದೇವ್ರನ್ನ ಯಾರ ಜೊತೆ ಹೋಲಿಸೋಕಾಗುತ್ತೆ?+
ಯಾವ ವಸ್ತು ತಾನೇ ಆತನ ಹೋಲಿಕೆಯಲ್ಲಿದೆ?+
19 ಕರಕುಶಲಗಾರ ಒಂದು ಮೂರ್ತಿಯನ್ನ ಕೆತ್ತುತ್ತಾನೆ,*ಲೋಹದ ಕೆಲಸಗಾರ ಅದಕ್ಕೆ ಚಿನ್ನದ ತಗಡನ್ನ ಹೊದಿಸ್ತಾನೆ,+ಆಮೇಲೆ ಅದಕ್ಕಾಗಿ ಬೆಳ್ಳಿಯ ಸರಪಣಿಗಳನ್ನ ಮಾಡ್ತಾನೆ.
20 ಒಬ್ಬ ಮನುಷ್ಯ ಮೂರ್ತಿಯನ್ನ ಮಾಡೋಕೆ ಒಂದು ಮರವನ್ನ,+ಅದ್ರಲ್ಲೂ ಹಾಳಾಗದ ಮರವನ್ನ ಆಯ್ಕೆಮಾಡ್ಕೊಳ್ತಾನೆ.
ಆಮೇಲೆ ಉರುಳಿ ಬೀಳದ ಒಂದು ಮೂರ್ತಿಯನ್ನ ಕೆತ್ತಿಸೋಕೆ ಅವನುಒಬ್ಬ ಕರಕುಶಲಗಾರನಿಗಾಗಿ ಹುಡುಕ್ತಾನೆ.+
21 ಇದು ನಿನಗೆ ಗೊತ್ತಿಲ್ವಾ?
ಇದ್ರ ಬಗ್ಗೆ ನೀನು ಕೇಳಿಸ್ಕೊಂಡಿಲ್ವಾ?
ಮುಂಚೆನೇ ಇದ್ರ ಬಗ್ಗೆ ನಿನಗೆ ಹೇಳಿರಲಿಲ್ವಾ?
ಭೂಮಿಗೆ ಅಡಿಪಾಯ ಹಾಕಿದಾಗಿಂದ ಇದ್ರ ಬಗ್ಗೆ ನಿನಗೆ ತಿಳುವಳಿಕೆ ಇಲ್ವಾ?+
22 ಭೂಗೋಳದ* ಮೇಲೆ ದೇವರು ವಾಸಿಸ್ತಾನೆ,+ಆತನ ಮುಂದೆ ಭೂಮಿಯಲ್ಲಿ ಇರೋ ಜನ ಮಿಡತೆಗಳ ತರ ಇದ್ದಾರೆ.
ಆತನು ಆಕಾಶವನ್ನ ಒಂದು ತೆಳುವಾದ ಬಟ್ಟೆ ತರ ಹಾಸಿ,ವಾಸಿಸೋಕೆ ಒಂದು ಡೇರೆಯನ್ನ ಬಿಚ್ಚಿದ ಹಾಗೆ ಅವುಗಳನ್ನ ಬಿಚ್ಚಿಟ್ಟಿದ್ದಾನೆ.+
23 ಆತನು ಉನ್ನತ ಅಧಿಕಾರಿಗಳನ್ನ ಕೆಳಗಿಳಿಸ್ತಾನೆ,ಭೂಮಿಯ ನ್ಯಾಯಾಧೀಶರನ್ನ* ನಿಷ್ಪ್ರಯೋಜಕರನ್ನಾಗಿ ಮಾಡ್ತಾನೆ.
24 ಅವರು ಈಗಷ್ಟೆ ನೆಟ್ಟಿರೋ ಗಿಡದ ತರ ಇದ್ದಾರೆ,ಅವ್ರನ್ನ ಈಗಷ್ಟೆ ಬಿತ್ತಲಾಗಿದೆ,ಅವ್ರ ಬೇರು ಭೂಮಿಯೊಳಕ್ಕೆ ಇಳಿಯೋ ಮುಂಚೆನೇಅವ್ರನ್ನ ಊದಲಾಯ್ತು, ಅವರು ಒಣಗಿಹೋದ್ರು.
ಗಾಳಿ ಬಂದು ಕೂಳೆಯನ್ನ ತಗೊಂಡು ಹೋಗೋ ತರ ಅವ್ರನ್ನ ತಗೊಂಡು ಹೋಯ್ತು.+
25 ಪವಿತ್ರ ದೇವರು ಹೀಗೆ ಹೇಳ್ತಿದ್ದಾನೆ “ನೀವು ನನ್ನನ್ನ ಯಾರಿಗೆ ಹೋಲಿಸ್ತೀರ?
ನನ್ನನ್ನ ಯಾರಿಗೆ ಸರಿಸಮ ಮಾಡ್ತೀರ?
26 ನಿಮ್ಮ ಕಣ್ಣುಗಳನ್ನ ಮೇಲೆತ್ತಿ, ಆಕಾಶದ ಕಡೆ ನೋಡಿ.
ನಕ್ಷತ್ರಗಳನ್ನ ಸೃಷ್ಟಿ ಮಾಡಿದವರು ಯಾರು?+
ಅವುಗಳಲ್ಲಿ ಒಂದೊಂದನ್ನ ಎಣಿಸಿ ಲೆಕ್ಕಮಾಡಿದವನೇ.
ಆತನು ಅವುಗಳಲ್ಲಿ ಪ್ರತಿಯೊಂದನ್ನ ಹೆಸರಿಡಿದು ಕರಿತಾನೆ.+
ಆತನ ಅಪಾರ ಶಕ್ತಿಯಿಂದಾಗಿ, ಭಯವಿಸ್ಮಯ ಹುಟ್ಟಿಸೋ ಆತನ ಬಲದಿಂದಾಗಿ,+ಅವುಗಳಲ್ಲಿ ಒಂದೂ ಕಾಣದೆ ಹೋಗಲ್ಲ.
27 ‘ನಾನು ನಡೆಯೋ ದಾರಿ ಯೆಹೋವನಿಗೆ ಮರೆಯಾಗಿದೆ,ದೇವರಿಂದ ನನಗೆ ನ್ಯಾಯ ಸಿಗಲ್ಲ’ ಅಂತಯಾಕೋಬನೇ, ನೀನು ಯಾಕೆ ಹೇಳ್ತೀಯ?
ಇಸ್ರಾಯೇಲೇ, ನೀನು ಯಾಕೆ ಘೋಷಿಸ್ತೀಯ?+
28 ಭೂಮಿ ಮೇಲಿರೋ ಎಲ್ಲವನ್ನ ಸೃಷ್ಟಿಮಾಡಿದ ಯೆಹೋವ ಶಾಶ್ವತವಾಗಿ ದೇವರಾಗಿದ್ದಾನೆ+ ಅಂತ
ನಿನಗೆ ಗೊತ್ತಿಲ್ವಾ? ಅದನ್ನ ನೀನು ಕೇಳಿಸ್ಕೊಂಡಿಲ್ವಾ?
ಆತನು ಯಾವತ್ತೂ ದಣಿಯಲ್ಲ, ಯಾವತ್ತೂ ಬಳಲಿ ಹೋಗಲ್ಲ.+
ದೇವರಿಗಿರೋ ತಿಳುವಳಿಕೆಯ ಆಳವನ್ನ ಯಾರಿಂದಾನೂ ಅಳೆಯೋಕೆ ಆಗಲ್ಲ.*+
29 ಬಳಲಿದವನಿಗೆ ಆತನು ಶಕ್ತಿ ಕೊಡ್ತಾನೆ,ನಿರ್ಬಲನಿಗೆ ಆತನು ತುಂಬ ಬಲ ಕೊಡ್ತಾನೆ.+
30 ಹುಡುಗರು ದಣಿದು ಬಳಲಿ ಹೋಗ್ತಾರೆ,ಯುವಕರು ಎಡವಿ ಬೀಳ್ತಾರೆ.
31 ಆದ್ರೆ ಯೆಹೋವನಲ್ಲಿ ನಿರೀಕ್ಷೆ ಇಡೋರು ಹೊಸಬಲ ಪಡಿತಾರೆ.
ಹದ್ದಿನ ತರ ರೆಕ್ಕೆಗಳನ್ನ ಚಾಚಿ ಅವರು ಎತ್ರದಲ್ಲಿ ಹಾರ್ತಾರೆ.+
ಅವರು ಓಡಿದ್ರೂ ದಣಿಯಲ್ಲ,ಅವರು ನಡೆದ್ರೂ ಬಳಲಿ ಹೋಗಲ್ಲ.”+
ಪಾದಟಿಪ್ಪಣಿ
^ ಅಕ್ಷ. “ಬಾಹು.”
^ ಅಥವಾ “ಪರಿಪಾಲನೆ ಮಾಡ್ತಾನೆ.”
^ ಅಂಗೈಯನ್ನ ಅಗಲಮಾಡಿದಾಗ ಹೆಬ್ಬೆರಳಿಂದ ಕಿರುಬೆರಳ ತನಕ ಇರೋ ಅಂತರವನ್ನ ಗೇಣು ಅಂತ ಕರಿತಾರೆ. ಪರಿಶಿಷ್ಟ ಬಿ14 ನೋಡಿ.
^ ಬಹುಶಃ, “ಗ್ರಹಿಸಿದ್ದಾರೆ.”
^ ಅಕ್ಷ. “ಕಪಿಲೆ.”
^ ಅಥವಾ “ಅಚ್ಚಲ್ಲಿ ಹೊಯ್ದು ಮೂರ್ತಿ ಮಾಡ್ತಾನೆ.”
^ ಅಥವಾ “ವೃತ್ತ, ಮಂಡಲದ.”
^ ಅಥವಾ “ಅಧಿಕಾರಿಗಳನ್ನ.”
^ ಅಥವಾ “ಯಾರಿಂದಲೂ ಅರ್ಥ ಮಾಡ್ಕೊಳ್ಳೋಕೆ ಸಾಧ್ಯ ಇಲ್ಲ.”
